यूहन्ना 14:26 - Halbi

²⁶ मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

परमेस्वर को सच्चो वचन ख जाननू

²⁶ पर तुमारी मदत करन वालो एको मतलब सुध्द आत्मा जोका परमेस्वर बाप मोरो नाम से भेजेगो, उ तुमका सबरी बात हुन सिखाएगो अर जे कुछ मी न तुम से कय्हो हैं, उ सब तुमका याद दिलायगो।”

यूहन्ना 14:26 ပူးပေါင်းရင်းမြစ်များ

मत्ती 1:18

अदायं ईशु मसीह चो जनम ऐ परकार ले होली, कि जिदलदाय हुनचो आया मरियम चो मांगनी यूसुफ चो संगे होली, तेबे हुनमन चो रूंड़ा होतोर पयले ले हुन पवितर आत्मा चो बाटले देंहबारी होऊ रली।

मत्ती 1:20

जिदलदाय यूसुफ ऐ गोठमन चो बिचार ने ची रलो तेबे माहापुरू चो सरगदूत हुनके सपना ने दका देउन भाती बोलुक मुरयालो, “हे यूसुफ! दाऊद पुरखा चो पिला, तुय आपलो बायले मरियम के आपलो घरे आनतो काजे नी डर, कसनबल्लोने जोन हुनचो गरब ने आसे, हुन पवितर आत्मा चो बाटले आय।

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मत्ती 3:11

“मय तो पानी ले तुमके मन फिराव चो डूबन देयेंसे, मान्तर जोन मोचो पाचे ऐतो बिता आय, हुन मोचो ले आगर शक्तिशाली आय; मय हुनचो पनही उठातोर लायक नुआय, हुन तुमके पवितर आत्मा आउर आईग ले डूबन देयदे।

मरकुस 12:36

दाऊद खुदे ची पवितर आत्मा ले होऊन भाती बल्लो से: ‘परबु मोचो परबु ले बल्लो,’ ‘मोचो उजा हाथ बाटे बस, जिदलदाय ले कि मय तुचो बयरीमन के तुचो पाँयमन चो खाले नी करून देये।’”

मरकुस 13:11

जिदलदाय हुनमन तुमके नेऊन भाती सोप दे, तेबे पयले ले चिन्ता नी करा कि आमी काय बोलुन्दे; मान्तर जोन काई तुमके हुनी समया सांगुन दिआ जाये दे हुनी बोला; कसनबल्लोने बोलतो बिता तुमी नुआस, मान्तर पवितर आत्मा आय।

लूका 1:15

कसनबल्लोने हुन परबु चो पुरे माहान होये दे; आउर दाखरस आउर मंद केबीई नी पिये; आउर आपलो आया चो गरब ले ची पवितर आत्मा ले समपूरन होऊन जायेदे;

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

लूका 1:41

जसने ची इलीशिबा मरियम चो जुहार सुनली, असने ची पिला हुनचो पेट ने उदललो, आउर इलीशिबा पवितर आत्मा ले परिपुरन होली।

लूका 1:67

हुनचो बुआ जकर्याह पवितर आत्मा ले भरपूर होऊन गेलो आउर अगम गोठ करूक मुरयालो।

लूका 11:13

बल्ले जिदलदाय तुमी खराप होऊन भाती आपलो पिलामन के अच्छा तीजमन देऊक जानास, तेबे सरग चो बुआ आपलो मांगतो बितामन के पवितर आत्मा केंव नी देये।”

लूका 2:25

यरूशलेम ने शिमोन नाव चो गोटक माने रलो, आउर हुन माने धरमी आउर भगत रलो; आउर इस्राएल चो शान्ति चो बाट दकते रलो, आउर पवितर आत्मा हुनचो उपरे रली।

लूका 24:49

आउर दका, जेचो बायदा मोचो बुआ करलो से, मय हुनके तुमचो उपरे उतरायें दें आउर जिदलदाय ले सरग ले सामरत नी पाहास, हुदलदाय ले तुमी ऐई नंगर ने ठेबुन राहा।”

लूका 3:22

आउर पवितर आत्मा देंह चो रूप ने परेयां चो असन हुनचो उपरे उतरली, आउर ऐ आकाशबानी होली “तुय मोचो लाड़रा बेटा आस, मय तुचो ले हरिक आंसे।”

यूहन्ना 1:33

मय तो हुनके चिता ते नी रले, मान्तर जोन मोके पानी ले डूबन देतो काजे पठालो, हुनी मोचो ले बल्लो, ‘जेचो उपरे तुय आत्मा के उतर ते आउर ठेबते दक से, हुनी पवितर आत्मा ले डूबन देतो बिता आय।’

यूहन्ना 12:16

हुनचो चेला ये गोठमन पयले नी समजुन रवत, मान्तर जिदलदाय ईशु चो महिमा परकट होली तेबे हुनमन के सुरता ईली कि ये गोठमन हुनचो बारे ने लिकलोर रली आउर लोगमन हुनके येई परकार चो बेवहार करू रवत।

यूहन्ना 14:16

मय बुआ ले गुहार करें दें, आउर हुन तुमके गोटक आउर सायक देये दे कि हुन हरमेशा तुमचो संगे रये दे।

यूहन्ना 14:25

“ऐ गोठमन मय तुमचो संगे रते-रते तुमचो ले बल्ले।

यूहन्ना 15:26

मान्तर जिदलदाय सायता करू ऐये दे, जोन के मय तुमचो लगे बुआ चो बाटले पटायें दें, बल्लोने सत चो आत्मा जोन बुआ चो बाटले निकरू आय, तेबे हुन मोचो गोहई देये दे;

यूहन्ना 16:7

तेबले बले मय तुमचो ले सते बलें सें कि मोचो जातोर तुमचो काजे नुकु आय, कसनबल्लोने अगर मय नी जाये तेबे हुन सायता करू तुमचो लगे नी ऐये दे; मान्तर अगर मय जायें दें, तेबे हुनके तुमचो लगे पटायें दें।

यूहन्ना 2:22

आउर जिदलदाय हुन मरलो बितामन थानले जीव उठलो तेबे हुनचो चेलामन के सुरता ईली कि हुन ऐ बोलुन रलो; आउर हुनमन पवितर शास्त्र आउर हुन बचन के जोन ईशु बोलुन रये, बिश्वास करला।

यूहन्ना 20:22

ऐ बोलुन भाती हुन हुनमन चो उपरे फुक लो आउर हुनमन ले बल्लो, “पवितर आत्मा धरा।

यूहन्ना 6:45

अगम गिआनीमन चो लेखमन ने ऐ लिकलोर आसे, ‘हुनमन सपाय माहापुरू चो बाटले सिकालोर हो दे।’ जोन कोनी बले बुआ ले सुनला आउर सिकला से, हुन मोचो लगे ऐऊ आय।

यूहन्ना 7:39

हुन ऐ बचन पवितर आत्मा चो बारे ने बल्लो, जेके हुनचो उपरे बिश्वास करतो बितामन पावतो थाने रवत; कसनबल्लोने आत्मा ऐबे तक नी उतरून रली, कसनबल्लोने ईशु ऐबे तक आपलो महिमा के नी अमरून रलो।

प्रेरितो 1:2

हुन दिन ले जिदलदाय हुन-हुन पठालोबितामन चो जोनमन के हुन चुनुन रलो, पवितर आत्मा चो बाटले हुकुम देऊन भाती उपरे उठाया नी गेलो।

प्रेरितो 1:4

आउर चेलामन ले मिलुन भाती हुनमन के हुकुम दिलो, “यरूशलेम के नी छांड़ा, मान्तर बुआ चो हुन बायदा चो पुरा होतोर बाट टाकु राआ, जेचो गोठ बात तुमी मोचो ले सुनलासास।”

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

प्रेरितो 11:16

तेबे मोके परबु चो हुन बचन सुरता ईली; जोन हुन बोलु रलो, यूहन्ना तो पानी ले डूबन दिलो, मान्तर तुमी पवितर आत्मा ले डूबन पाहा से।

प्रेरितो 13:2

जिदलदाय हुनमन उपास संगे परबु चो उपास करते रवत, तेबे पवितर आत्मा बल्लो, “मोचो काजे बरनबास आउर शाऊल के हुन काम चो काजे अलग करा जेचो काजे मय हुनमन के हाग दिले से।”

प्रेरितो 13:4

आउर हुनमन पवितर आत्मा चो पठालो बिती सिलूकिया ने गेला; आउर हुता ले जाहाज थाने चेगुन भाती साइप्रस ने गेला;

प्रेरितो 15:28

पवितर आत्मा के आउर आमके ठीक जान पढ़ली कि ऐ जरूरी गोठमन के छांडुन, तुमचो उपरे आउर बोजा नी डालु;

प्रेरितो 15:8

मन चो जाचतो बिता माहापुरू हुनमन के बले आमचो असन पवितर आत्मा देऊन भाती हुनमन चो गोहई दिलो;

प्रेरितो 16:6

हुनमन फ्रुगिया आउर गलातिया परदेशमन ले होऊन भाती गेला, कसनबल्लोने पवितर आत्मा हुनमन के आसिया ने बचन सुनातो ले मना करलो।

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 2:4

हुनमन सपाय पवितर आत्मा ले भरून गेला, आउर जसन परकार आत्मा हुनमन के बोलतोर सामरत दीली, हुनमन दुसर-दुसर भाषा बोलुक मुरयाला।

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

प्रेरितो 20:35

मय तुमके सपाय काई करून दकाले कि ऐई ढंग ले मसागत करते-करते कमजोरमन के समालतोर आउर परबु ईशु चो बचन सुरता संगातोर जरूरी आय, जोन हुन खुद ची बल्लो से: धरतोर ले देतोर धन्य आय।

प्रेरितो 28:25

जिदलदाय हुनमन आपस ने गोटक मत नी होला, तेबे पौलुस चो ऐ गोठ के बोलतो के जाते गेला, पवितर आत्मा यशाया अगम गिआनी चो बाटले तुमचो बुआ दादीमन ले ठीक ची बल्लो,

प्रेरितो 5:3

पतरस बल्लो, “हे हनन्या! शयतान तुचो मन ने ऐ गोठ केंव डाल्लो कि तुय पवितर आत्मा ले झूठ बोल, आउर भुईं चो दाम थानले खिन्डिक गुचाऊन संगाव?”

प्रेरितो 7:51

“हे हठाआ, आउर मन आउर कान चो खतना नी करलो लोगमन, तुमी सदा पवितर आत्मा चो बिरूद करू आस। जसन तुमचो बुआ दादीमन करते रवत, असने ची तुमी बले करेसास।”

प्रेरितो 7:55

मान्तर हुन पवितर आत्मा ले समपूरन होऊन भाती सरग बाटे दकलो आउर माहापुरू चो महिमा के आउर ईशु के माहापुरू चो उजा बाटे उबा होलोर दकुन भाती

रोमियो 14:17

कसनबल्लोने माहापुरू चो राज खातोर-पिवतोर नुआय, मान्तर धरम आउर मिला-मिसा आउर हुन हरिक आय जोन पवितर आत्मा ले हऊ आय।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

रोमियो 5:5

आउर आशा ले लाज नी होये, कसनबल्लोने पवितर आत्मा जोन आमके दिआय गेली से हुनचो कारन माहापुरू चो मया आमचो मन ने डालाय गेली से।

1 कुरिन्थियो 12:3

ऐईकाजे मय तुमके जनाऊन देये से कि जोन कोनी माहापुरू चो आत्मा चो अगुवाई ले बोलु आय, हुन नी बले कि ईशु शरापित आय; आउर ना कोनी पवितर आत्मा चो बिना बोलुक सके कि ईशु परबु आय।

1 कुरिन्थियो 6:19

काय तुमी नी जानास कि तुमचो देंह पवितर आत्मा चो मंदिर आय, जोन तुमनमन ने बसली से आउर तुमके माहापुरू चो बाटले मिरली से; आउर तुमी आपलो नुआस?

2 कुरिन्थियो 13:14

परबु ईशु मसीह चो अनुग्रह आउर माहापुरू चो मया आउर पवितर आत्मा चो भागीदारी तुमी सपाय चो संगे होते रओ।

2 कुरिन्थियो 6:6

पवितरता ले, गिआन ले, धीरज ले, किरपा ले, पवितर आत्मा ले,

इफिसीयो 1:13

आउर हुनी थाने तुमचो थाने बले, जिदलदाय तुमी सत चो बचन सुनलास जोन तुमचो मुक्ति चो नगतखबर आय आउर जोन थाने तुमी बिश्वास करलास, बायदा करलो बिती पवितर आत्मा चो छापा लगली।

इफिसीयो 1:17

कि आमचो परबु ईशु मसीह चो माहापुरू जोन महिमा चो बुआ आय, तुमके आपलो पयचान ने गिआन आउर उजर चो आत्मा देओ,

इफिसीयो 4:30

माहापुरू चो पवितर आत्मा के दुकी नी करा, जेचो ले तुमचो उपरे छुटकारा चो दिने चो काजे छाप दिया गेली से।

1 थिस्सलुनीकियो 4:8

ऐई लागुन जोन ऐके तुच्छ जानु आय, हुन माने के नाई मान्तर माहापुरू के तुच्छ जानु आय, जोन आपलो पवितर आत्मा तुमके देऊ आय।

2 तीमुथियुस 1:14

आउर पवितर आत्मा चो दुवारा जोन आमीमन ने बसली से, ऐ अच्छा अमानत चो राका कर।

तीतुस 3:5

तेबे हुन आमचो मुक्ति करलो; आउर ऐ धरम चो काममन चो लागुन नुआय, जोन आमीमन खुद करलु, मान्तर आपलो दया चो अनुसार नवा जनम चो नाहातोर आउर पवितर आत्मा चो आमके नवा बनातोर बाटले होली।

इब्रानियो 10:15

आउर पवितर आत्मा बले आमके ऐई गोहई देये से; कसनबल्लोने हुन पयले बोलुन रये,

इब्रानियो 2:4

आउर संगे ची माहापुरू बले आपलो इच्छा चो अनुसार चिनामन, आउर भयंकर काममन, आउर नाना परकार चो सामरत चो काममन, आउर पवितर आत्मा चो बरमन के बाटतोर लागुन ऐचो गोहई देते रलो।

इब्रानियो 3:7

आउर जसन पवितर आत्मा बोलु आय, “अगर आजी तुमी हुनचो शब्द सुना,

इब्रानियो 9:8

ऐचो ले पवितर आत्मा ऐई दकाऊ आय कि जिदलदाय ले पयला तम्बू उबा आसे, हुदलदाय ले पवितर जगा चो बाट परकट नी होली।

1 पतरस 1:12

हुनमन उपरे ऐ परकट करा गेली कि हुनमन आपलो नाई मान्तर तुमचो सेवा चो काजे ऐ गोठमन बोला करते रओत, जेचो खबर अदायं तुमके हुनमन चो दुवारा मिरली जोनमन पवितर आत्मा चो दुवारा, जोन सरग ले पटाया गेली, तुमके नगतखबर सुनाला; आउर ऐ गोठमन के सरगदूत बले धिआन ले दकतोर इच्छा संगाऊ आत।

2 पतरस 1:21

कसनबल्लोने कोनी बले अगम गोठ माने चो इच्छा ले केबीई नी होली, मान्तर भगत जन पवितर आत्मा चो दुवारा उभरुन जाऊन भाती माहापुरू चो बाटले बोलते रवत।

1यूहन्ना 2:20

मान्तर तुमचो तो हुन पवितर ले अभिषेक होली से, आउर तुमी सपाय काई जानेसास।

1यूहन्ना 2:27

मान्तर तुमचो हुन अभिषेक जोन हुनचो बाटले कराए गेली, तुमचो ने बनुन रऊ आय; आउर तुमके ऐचो जरूरत निआय कि कोनी तुमके सिका ओत, बल्लोने जसन हुन अभिषेक जोन हुनचो बाटले कराए गेली तुमके सपाय गोठमन सिकाऊ आय, आउर ऐ सते आय आउर फंद नुआय; आउर जसन हुन तुमके सिका लो से हुसने ची तुमी हुन थाने बनुन रऊ आहास।

1यूहन्ना 5:7

आउर जोन गोहई देऊ आय, हुन आत्मा आय, कसनबल्लोने आत्मा सत आय।

यहूदा 1:20

मान्तर हे लाडरामन, तुमी आपलो खुबे पवितर बिश्वास ने उन्नती करते-करते आउर पवितर आत्मा ने पारथना करते-करते,

प्रकाशितवाक्य 2:11

“जेचो कान आसे हुन सुना कि आत्मा कलीसियामन ले काय बलेसे। जोन जय पावला, हुनके दुसर मरना ले हानि नी पहुँचे।”