यूहन्ना 10:10 - Halbi

¹⁰ चोर कोनी दुसर काम चो काजे नाई मान्तर मात्र चोरी करूक आउर घात करूक आउर नष्ट करूक ऐऊ आय; मय ऐईकाजे ईले कि हुनमन जीवना पाओत, आउर खुबे ले खुबे पाओत।

परमेस्वर को सच्चो वचन ख जाननू

¹⁰ चोर कुछ अऊर काम को लाने नी पर केवल चोरी करन अर नुकसान अऊर खतम करन का आवा हैं; मी एकोलाने आयो कि उनका जीवन मिले, अऊर हमेसा को मिले।

यूहन्ना 10:10 ပူးပေါင်းရင်းမြစ်များ

मत्ती 18:10

“दका, तुमी ऐ नानीमन थानले कोनी के तुच्छ नी जाना; कसनबल्लोने मय तुमचो ले बलेंसें कि सरग ने हुनमन चो दूत मोचो सरग चो बुआ चो थोमना हरमेशा दकु आत।

मत्ती 18:11

कसनबल्लोने माने चो बेटा हाजलो लोग के बचाऊक ईलो से।

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

मत्ती 21:13

आउर हुनमन ले बल्लो, “लिकलोर आसे, ‘मोचो घर पारथना चो घर बलाया जाये दे’; मान्तर तुमी हुनके डाकुमन चो डेरा बनाय सास।”

मत्ती 23:13

“हे कपटी शास्तरीमन आउर फरीसीमन, तुमचो उपरे हाय! तुमी मानेमन चो काजे सरग राज चो दुआर बंद कर सास, ना तो खुद हुन थाने ओलु आस आउर ना हुन थाने ओलतो बितामन के ओलुक देऊ आस।

मरकुस 11:17

आउर उपदेश करून हुनमन ले बल्लो, “काय ऐ नी लिकलोर आसे कि मोचो घर सपाय-जातिमन काजे पारथना चो घर बलाय जाये दे? मान्तर तुमी ऐके डाकुमन चो गढ़ बनान दिलासास।”

लूका 19:10

कसनबल्लोने माने चो बेटा हाजलो बितामन के डगराऊक आउर हुनमन चो मुक्ति करूक ईलो से।”

यूहन्ना 10:1

“मय तुमचो ले सत-सत बलें सें कि जोन कोनी बाट ले मेंडा कोठरली ने नी ओले, मान्तर कोनी दुसर बाट ले चेगुन जाऊ आय, हुन चोर आउर डाकु आय।

यूहन्ना 10:11

अच्छा चरेया मय आय; अच्छा चरेया मेंडामन चो काजे आपलो जीव देऊ आय।

यूहन्ना 12:47

अगर कोनी मोचो गोठमन सुनुन भाती नी माने, तो मय हुनके दोषी नी ठेबा ये कसनबल्लोने मय जगत के दोषी ठेबातो काजे नाई, मान्तर जगत चो मुक्ति करतो काजे ईले से।

यूहन्ना 12:6

हुन ये गोठ येई काजे नी बल्लो कि हुनके कंगालमन चो चिन्ता रली मान्तर येई काजे कि हुन चोर रलो, आउर हुनचो लगे हुनमन चो थयली रते रली आउर हुन थाने जोन काई डाला जाते रली, हुन निकराऊन धरते रलो।

यूहन्ना 3:17

माहापुरू आपलो बेटा के जगत ने ऐईकाजे नी पठालो कि जगत ने डण्ड चो हुकुम देओ, मान्तर ऐईकाजे कि जगत हुनचो बाटले मुक्ति पाओ।

यूहन्ना 5:40

फेर बले तुमी जीवना पावतो काजे मोचो लगे ऐऊक नी चाहास।

यूहन्ना 6:33

कसनबल्लोने माहापुरू चो रोटी हुनी आय जोन सरग ले उतरून भाती जगत के जीवना देऊ आय।”

यूहन्ना 6:51

जीवन चो रोटी जोन सरग ले उतरली, मय आय। अगर कोनी ऐ रोटी थानले खाओत, तेबे हरमेशा जीव रदे; आउर जोन रोटी मय जगत चो जीव काजे देयें दें, हुन मोचो मास आय।”

रोमियो 2:21

आउर काय तुय जोन दुसरा के सिकाऊ आस, आपन खुद के नी सिकाईस? काय तुय जोन चोरी नी करा बोलुन उपदेश देऊन खुद ची चोरी करू आस?

1तीमुथियुस 1:15

ऐ गोठ सत आउर हर परकार ले बिश्वास लायक आय कि मसीह ईशु पापीमन चो मुक्ति करतो काजे जगत ने ईलो, जोन थाने सपाय ले बड़े पापी मय आंय।

इब्रानियो 6:17

ऐईकाजे जिदलदाय माहापुरू चो बायदा चो हकदारमन उपरे आउर बले साफ रीति ले परकट करतोर चाह लो कि हुनचो उद्देश्य बदलुक नी सके, तेबे किरिया के मंजी ने आनलो।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

2 पतरस 1:11

मान्तर ऐई रीति ले तुमी आमचो परबु आउर मुक्ति करू ईशु मसीह चो अमर राज ने बड़े ईजीत चो संगे ओलुक सका से।