यूहन्ना 14:12 - Halbi

¹² “मय तुमचो ले सत-सत बलें सें कि जोन मोचो उपरे बिश्वास संगाऊ आय, ऐ काम जोन मय करू आंय हुन बले करे दे, मान्तर ऐचो ले बड़े काम करे दे, कसनबल्लोने मय बुआ चो लगे जायें सें।”

परमेस्वर को सच्चो वचन ख जाननू

¹² मी तुम से सच्ची-सच्ची कहूँ हैं कि जे मोरो ऊपर भरोसा रखा हैं, यी काम जे मी करूँ हैं उ भी खुद करेगों, वरन ऐसे भी बड़ा काम करेगों, काहेकि मी परमेस्वर बाप को पास जाऊ हैं।

यूहन्ना 14:12 ပူးပေါင်းရင်းမြစ်များ

मत्ती 21:21

ईशु हुनमन के जबाप दिलो, “मय तुमचो ले सते बलें सें, अगर तुमी बिश्वास संगाहा आउर संका नी करा, तेबे ना मात्र ऐ करा से जोन ऐ अंजीर चो रूक ले करा गेली से, मान्तर अगर ऐ डोंगरी ले बले बला से, ‘उखनी हो आउर समुन्द ने जाऊन पड़’, तेबे ऐ होये दे।

मरकुस 11:13

हुन लापी ले अंजीर चो गोटक कचा रूक दकुन भाती लगे गेलो कि काय जाने हुन थाने काई भेटो: मान्तर पानमन के छांडुन काई नी भेटलो; कसनबल्लोने फर चो समया नी रली।

मरकुस 16:17

बिश्वास करतो बितामन ने ऐ चिना हो दे कि हुनमन मोचो नाव ले दुष्टआत्मामन के निकरा दे, नवा-नवा भाषा बोल दे,

यूहन्ना 14:28

तुमी सुनलासास कि मय तुमचो ले बल्ले, ‘मय जायें सें, आउर तुमचो लगे फेर ऐयें दें।’ अगर तुमी मोचो ले मया संगातास, तेबे ऐ गोठ ले हरिक होतास कि मय बुआ चो लगे जायें सें, कसनबल्लोने बुआ मोचो ले बड़े आय।

यूहन्ना 16:7

तेबले बले मय तुमचो ले सते बलें सें कि मोचो जातोर तुमचो काजे नुकु आय, कसनबल्लोने अगर मय नी जाये तेबे हुन सायता करू तुमचो लगे नी ऐये दे; मान्तर अगर मय जायें दें, तेबे हुनके तुमचो लगे पटायें दें।

यूहन्ना 4:37

कसनबल्लोने ऐ थाने ऐ ठसका ठीक बसु आय; ‘बुनतो बिता दुसर आय आउर काटतो बिता दुसर।’

यूहन्ना 5:20

कसनबल्लोने बुआ बेटा ले मया संगाऊ आय आउर जोन-जोन काम हुन खुद करू आय, हुन सपाय हुनके दकाऊ आय; आउर हुन ऐ मन ले बले बड़े काम हुनके दकाय दे, बल्ले तुमी अकचकित करा।”

यूहन्ना 7:33

ऐ थाने ईशु बल्लो, “मय खिन्डिक समया तक आउर तुमचो संगे आंसे, तेबे आपलो पठालोबिता चो लगे जाते जाये दे।

यूहन्ना 7:39

हुन ऐ बचन पवितर आत्मा चो बारे ने बल्लो, जेके हुनचो उपरे बिश्वास करतो बितामन पावतो थाने रवत; कसनबल्लोने आत्मा ऐबे तक नी उतरून रली, कसनबल्लोने ईशु ऐबे तक आपलो महिमा के नी अमरून रलो।

प्रेरितो 10:46

कसनबल्लोने हुनमन हुनके बरन-बरन चो भाषा बोलतोर आउर माहापुरू चो बड़ाई करतोर सुनला। ऐई थाने पतरस बल्लो,

प्रेरितो 16:18

हुन खुबे दिन ले असने ची करते रली; मान्तर पौलुस नराज होलो, आउर पलटून भाती हुन आत्मा के बल्लो, “मय तुके ईशु मसीह चो नाव ले हुकुम देयें से कि हुन थानले निकरून जा।” आउर हुन हुदली ची दाय निकरून गेली।

प्रेरितो 19:12

ऐथा ले कि सापी आउर तुआल हुनचो देंह ले छिंआन भाती बेमारीमन उपरे संगाते रवत, आउर हुनमन चो बेमारमन जाते रते रली; आउर दुष्टआत्मामन हुनमन थानले निकरून जाते रली।

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 2:41

आउर जोनमन हुनचो बचन के गरहन करला हुनमन डूबन धरला; आउर हुनी दिने तीन हजार मानेमन लग-भग हुनमन ने मिसुन गेला।

प्रेरितो 4:16

“आमी ऐ मानेमन चो संगे काय करूं दे? कसनबल्लोने यरूशलेम चो सपाय रतो बितामन थाने उजागर आसे, कि ऐ मन चो बाटले गोटक नामी चिना दकाया गेली से; आउर आमी हुनचो इन्कार नी करूक सकु।”

प्रेरितो 4:33

पठालोबिता बड़े सामरत ले परबु ईशु चो जीव उठतोर गोहई देते रवत आउर हुन सपाय उपरे बड़े अनुग्रह रली।

प्रेरितो 4:4

मान्तर बचन चो सुनतो बितामन थानले खुबेमन बिश्वास करला, आउर हुनमन चो गेनती पांच हजार मानेमन चो लगे-लगे होऊन गेली।

प्रेरितो 5:15

ऐथा ले कि लोग बेमारमन के सड़क थाने आनुन-आनुन, खटियामन ने आउर तखतमन थाने सुआऊन देते रवत कि जिदलदाय पतरस ऐओ, तेबे हुनचो छांय ची हुनमन थानले काचीई उपरे पडुन जाओ।

प्रेरितो 6:7

माहापुरू चो बचन फयलते गेली आउर यरूशलेम ने चेलामन चो गेनती खुबे बड़ते गेली; आउर याजकमन चो गोटक बड़े समाज ऐ दल के मानतो बिता होऊन गेलो।

प्रेरितो 8:7

कसनबल्लोने खुबेमन ले अशुद्ध आत्मामन बड़े जोर ले चिचयाते निकरून गेला, आउर खुबे असन लकवा चो बेमारी आउर खोड़ीयामन बले चेंगा कराया गेला;

प्रेरितो 9:34

पतरस हुनके बल्लो, “हे एनियास! ईशु मसीह तुके चेंगा करे से। उठ, आपलो ओचना ओचाव।” तेबे हुन तुरते उठून उबा होलो।

प्रेरितो 9:40

तेबे पतरस सपाय के बाहरे करून दिलो, आउर मांडी टेकुन पारथना करलो आउर मोड़ी चो बाटे दकुन भाती बल्लो, “हे तबीता, उठ।” तेबे हुन आपलो आँईक उगाढुन दिली; आउर पतरस के दकुन भाती उठून बसली।

रोमियो 15:19

आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।