यूहन्ना 10:30 - Halbi

³⁰ मय आउर बुआ गोटक आंव।”

परमेस्वर को सच्चो वचन ख जाननू

³⁰ मी अर परमेस्वर बाप एक आय।”

यूहन्ना 10:30 ပူးပေါင်းရင်းမြစ်များ

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

यूहन्ना 10:29

मोचो बुआ जोन हुनमन के मोके दिलो से, सपाय ले बड़े आय आउर कोनी हुनमन के बुआ चो हाथ ले झिकुक नी सकोत।

यूहन्ना 10:36

तेबे जोन के बुआ पवितर थेबाऊन भाती जगत ने पठालो से, तुमी हुनचो ले बोलु आस, ‘तुय निन्दा करू आस,’ ऐईकाजे कि मय बल्ले, ‘मय माहापुरू चो बेटा आंय’?

यूहन्ना 14:23

ईशु हुनके जबाप दिलो, “अगर कोनी मोचो ले मया संगाय दे, तेबे हुन मोचो बचन के माने दे, आउर मोचो बुआ हुनचो ले मया संगाय दे, आउर आमी हुनचो लगे ऐऊ दें आउर हुनचो संगे वास करूं दे।”

यूहन्ना 14:9

ईशु हुनचो ले बल्लो, “हे फिलिप्पुस, मय ईतलो दिन ले तुमचो संगे आंसे, आउर काय तुय मोके नी जानीस? जोन मोके दकलो से हुन बुआ के बले दकलो से। तुय केंव बोल सीस कि बुआ के आमके दकाव?

यूहन्ना 16:15

जोन काई बुआ चो आय, हुन सपाय मोचो आय, ऐईकाजे मय बल्ले कि हुन मोचो गोठमन थानले धरून भाती तुमके सांगे दे।”

यूहन्ना 17:10

आउर जोन काई मोचो आय हुन सपाय तुचो आय, आउर जोन तुचो आय हुन मोचो आय, आउर ऐ मन ले मोचो महिमा उजागर होली से।

यूहन्ना 5:17

ऐ थाने ईशु हुनमन ले बल्लो, “मोचो बुआ ऐबे तक कामकरू आय, आउर मय बले काम करूं आय।”

यूहन्ना 5:23

कि सपाय लोग जसन बुआ चो मान करू आत असने ची बेटा चो बले मान करोत। जोन बेटा चो मान नी करे, हुन बुआ चो जोन हुनके पठालो से, मान नी करे।

यूहन्ना 8:58

ईशु हुनमन ले बल्लो, “मय तुमचो ले सत-सत बलेंसें, कि पयले ऐचो ले कि अब्राहाम उपजास होलो, मय आंय।”

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

1यूहन्ना 5:7

आउर जोन गोहई देऊ आय, हुन आत्मा आय, कसनबल्लोने आत्मा सत आय।