यूहन्ना 12:31 - Halbi

³¹ अदायं ऐ संवसार चो नियाय होऊ आय, अदायं ऐ संवसार चो सरदार निकराऊन दिया जाये दे;

परमेस्वर को सच्चो वचन ख जाननू

³¹ अब या दुनिया को न्याय होवा हैं, अब यू दुनिया को मुखिया नीकाल दियो जाहेगो;

यूहन्ना 12:31 ပူးပေါင်းရင်းမြစ်များ

मत्ती 12:28

मान्तर अगर मय माहापुरू चो आत्मा चो सायता ले दुष्टआत्मामन के निकराऊ आंय, तेबे माहापुरू चो राज तुमचो लगे ऐऊन अमरली से।

यूहन्ना 14:30

मय अदायं तुमचो संगे आउर खुबे गोठमन नी करें दें, कसनबल्लोने ऐ संवसार चो सरदार ऐये से। मोचो उपरे हुनचो काई निआय;

यूहन्ना 3:19

आउर डण्ड चो हुकुम चो कारन ऐ आय कि उजर जगत ने ईली से, आउर मानेमन अंधार के उजर ले खुबे लाड़ जानला कसनबल्लोने हुनमन चो काम खराप रये।

यूहन्ना 9:39

तेबे ईशु बल्लो, “मय ऐ जगत ने नियाय करतो काजे ईले से, बल्ले जोनमन नी दकोत हुनमन दकोत, आउर जोनमन दके सोत हुनमन काना होऊन जाओत।”

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

1 कुरिन्थियो 1:20

काहां रलो गिआन बिता? काहां रलो शास्तरी? काहां रलो ऐ संवसार चो झगड़ाहा? काय माहापुरू संवसार चो गिआन के मुरूकता नी ठेबालो?

1 कुरिन्थियो 1:21

कसनबल्लोने जिदलदाय माहापुरू चो गिआन चो अनुसार संवसार गिआन ले माहापुरू के नी जानलो, तेबे माहापुरू के ऐ अच्छा लागली कि ऐ परचार चो मुरूकता चो दुवारा बिश्वास करतो बितामन के मुक्ति देओ।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

इफिसीयो 6:12

कसनबल्लोने आमचो ऐ लड़ीई लऊ आउर मास ले नुआय मान्तर परधानमन ले, आउर अधिकारीमन ले, आउर ऐ संवसार चो अंधार चो हाकिममन ले आउर हुन दुष्टता चो आत्मिक पलटनमन ले आय जोन बादरी ने आसोत।

कुलुस्सियो 2:15

आउर हुन परधानपन आउर अधिकारमन के आपलो ऊपर ले उतराऊन भाती हुनमन चो खुलम खुला तमाशा बनालो आउर कुरूस चो लागुन हुनमन उपरे जय-जय कार चो कोलार सुनाला।

इब्रानियो 2:14

ऐईकाजे जसन कि लेकामन मास आउर लऊ चो भागी आत, तेबे हुन खुद बले हुनमन चो असन हुनमन चो शामिल होऊन गेलो, बल्ले मरना चो दुवारा हुनके जेके मरना उपरे शक्ति मिरून रये, बल्लोने शयतान के ठग करून देओ;

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

1यूहन्ना 4:4

हे लेकामन, तुमी माहापुरू चो आहास, आउर तुमीमन हुन थाने जय पावलासास, कसनबल्लोने जोन तुमचो थाने आसे हुन हुनचो ले जोन संवसार ने आसे, बड़े आय।

1यूहन्ना 5:19

आमी जानु से कि आमी माहापुरू ले आंव, आउर सपाय संवसार हुन दुष्ट चो वश ने पढ़ली से।