यूहन्ना 12:49 - Halbi

⁴⁹ कसनबल्लोने मय आपलो बाटले गोठ नी गोठया यें; मान्तर बुआ जोन मोके पठालो से हुनी मोके हुकुम दिलो से कि काय-काय बलेंदें आउर काय-काय सांगेंदें?

परमेस्वर को सच्चो वचन ख जाननू

⁴⁹ काहेकि मीना अपनी तरफ से कुछ बात नी करी; पर बाप जेना मोखा भेजो हैं ओ ना ही मोखा आदेस दियो हैं कि का कहनो हैं अर का बोलनू हैं?

यूहन्ना 12:49 ပူးပေါင်းရင်းမြစ်များ

यूहन्ना 14:10

काय तुय बिश्वास नी करीस कि मय बुआ ने आंसे आउर बुआ मचो थाने आसे? ऐ गोठमन जोन मय तुमके बलें सें, आपलो बाटले नी बोलें, मान्तर बुआ मोचो थाने रऊन भाती आपलो कामकरू आय।

यूहन्ना 14:24

जोन मोचो ले मया नी संगाये, हुन मोचो बचन नी माने; आउर जोन बचन तुमी सुनु आहास हुन मोचो नुआय मान्तर बुआ चो आय, जोन मोके पठालो।

यूहन्ना 14:31

मान्तर ऐ ऐईकाजे हऊ आय कि संवसार जानो कि मय बुआ ले मया संगाऊ आंय, आउर जसन बुआ मोके हुकुम दिलो मय असने ची करू आंय। उठा, ऐथा ले जो।

यूहन्ना 15:15

अदायं ले मय तुमके दास नी बलें दें, कसनबल्लोने दास नी जाने कि हुनचो मालिक काय करू आय; मान्तर मय तुमके मीत बल्ले से, कसनबल्लोने मय जोन गोठमन आपलो बुआ ले सुनले, हुन सपाय तुमके सांगुन दिले।

यूहन्ना 17:8

कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।

यूहन्ना 3:11

मय तुचो ले सत-सत बलें सें कि आमी जोन जानु आंव हुन बोलु आंव, आउर जोन के आमी दकलु से हुनचो गोहई देऊ आंव, आउर तुमी आमचो गोहई गरहन नी करास।

यूहन्ना 3:32

जोन काई हुन दकलो आउर सुनलो से, हुनचेई गोहई देऊ आय; आउर कोनी हुनचो गोहई गरहन नी करे।

यूहन्ना 5:19

ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

यूहन्ना 5:30

“मय आपन खुद ले काई नी करूक सके; जसन सुनु आय, असने नियाय करू आंय; आउर मोचो नियाय सते आय, कसनबल्लोने मय आपलो इच्छा नाई मान्तर आपलो पठाऊ बिता चो इच्छा चाहायें से।

यूहन्ना 6:68

शिमोन पतरस हुनके जबाप दिला, “हे परबु, आमी काचो लगे जाऊँ दे? अमर जीवना चो गोठमन तो तुचीई लगे आसे;

यूहन्ना 7:16

ईशु हुनमन के जबाप दिलो, “मोचो उपदेश मोचो नुआय, मान्तर मोके पटाऊ बिता चो आय।

यूहन्ना 8:26

तुमचो बारे ने मोके खुबे काई बोलतोर आउर फयसला करतोर आसे; मान्तर मोचो पटाऊ बिता सते आय, आउर जोन मय हुनचो ले सुनले से हुनी जगत ले बलें सें।”

यूहन्ना 8:28

तेबे ईशु बल्लो, “जिदलदाय तुमी माने चो बेटा के डेंग थाने चेगाहा से, तेबे जाना से कि मय हुनी आंय; मय आपन खुद ले काई नी करे मान्तर जसन मोचो बुआ मोके सिका लो असने ची ऐ गोठमन बलें सें।

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

प्रकाशितवाक्य 1:1

ईशु मसीह चो परकाशन बचन, जोन हुनके माहापुरू ऐईकाजे दिलो कि आपलो दासमन चो हुन गोठमन, जेचो झटके होतोर जरूर आय, दकाओ; आउर हुन आपलो सरगदूत के पटाऊन भाती हुनचो दुवारा आपलो दास यूहन्ना के सांगलो,