यूहन्ना 14:19 - Halbi

¹⁹ आउर खिन्डिक समया बाचली से, कि फेर संवसार मोके नी दके दे, मान्तर तुमी मोके दका से; ऐईकाजे कि मय जीव आंसे, तुमी बले जीव राहा से।

परमेस्वर को सच्चो वचन ख जाननू

¹⁹ अऊर थोड़ी देर अऊर बच गई हैं कि फिर दुनिया मोखा नी देखन को, पर तुम मोखा देखेगो; एकोलाने कि मी जिन्दो हैं, तुम भी जिन्दा रहेगो।

यूहन्ना 14:19 ပူးပေါင်းရင်းမြစ်များ

यूहन्ना 11:25

ईशु हुनचो बल्लो, “जीव उठतोर आउर जीवना मय ची आंय; जोन कोनी मोचो उपरे बिश्वास करू आत हुन अगर मरून बले जाये तेबले बले जियेदे,

यूहन्ना 12:35

ईशु हुनमन ले बल्लो, “उजर अदायं खिन्डिक समया काजे तुमचो मंजी ने आसे। जिदलदाय ले उजर तुमचो संगे आसे हुलदाय ले चलाए चला, असन नी होओ कि अंधार तुमके ऐऊन घेरो; जोन अंधार ने हिन्डु आय हुन नी जाने कि कोन बाटे जाये से।

यूहन्ना 13:33

ऐ पिलामन, मय आउर थोड़े समया तुमचो लगे आंसे: फेर तुमी मोके डगराहा से, आउर जसन मय यहूदीमन ले बल्ले, ‘जोन थाने मय जाऊँ आंय, हुता तुमी नी ऐऊक सकास,’ असने ची मय अदायं तुमचो ले बले बलें सें।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 16:16

“डण्डिक ले तुमी मोके नी दका से, आउर फेर डण्डिक ले मोके दका से।”

यूहन्ना 16:22

हुनी परकार तुमके बले ऐबे तो दुक आसे, मान्तर मय तुमचो ले फेर मिलें दें आउर तुमचो मन हरिक ले भरून जाय दे; आउर तुमचो हरिक कोनी तुमचो ले झिकुन नी नेयेदे।

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

यूहन्ना 7:33

ऐ थाने ईशु बल्लो, “मय खिन्डिक समया तक आउर तुमचो संगे आंसे, तेबे आपलो पठालोबिता चो लगे जाते जाये दे।

यूहन्ना 8:21

हुन फेर हुनमन ले बल्लो, “मय जायें सें, आउर तुमी मोके डगराहा से आउर आपलो पाप ने मरा से; जाहां मय जायें सें, हुन थाने तुमी नी ऐऊक सकास।”

प्रेरितो 10:41

सपाय लोगमन उपरे नाई मान्तर हुन गोहईमन उपरे जोनमन के माहापुरू पयले ले चुनुन रलो, बल्लोने आमचो उपरे जोनमन हुनचो मरलो बितामन थानले जीव उठलोर पाचे हुनचो संगे खादला-पिवला;

रोमियो 5:10

कसनबल्लोने बयरी होतोर हाल ने हुनचो बेटा चो मरना चो कारन आमचो मेल माहापुरू चो संगे होली, तेबे फेर मेल होऊन गेलो ने हुनचो जीवन चो कारन आमी मुक्ति कसन नी पाऊँ दें?

रोमियो 8:34

फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।

1 कुरिन्थियो 15:20

मान्तर सत-सत मसीह मुरदामन थानले जीव उठलो से, आउर जोन सोऊन गेला सोत हुनमन थाने हुन पयला फल होलो।

1 कुरिन्थियो 15:45

असने ची लिकलोर बले आसे, कि “पईल माने, बल्लोने आदम जिन्दा प्राणी बनलो” आउर आखरी आदम जीवना देतो बिती आत्मा बनली।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।