यूहन्ना 14:10 - Halbi

¹⁰ काय तुय बिश्वास नी करीस कि मय बुआ ने आंसे आउर बुआ मचो थाने आसे? ऐ गोठमन जोन मय तुमके बलें सें, आपलो बाटले नी बोलें, मान्तर बुआ मोचो थाने रऊन भाती आपलो कामकरू आय।

परमेस्वर को सच्चो वचन ख जाननू

¹⁰ का तू भरोसा नी करा कि मी परमेस्वर बाप म हैं अर परमेस्वर बाप मोरो म हैं? या बात हुन जो मी तोसे कहू हैं, अपनी तरफ से नी कहत आय, पर परमेस्वर बाप मोरो म रह ख अपनो काम करा हैं।

यूहन्ना 14:10 ပူးပေါင်းရင်းမြစ်များ

यूहन्ना 10:30

मय आउर बुआ गोटक आंव।”

यूहन्ना 10:38

मान्तर अगर मय करू आय, तो भले मोचो बिश्वास नी बले करा, मान्तर हुन काममन चो तो बिश्वास करा, बल्ले तुमी जाना आउर समजा कि बुआ मोचो ने आसे आउर मय बुआ ने आसे।”

यूहन्ना 11:26

आउर जोन कोनी जीव आसे आउर मोचो उपरे बिश्वास करू आय, हुन केबीई नी मरे दे। काय तुय ये गोठ उपरे बिश्वास कर सीस?”

यूहन्ना 12:49

कसनबल्लोने मय आपलो बाटले गोठ नी गोठया यें; मान्तर बुआ जोन मोके पठालो से हुनी मोके हुकुम दिलो से कि काय-काय बलेंदें आउर काय-काय सांगेंदें?

यूहन्ना 14:11

मोचो बिश्वास करा कि मय बुआ ने आसे आउर बुआ मोचो थाने आसे; नी होले काममन ची चो लागुन मचो बिश्वास करा।

यूहन्ना 14:20

हुन दिने तुमी जाना से कि मय आपलो बुआ ने आंसे, आउर तुमी मोचो ने, आउर मय तुमचो ने।

यूहन्ना 14:24

जोन मोचो ले मया नी संगाये, हुन मोचो बचन नी माने; आउर जोन बचन तुमी सुनु आहास हुन मोचो नुआय मान्तर बुआ चो आय, जोन मोके पठालो।

यूहन्ना 17:8

कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।

यूहन्ना 3:2

हुन राती दाय ईशु चो लगे ऐऊन भाती हुनचो ले बल्लो, “हे रब्बी, आमी जानु से कि तुय माहापुरू चो बाटले गुरू होऊन भाती ईली सीस, कसनबल्लोने कोनी ऐ चिनामन के जोन तुय दकाय सीस, अगर माहापुरू हुनचो संगे नी रवो तो नी दकाऊक सकतीस।”

यूहन्ना 5:17

ऐ थाने ईशु हुनमन ले बल्लो, “मोचो बुआ ऐबे तक कामकरू आय, आउर मय बले काम करूं आय।”

यूहन्ना 5:19

ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

यूहन्ना 7:16

ईशु हुनमन के जबाप दिलो, “मोचो उपदेश मोचो नुआय, मान्तर मोके पटाऊ बिता चो आय।

यूहन्ना 8:28

तेबे ईशु बल्लो, “जिदलदाय तुमी माने चो बेटा के डेंग थाने चेगाहा से, तेबे जाना से कि मय हुनी आंय; मय आपन खुद ले काई नी करे मान्तर जसन मोचो बुआ मोके सिका लो असने ची ऐ गोठमन बलें सें।

यूहन्ना 8:38

मय हुनी बलें सें, जोन आपलो बुआ चो थाने दकले से; आउर तुमी हुनी करते रऊ आहास जोन तुमी आपलो बुआ ले सुनलासास।”

यूहन्ना 8:40

मान्तर अदायं तुमी मोचो असन माने के मारून देऊक चाहाय साहास, जोन तुमके हुन सते बचन सांगलो जोन माहापुरू ले सुनलो; असन तो अब्राहाम नी करून रलो।

प्रेरितो 10:38

माहापुरू कोन रीति ले ईशु नासरी के पवितर आत्मा आउर सामरत ले अभिषेक करलो; हुन भलाई करते आउर सपाय के जोन शयतान चो कन्दरालोर रवत, अच्छा करते फिरलो, कसनबल्लोने माहापुरू हुनचो संगे रलो।

2 कुरिन्थियो 5:19

बल्लोने माहापुरू मसीह ने होऊन भाती आमके आपलो संगे संवसार चो मिला-मिसा करलो, आउर हुनमन चो अपराधमन चो दोष हुनमन उपरे नी लगालो, आउर हुन मिला-मिसा चो बचन आमके सोपुन दिलोसे।

कुलुस्सियो 1:19

कसनबल्लोने बुआ चो हरिक होतोर ऐई थाने आसे कि हुनचो ने पुईतराय परिपुरनता बास करो,

कुलुस्सियो 2:9

कसनबल्लोने हुन थाने ईश्पर चो सपाय परिपुरनता संका बास करू आय,

1यूहन्ना 5:7

आउर जोन गोहई देऊ आय, हुन आत्मा आय, कसनबल्लोने आत्मा सत आय।