यूहन्ना 14:23 - Halbi

²³ ईशु हुनके जबाप दिलो, “अगर कोनी मोचो ले मया संगाय दे, तेबे हुन मोचो बचन के माने दे, आउर मोचो बुआ हुनचो ले मया संगाय दे, आउर आमी हुनचो लगे ऐऊ दें आउर हुनचो संगे वास करूं दे।”

परमेस्वर को सच्चो वचन ख जाननू

²³ यीसु न ओखा जवाब दियो, “अदि कोई मोसे प्रेम रखेगो ते उ मोरो वचन ख मानेगो, अर मोरो बाप परमेस्वर ओसे प्रेम रखेगो, अर हम ओको पास आएँगो अर ओको संग रहेगो।

यूहन्ना 14:23 ပူးပေါင်းရင်းမြစ်များ

यूहन्ना 10:30

मय आउर बुआ गोटक आंव।”

यूहन्ना 14:15

“अगर तुमी मोचो ले मया संगाऊ आस, तेबे मोचो हुकुममन के माना से।

यूहन्ना 14:17

बल्लोने सत चो आत्मा, जेके संवसार गरहन करूक नी सके, कसनबल्लोने हुन ना हुनके दकु आय आउर ना हुनके जाने से; तुमी हुनके जानास, कसनबल्लोने हुन तुमचो संगे रऊ आय, आउर हुन तुमचो ने होये दे।”

यूहन्ना 14:21

जेचो लगे मोचो हुकुममन आसे आउर हुन हुनमन के मानु आय, हुनी मोचो ले मया संगाऊ आय; आउर जोन मोचो ले मया संगाऊ आय हुनचो ले मोचो बुआ मया संगाय दे, आउर मय हुनचो ले मया संगायें दें आउर आपन खुद के हुन थाने उजागर करें दें।”

यूहन्ना 14:24

जोन मोचो ले मया नी संगाये, हुन मोचो बचन नी माने; आउर जोन बचन तुमी सुनु आहास हुन मोचो नुआय मान्तर बुआ चो आय, जोन मोके पठालो।

यूहन्ना 15:10

अगर तुमी मोचो हुकुममन के माना से, तेबे मोचो मया ने बनुन राहा से; जसन कि मय आपलो बुआ चो हुकुममन के मानले से, आउर हुनचो मया ने बनुन रऊँ आंय।

यूहन्ना 16:27

कसनबल्लोने बुआ तो खुदे ची तुमचो ले मया संगाऊ आय, ऐईकाजे कि तुमनमन मोचो ले मया संगालासास आउर ऐ बले बिश्वास करलासास कि मय बुआ चो बाटले ईले से।

यूहन्ना 6:56

जोन मोचो मास खाऊ आय आउर मोचो लऊ पिऊ आय हुन मचो ने थीर बनुन रऊ आय, आउर मय हुनचो ने।

यूहन्ना 8:51

मय तुमचो ले सत-सत बलेंसें कि अगर कोनी माने मोचो बचन थाने चलेदे, तेबे हुन केबीई मरना के नी दकेदे।”

यूहन्ना 8:52

यहूदीमन हुनचो ले बल्ला, “अदायं आमी जानलु से कि तुचो थाने दुष्टआत्मा आसे। अब्राहाम मरून गेलो, आउर अगम गिआनी बले मरून गेलो से; आउर तुय बोल सीस, ‘अगर कोनी मोचो बचन थाने चले दे तो हुन केबीई मरना चो सुआद नी चाके दे।’

2 कुरिन्थियो 6:16

आउर मुरतीमन चो संगे माहापुरू चो मंदिर ले काय सम्बंध? कसनबल्लोने आमी तो जीवता माहापुरू चो मंदिर आंव; जसन माहापुरू बल्लो से, “मय हुनमन थाने बसेंदें आउर हुनमन थाने चला फिरा करेंदे; आउर मय हुनमन चो माहापुरू होयेंदें, आउर हुनमन मोचो लोग होदे।”

इफिसीयो 3:17

आउर बिश्वास चो दुवारा मसीह तुमचो मन ने बसो कि तुमी मया ने जड़ धरून भाती आउर पाया खोडुन भाती,

1यूहन्ना 2:24

जोन काई तुमी मुर ले सुनलासास, हुनी तुमचो ने बनुन रओ; जोन तुमी मुर ले सुनलासास, अगर हुन तुमचो ने बनुन रओ तेबे तुमी बले बेटा ने आउर बुआ ने बनुन राआ से।

1यूहन्ना 2:5

मान्तर जोन कोनी हुनचो बचन थाने चल दे, हुनचो ने सते माहापुरू चो मया सिद्ध होली से। ऐचीई ले आमी जानु आंव कि आमी हुन थाने आंसु।

1यूहन्ना 4:4

हे लेकामन, तुमी माहापुरू चो आहास, आउर तुमीमन हुन थाने जय पावलासास, कसनबल्लोने जोन तुमचो थाने आसे हुन हुनचो ले जोन संवसार ने आसे, बड़े आय।

1यूहन्ना 5:3

कसनबल्लोने माहापुरू ले मया संगातोर ऐ आय कि आमी हुनचो हुकुममन के मानु; आउर हुनचो हुकुममन मशकिल नुआय।

2 यूहन्ना 1:6

आउर मया ऐ आय कि आमी हुनचो हुकुममन चो अनुसार चलु; ऐ हुनी हुकुम आय जोन तुमनमन मुर ले सुनसास, आउर तुमके ऐ थाने चलतोर बले आसे।

प्रकाशितवाक्य 21:22

मय हुन थाने कोनी मंदिर नी दकले, कसनबल्लोने सर्वशक्तिमान परबु माहापुरू आउर मेमना हुनचो मंदिर आत।

प्रकाशितवाक्य 21:3

“फेर मय सिंघासन थानले कोनी के बड़े जोर ले ऐ बोलतोर सुनले, दक, माहापुरू चो डेरा मानेमन चो मंजी ने आसे। हुन हुनमन संगे डेरा करे दे, आउर हुनमन हुनचो लोग हो दे, आउर माहापुरू खुद हुनमन संगे रये दे आउर हुनमन चो माहापुरू होये दे।”

प्रकाशितवाक्य 22:3

फेर सराप नी होये दे, आउर माहापुरू आउर मेमना चो सिंघासन हुन नंगर ने होये दे आउर हुनचो दास हुनचो सेवा कर दे।