यूहन्ना 12:16 - Halbi

¹⁶ हुनचो चेला ये गोठमन पयले नी समजुन रवत, मान्तर जिदलदाय ईशु चो महिमा परकट होली तेबे हुनमन के सुरता ईली कि ये गोठमन हुनचो बारे ने लिकलोर रली आउर लोगमन हुनके येई परकार चो बेवहार करू रवत।

परमेस्वर को सच्चो वचन ख जाननू

¹⁶ यीसु का चेला हुन या बात पहले नी समझीया हता, पर जब यीसु कि महिमा परगट भई ते उनका याद आयी कि या बात ओको बारे म लिखी हती रह अर इंसान हुन न ओसे आसो तरीका से व्यवहार करो रह।

यूहन्ना 12:16 ပူးပေါင်းရင်းမြစ်များ

मरकुस 16:19

परबु ईशु हुनमन ले गोठमन गोठयालो पाचे सरग उपरे उठाय गेलो, आउर माहापुरू चो उजा हाथ घाई बसलो।

मरकुस 9:32

मान्तर ऐ गोठ हुनमन चो समज ने नी ईली, आउर हुनमन हुनचो ले पचारतो काजे डरते रवत।

लूका 18:34

मान्तर हुनमन ऐ गोठमन थानले कोनी गोठ नी समजला; आउर ऐ गोठ हुनमन ले लुकु रली, आउर जोन बोला जाऊ रये हुन हुनमन चो समज ने नी ईली।

लूका 24:25

तेबे हुन हुनमन ले बल्लो, “हे निरबुद्धिमन, आउर अगम गिआनीमन चो सपाय गोठमन थाने बिश्वास करतो ने मंदमतिमन!

लूका 24:45

तेबे हुन पवितर शास्त्र बुजतो काजे हुनमन चो समज के खोलुन दिलो,

लूका 9:45

मान्तर हुनमन ऐ गोठ के नी समजते रवत, आउर ऐ हुनमन ले लुकु रली कि हुनमन हुनके जानुक नी सकोत; आउर हुनमन ऐ गोठ चो बारे ने हुनचो ले पचारतो काजे डरते रवत।

यूहन्ना 12:23

ऐ थाने ईशु हुनमन ले बल्लो, “हुन समया ईली से कि माने चो बेटा चो महिमा होओ।

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

यूहन्ना 16:4

मान्तर ऐ गोठमन मय ऐईकाजे तुमचो ले बल्ले कि जिदलदाय ऐ मन चो समया ऐओ तेबे तुमके सुरता ऐऊन जाओ कि मय तुमचो ले पयले ची बोलुन देऊ रये।” “मय मुर ले तुमचो ले ऐ गोठमन ऐईकाजे नी बल्ले कसनबल्लोने मय तुमचो संगे रये।

यूहन्ना 17:5

अदायं हे बुआ, तुय आपलो संगे मोचो महिमा हुन महिमा ले कर जोन जगत चो रचलोर ले पयले, मोचो तुचो संगे रये।

यूहन्ना 2:22

आउर जिदलदाय हुन मरलो बितामन थानले जीव उठलो तेबे हुनचो चेलामन के सुरता ईली कि हुन ऐ बोलुन रलो; आउर हुनमन पवितर शास्त्र आउर हुन बचन के जोन ईशु बोलुन रये, बिश्वास करला।

यूहन्ना 7:39

हुन ऐ बचन पवितर आत्मा चो बारे ने बल्लो, जेके हुनचो उपरे बिश्वास करतो बितामन पावतो थाने रवत; कसनबल्लोने आत्मा ऐबे तक नी उतरून रली, कसनबल्लोने ईशु ऐबे तक आपलो महिमा के नी अमरून रलो।

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 2:36

“आउर अदायं इस्राएल चो सपाय घरमन पक्का रूप ले जानोत कि माहापुरू हुनी ईशु के जेके तुमी कुरूस उपरे चेगालासास, परबु बले ठेबालो आउर मसीह बले।”

प्रेरितो 3:13

अब्राहाम आउर इसाक आउर याकूब चो माहापुरू, आमचो बुआ दादीमन चो माहापुरू आपलो सेवा करू ईशु चो महिमा करलो, जेके तुमी धरालास, आउर जिदलदाय पिलातुस हुनके छांडतोर बिचार करलो, तेबे तुमी हुनचो पुरे हुनचो इन्कार करलास।

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 8:1

अदायं जोन गोठमन आमी बोलु से हुनमन थानले सपाय ले बड़े गोठ ऐ आय कि आमचो असन माहायाजक आसे, जोन सरग थाने माहापुरू चो सिंघासन चो उजा जाऊन बसलो से,