यूहन्ना 10:36 - Halbi

³⁶ तेबे जोन के बुआ पवितर थेबाऊन भाती जगत ने पठालो से, तुमी हुनचो ले बोलु आस, ‘तुय निन्दा करू आस,’ ऐईकाजे कि मय बल्ले, ‘मय माहापुरू चो बेटा आंय’?

परमेस्वर को सच्चो वचन ख जाननू

³⁶ ते जेखा परमेस्वर बाप न सुध्द ठहराय ख संसार म भेजियो हैं, ओसे तुम इंसान हुन यू कसो बोला हैं, तू परमेस्वर की निन्दा करा हैं, एकोलाने कि मी न कय्हो, ‘मी परमेस्वर को पोरिया आय’?

यूहन्ना 10:36 ပူးပေါင်းရင်းမြစ်များ

मत्ती 27:43

हुन माहापुरू चो उपरे भरसा संगालो से; अगर हुन ऐके चाहाऊ आय, तेबे अदायं ऐके छंड़ाओ, कसनबल्लोने ऐ बोलु रलो, ‘मय माहापुरू चो बेटा आंय’।”

मत्ती 27:54

तेबे सुबेदार आउर जोन हुनचो संगे ईशु चो पाहारा देते रवत भुईं डोल आउर जोन काई होऊ रली हुनके दकुन भाती ऐकदाय डरला आउर बल्ला, “सत-सत ऐ माहापुरू चो बेटा रलो!”

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

यूहन्ना 10:35

अगर हुन हुनमन के ईश्पर बल्लो जोनमन चो लगे माहापुरू चो बचन पोंचली (आउर पवितर शास्त्र चो गोठ झुट नी होऊक सके),

यूहन्ना 17:18

जसन तुय मोके जगत ने पठालीस, असने ची मय बले हुनमन के जगत ने पठाले;

यूहन्ना 17:21

कि हुनमन सपाय गोटक होओत; जसन तुय हे बुआ मोचो थाने आशीष, आउर मय तुचो थाने आसे, असने ची हुनमन बले आमचो ने होओत, जेचो ले संवसार बिश्वास करोत कि तुय ची मोके पठाली सीस।

यूहन्ना 17:8

कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।

यूहन्ना 19:7

यहूदीमन हुनके जबाप दिला, “आमचो बले नियम आसे आउर हुन नियम चो अनुसार हुन मारा जातोर लायक आय कसनबल्लोने हुन आपन खुद के माहापुरू चो बेटा बनालो।”

यूहन्ना 20:28

ऐ सुनुन थोमा जबाप दिलो, “हे मोचो परबु, हे मोचो माहापुरू!”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 3:17

माहापुरू आपलो बेटा के जगत ने ऐईकाजे नी पठालो कि जगत ने डण्ड चो हुकुम देओ, मान्तर ऐईकाजे कि जगत हुनचो बाटले मुक्ति पाओ।

यूहन्ना 3:34

कसनबल्लोने जोन के माहापुरू पठालो से, हुन माहापुरू चो गोठमन बोलु आय; कसनबल्लोने हुन आत्मा नापुन-नापुन भाती नी देये।

यूहन्ना 5:30

“मय आपन खुद ले काई नी करूक सके; जसन सुनु आय, असने नियाय करू आंय; आउर मोचो नियाय सते आय, कसनबल्लोने मय आपलो इच्छा नाई मान्तर आपलो पठाऊ बिता चो इच्छा चाहायें से।

यूहन्ना 6:27

नाश करतो बिती भात काजे मसागत नी करा, मान्तर हुन भात चो काजे जोन अमर जीवना तक ठेबु आय, जेके माने चो बेटा तुमके देये दे; कसनबल्लोने बुआ बल्लोने माहापुरू हुनचेई उपरे छापा लगालो से।”

यूहन्ना 6:38

कसनबल्लोने मय आपलो इच्छा नाई मान्तर आपलो पठालो बिता चो इच्छा पुरा करतो काजे सरग ले उतर ले से;

यूहन्ना 6:57

जसन जीवता बुआ मोके पठालो, आउर मय बुआ चो कारन जीव आसे, असने ची हुन बले जोन मोके खाये दे मोचो लागुन जीव रये दे।

यूहन्ना 6:69

आउर आमी बिश्वास करलु आउर जानुन गेलु से कि माहापुरू चो पवितर जन तुय ची आस।”

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

रोमियो 1:4

आउर पवितरता चो आत्मा चो बाटले मरलो बितामन थानले जीव उठतोर कारन सामरत चो संगे माहापुरू चो बेटा ठेबलो से।

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

रोमियो 9:5

पुरखा बले हुनी ची मन चो आत, आउर मसीह बले देंह चो हिसाब ले हुनी ची मन ले होलो, जोन सपाय चो उपरे परम माहापुरू जुग-जुग धन्य आसे। आमीन।

गलातियो 4:4

मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,