यूहन्ना 14:17 - Halbi

¹⁷ बल्लोने सत चो आत्मा, जेके संवसार गरहन करूक नी सके, कसनबल्लोने हुन ना हुनके दकु आय आउर ना हुनके जाने से; तुमी हुनके जानास, कसनबल्लोने हुन तुमचो संगे रऊ आय, आउर हुन तुमचो ने होये दे।”

परमेस्वर को सच्चो वचन ख जाननू

¹⁷ ऐको मतलब सच को आत्मा, जेखा दुनिया नी अपना सका, काहेकि वी न ओखा देखा हैं अऊर न ओखा जाना हैं; तुम ओखा जाना हैं, काहेकि उ तुमरो संग म रहवा हैं, अर उ तुम म होयगो।

यूहन्ना 14:17 ပူးပေါင်းရင်းမြစ်များ

मत्ती 10:20

कसनबल्लोने बोलतो बिता तुमी नुआस, मान्तर तुमचो बुआ चो आत्मा तुमचो ने बोलु आय।”

यूहन्ना 14:16

मय बुआ ले गुहार करें दें, आउर हुन तुमके गोटक आउर सायक देये दे कि हुन हरमेशा तुमचो संगे रये दे।

यूहन्ना 14:23

ईशु हुनके जबाप दिलो, “अगर कोनी मोचो ले मया संगाय दे, तेबे हुन मोचो बचन के माने दे, आउर मोचो बुआ हुनचो ले मया संगाय दे, आउर आमी हुनचो लगे ऐऊ दें आउर हुनचो संगे वास करूं दे।”

यूहन्ना 15:26

मान्तर जिदलदाय सायता करू ऐये दे, जोन के मय तुमचो लगे बुआ चो बाटले पटायें दें, बल्लोने सत चो आत्मा जोन बुआ चो बाटले निकरू आय, तेबे हुन मोचो गोहई देये दे;

यूहन्ना 16:13

मान्तर जिदलदाय हुन बल्ले सते चो आत्मा ऐये दे, तेबे तुमके सपाय सते चो बाट सांगे दे, कसनबल्लोने हुन आपलो बाटले नी बले दे मान्तर जोन काई सुने दे हुनी बले दे, आउर ऐतो बिती गोठमन के तुमके सांगे दे।

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

1 कुरिन्थियो 14:15

आउर काय करतोर आसे? मय आत्मा ले बले पारथना करें दें, आउर अकल ले बले पारथना करें दें; मय आत्मा ले गायें दें, आउर अकल ले बले गायें दें।

1 कुरिन्थियो 2:14

मान्तर शारीरिक माने माहापुरू चो आत्मा चो गोठमन गरहन नी करे, कसनबल्लोने हुनमन हुनचो नजर ने मुरूकता चो गोठमन आय, आउर ना हुन हुनमन के जानुक सके कसनबल्लोने हुनमन चो जाच आत्मिक रीति ले होऊ आय।

1 कुरिन्थियो 3:16

काय तुमी नी जानास कि तुमी माहापुरू चो मंदिर आहास, आउर माहापुरू चो आत्मा तुमचो थाने वास करू आय?

1 कुरिन्थियो 6:19

काय तुमी नी जानास कि तुमचो देंह पवितर आत्मा चो मंदिर आय, जोन तुमनमन ने बसली से आउर तुमके माहापुरू चो बाटले मिरली से; आउर तुमी आपलो नुआस?

2 कुरिन्थियो 13:5

आपन खुद के परका कि बिश्वास ने आसास कि नाई। आपन खुद के जाचा। काय तुमी आपलो बारे ने ऐ नी जानास कि ईशु मसीह तुमचो ने आसे? नी होले तुमी जाच ने ठग निकरलासास।

2 कुरिन्थियो 6:16

आउर मुरतीमन चो संगे माहापुरू चो मंदिर ले काय सम्बंध? कसनबल्लोने आमी तो जीवता माहापुरू चो मंदिर आंव; जसन माहापुरू बल्लो से, “मय हुनमन थाने बसेंदें आउर हुनमन थाने चला फिरा करेंदे; आउर मय हुनमन चो माहापुरू होयेंदें, आउर हुनमन मोचो लोग होदे।”

गलातियो 4:6

आउर तुमी जोन बेटा आस, ऐईकाजे माहापुरू आपलो बेटा चो आत्मा के, जोन “हे अब्बा, हे बुआ” बोलुन भाती हाग देऊ आय, आमचो मन-मन ने पठालो से।

इफिसीयो 2:22

जोन थाने तुमी बले आत्मा चो दुवारा माहापुरू चो निवास जगा होतो काजे गोटक संगे बनाया जाऊ आस।

इफिसीयो 3:17

आउर बिश्वास चो दुवारा मसीह तुमचो मन ने बसो कि तुमी मया ने जड़ धरून भाती आउर पाया खोडुन भाती,

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

2 तीमुथियुस 1:14

आउर पवितर आत्मा चो दुवारा जोन आमीमन ने बसली से, ऐ अच्छा अमानत चो राका कर।

1यूहन्ना 2:27

मान्तर तुमचो हुन अभिषेक जोन हुनचो बाटले कराए गेली, तुमचो ने बनुन रऊ आय; आउर तुमके ऐचो जरूरत निआय कि कोनी तुमके सिका ओत, बल्लोने जसन हुन अभिषेक जोन हुनचो बाटले कराए गेली तुमके सपाय गोठमन सिकाऊ आय, आउर ऐ सते आय आउर फंद नुआय; आउर जसन हुन तुमके सिका लो से हुसने ची तुमी हुन थाने बनुन रऊ आहास।

1यूहन्ना 3:24

जोन हुनचो हुकुममन के मानु आय, हुन हुन थाने आउर हुन हुनमन ने बनुन रऊ आय: आउर ऐचीई ले, बल्लोने हुन आत्मा ले जोन हुन आमके दिलो से, आमी जानु से कि हुन आमचो ने बनुन रऊ आय।

1यूहन्ना 4:4

हे लेकामन, तुमी माहापुरू चो आहास, आउर तुमीमन हुन थाने जय पावलासास, कसनबल्लोने जोन तुमचो थाने आसे हुन हुनचो ले जोन संवसार ने आसे, बड़े आय।

1यूहन्ना 4:6

आमी माहापुरू चो आंव जोन माहापुरू के जाने, हुन आमचो सुनु आय; जोन माहापुरू के नी जाने हुन आमचो नी सुने। ऐई परकार आमी सत चो आत्मा आउर भरम चो आत्मा के चिताऊ आंव।

1यूहन्ना 5:7

आउर जोन गोहई देऊ आय, हुन आत्मा आय, कसनबल्लोने आत्मा सत आय।

प्रकाशितवाक्य 2:17

“जेचो कान आसे हुन सुना कि आत्मा कलीसियामन ले काय बले से। जोन जय पावला, हुनके मय गुपत मन्ना थानले देयेंदे, आउर हुनके गोटक पंडरा पकना बले देयेंदे; आउर हुन पकना थाने गोटक नाव लिकलोर होयदे, जोन के हुनके पावतो बिता के छांडुन आउर कोनी नी जाने।”