यूहन्ना 13:8 - Halbi

⁸ पतरस हुनचो ले बल्लो, “तुय मोचो पाँय केबीई नी धोऊक सकसे!” ऐ सुनुन भाती ईशु हुनचो ले बल्लो, “अगर मय तुके नी धोयें दें, तो मोचो संगे तुचो काई बले मेल निआय।”

परमेस्वर को सच्चो वचन ख जाननू

⁸ पतरस न ओसे कही, “तू मोरा पाय कभी नी धो पान को!” यू सुन कर यीसु न ओसे कय्हो, “अदि मी तोरा पाय का नी धोन को, ते मोरो संग तोरो हमेसा को कुछ भी नाता नी रहन को।”

यूहन्ना 13:8 ပူးပေါင်းရင်းမြစ်များ

मत्ती 16:22

ऐ थाने पतरस हुनके अलगे नेऊन भाती खिजुक मुरयालो, “हे परबु, माहापुरू नी करो! तुचो संगे असन केबीई नी होये।”

मत्ती 21:29

हुन जबाप दिलो, ‘मय नी जायें’, मान्तर पाचे पसताऊन भाती गेलो।

मत्ती 26:33

ऐ थाने पतरस हुनचो ले बल्लो, “अगर सपाय तुचो बारे ने ठोकर खावले खाओत, मान्तर मय केबीई बले ठोकर नी खायें।”

मत्ती 26:35

पतरस हुनचो ले बल्लो, “अगर मोके तुचो संगे मरूक बले पड़ो, तेबले बले मय तुचो ले केबीई नी मुखरे।” आउर असने ची सपाय चेलामन बले बल्ला।

यूहन्ना 13:6

जिदलदाय हुन शिमोन पतरस चो लगे ईलो, तेबे पतरस हुनचो ले बल्लो, “हे परबु, काय तुय मोचो पाँय धोये सीस?”

यूहन्ना 13:9

शिमोन पतरस हुनचो ले बल्लो, “हे परबु, तो मोचो पाँय ची नाई, मान्तर हाथ आउर मुण्ड बले धोऊन देस।”

यूहन्ना 3:5

ईशु जबाप दिलो, “मय तुचो ले सते-सते बलें सें, जिदलदाय ले कोनी माने पानी आउर आत्मा ले नी जनमे तेबे हुन माहापुरू चो राज ने ओलुक नी सके।

प्रेरितो 22:16

अदायं केंव बेर कर सीस? उठ, डूबन धर, आउर हुनचो नाव धरून भाती आपलो पापमन के धोई हो।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

इफिसीयो 5:26

कि हुनके बचन चो दुवारा पानी चो नाहलो ले शुद्ध करून पवितर बनाओ,

कुलुस्सियो 2:18

कोनी माने दीनता आउर सरग दूतमन चो पुजा कराऊन तुमके दौड़ चो करलो फल ले धुर नी करोत। असन माने दकलो बिती गोठमन ने लगुन रऊ आय आउर आपलो देंह चो समज थाने फोकाहा फुलु आय,

कुलुस्सियो 2:23

ऐ बिदीमन ने आपलो इच्छा चो अनुसार गड़लो बिती भक्ति चो रीति, आउर आत्मा-हीनता, आउर देंह चो आदत चो भाव ले गिआन चो नाव तो आसे, मान्तर शारीरिक लालचमन के रोकतो ने काई बले लाब नी होये।”

तीतुस 3:5

तेबे हुन आमचो मुक्ति करलो; आउर ऐ धरम चो काममन चो लागुन नुआय, जोन आमीमन खुद करलु, मान्तर आपलो दया चो अनुसार नवा जनम चो नाहातोर आउर पवितर आत्मा चो आमके नवा बनातोर बाटले होली।

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 7:14

मय हुनके बल्ले, “हे मालिक, तुय ची जानीस।” हुन मोके बल्लो, “ऐ हुनमन आत, जोन हुन माहाकलेश थानले निकरून भाती ईला सोत; ऐ मन आपलो-आपलो फटीई मेमना चो लऊ ने धोऊन भाती पंडरा करला सोत।”