यूहन्ना 14:13 - Halbi

¹³ जोन बले तुमी मोचो नाव ले मांगा से, हुनी मय करें दें कि बेटा चो बाटले बुआ चो महिमा होओ।

परमेस्वर को सच्चो वचन ख जाननू

¹³ जे कुछ तुम मोरो नाम से माँगेगो, मी ओखा पुरो करुँगो कि जसो पोरिया को दुवारा परमेस्वर बाप की महिमा परघट होय।

यूहन्ना 14:13 ပူးပေါင်းရင်းမြစ်များ

मत्ती 21:22

आउर जोन काई तुमी पारथना ने बिश्वास ले मांगा हुन सपाय तुमके मिरेदे।”

मत्ती 7:7

“मांगा तेबे तुमके दिया जायदे; डगराहा तेबे तुमी पाहासे; ठक-ठकाहा, तेबे तुमचो काजे उगाढ़ा जायदे।

मरकुस 11:24

ऐईकाजे मय तुमचो ले बलें सें कि जोन काई तुमी पारथना करून मांगा, तेबे बिश्वास करा कि तुमके मिरून गेली, आउर तुमचो काजे होये दे।

लूका 11:9

आउर मय तुमचो ले बलें सें कि मांगा, तेबे तुमके दिया जाये दे; डगराहा, तेबे तुमी पाहा से; ठक-ठकाहा, तेबे तुमचो काजे उगाढ़ा जाये दे।

यूहन्ना 10:30

मय आउर बुआ गोटक आंव।”

यूहन्ना 12:44

ईशु हाग देऊन भाती बल्लो, “जोन मोचो उपरे बिश्वास करू आय, हुन मोचो थाने नाई मान्तर मोचो पठालोबिता उपरे बिश्वास करू आय।

यूहन्ना 13:31

जिदलदाय हुन बाहरे जाते गेलो तेबे ईशु बल्लो, “अदायं माने चो बेटा चो महिमा होली से, आउर माहापुरू चो महिमा हुनचो थाने होली से;

यूहन्ना 14:14

अगर तुमी मोचो ले मोचो नाव ले काई मांगा से, तो मय हुनके करें दें।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 15:7

अगर तुमी मोचो ने बनुन राहा आउर मोचो बचन तुमचो ने बनुन रओ, तेबे जोन चाहे मांगा आउर हुन तुमचो काजे होऊन जाये दे।

यूहन्ना 16:23

हुन दिने तुमी मोचो ले काई नी पचारा से। मय तुमचो ले सत-सत बलें सें, अगर बुआ ले काई मांगा से, तेबे हुन मोचो नाव ले तुमके देये दे।

यूहन्ना 16:26

हुन दिने तुमी मोचो नाव ले मांगा से; आउर मय तुमचो ले ऐ नी बले कि मय तुमचो काजे बुआ ले गुहार करेंदे;

यूहन्ना 16:7

तेबले बले मय तुमचो ले सते बलें सें कि मोचो जातोर तुमचो काजे नुकु आय, कसनबल्लोने अगर मय नी जाये तेबे हुन सायता करू तुमचो लगे नी ऐये दे; मान्तर अगर मय जायें दें, तेबे हुनके तुमचो लगे पटायें दें।

यूहन्ना 4:10

ईशु जबाप दिलो, “अगर तुय माहापुरू चो बरदान के जानतीस आउर ये बले जानतीस कि हुन कोन आय जोन तुचो ले बलें सें, ‘मोके पानी पिआव,’ तेबे तुय हुनचो ले मांगतीस, आउर हुन तुके जीवना चो पानी देतो।”

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

यूहन्ना 5:19

ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

यूहन्ना 7:37

परब चो आखरी दिन, जोन मुख्य दिन आय, ईशु उबा होलो आउर हाग देऊन भाती बल्लो, “अगर कोनी प्यासा आसे तेबे मोचो लगे ऐओ आउर पिओ।

1 कुरिन्थियो 14:13

ऐई लागुन जोन दुसर भाषा बोलो, हुन पारथना करो कि हुनचो उचारन बले करूक सको।

इफिसीयो 2:18

कसनबल्लोने हुनचेई लागुन आमी दुनो चो गोटक आत्मा ने बुआ चो लगे पहुँच होऊ आय।

इफिसीयो 3:12

जोन थाने आमके हुनचो उपरे बिश्वास करलो ले साहास आउर भरसा चो संगे माहापुरू चो लगे ऐतोर अधिकार आसे।

इफिसीयो 3:14

मय ऐई लागुन हुन बुआ चो पुरे मांडी पाडू आंय,

फिलिप्पियो 4:13

जोन मोके सामरत देऊ आय हुन थाने मय सपाय काई करूक सकें।

कुलुस्सियो 3:17

बचन ने नाहले काम ने जोन काई बले करा सपाय परबु ईशु चो नाव ले करा, आउर हुनचो लागुन माहापुरू बुआ चो धन्यबाद करा।

इब्रानियो 13:15

ऐईकाजे आमी हुनचो दुवारा स्तुति रूपी बलिदान, बल्लोने हुन होटमन चो फल जोन हुनचो नाव चो अंगीकार करू आत, माहापुरू के हरमेशा चेगाया करोत।

इब्रानियो 4:15

कसनबल्लोने आमचो असन माहायाजक नुआय जोन आमचो कमजोरीमन ने आमचो संगे दुकी नी होऊक सको; मान्तर हुन सपाय गोठमन ने आमचो असन परका तो गेलो, तेबे बले पाप नी निकरली।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

याकूब 1:5

मान्तर अगर तुमनमन ले कोकीई अकल चो कमी आसे जाले तेबे माहापुरू ले मांगा, जोन बिना काई बोलुन सपाय के उदारता ले देऊ आय, आउर हुनके दिया जायदे।

याकूब 5:16

ऐईकाजे तुमी आपस ने गोटक दुसर चो पुरे आपलो-आपलो पाप के माना, आउर गोटक दुसर चो काजे पारथना करा, जेचो ले चेंगा होऊन जाआ; धरमी जन चो पारथना चो असर ले खुबे काई होऊक सके।

1 पतरस 2:5

तुमी बले खुदे जीवता पकनामन चो असन आत्मिक घर बनते जायसास, जेचो ले याजकमन चो पवितर समाज बनुन भाती, असन आत्मिक बलिदान चेगाहा जोन ईशु मसीह चो दुवारा माहापुरू के कबुल आसे।

1यूहन्ना 3:22

आउर जोन काई आमी मांगु आंव, हुन आमके हुनचो ले मिरू आय, कसनबल्लोने आमी हुनचो हुकुममन के मानु आंव आउर जोन हुनके भाऊ आय हुनी करू आंव।

1यूहन्ना 5:14

आउर आमके हुनचो पुरे जोन साआस होऊ आय, हुन ऐ आय; कि अगर आमी हुनचो इच्छा चो अनुसार काई मांगु आंव तेबे हुन आमचो सुनु आय।