यूहन्ना 1:51 - Halbi

⁵¹ फेर हुनचो ले बल्लो, “मय तुमनमन ले सत-सत बलें सें कि तुमी सरग के उगाढ़ी होलोर, आउर माहापुरू चो सरग दूतमन के माने चो बेटा चो उपरे उतरते आउर उपरे जातोर दका से।”

परमेस्वर को सच्चो वचन ख जाननू

⁵¹ यीसु न ओसे यू भी बोल्यो, “मी तुम इंसान हुन से सच्ची-सच्ची कहूँ हैं: तुम स्वर्ग ख खुल्यो, अर परमेस्वर ख स्वर्गदूत हुन ख इंसान को पोरिया को ऊपर चढ़ते अर उतरते देखेगो।”

यूहन्ना 1:51 ပူးပေါင်းရင်းမြစ်များ

मत्ती 25:31

“जिदलदाय माने चो बेटा आपलो महिमा ने ऐये दे आउर सपाय सरगदूत हुनचो संगे ऐ दे, तेबे हुन आपलो महिमा चो सिंघासन थाने बिराजमान होये दे।

मत्ती 26:24

माने चो बेटा तो जसन हुनचो बारे ने लिकलोर आसे, जाऊ ची आय; मान्तर हुन माने चो काजे दुख आय जेचो दुवारा माने चो बेटा धराया जाये से: अगर हुन माने चो जनम नी होती, तेबे हुनचो काजे अच्छा होती।”

मत्ती 3:16

आउर ईशु डूबन धरून भाती तुरते पानी थानले बाहरे ईलो, आउर हुनचो काजे बादरी उगाढ़ी होली; आउर हुन माहापुरू चो आत्मा के परेयां चो असन उतरते आउर आपलो उपरे ऐतोर दकलो।

मत्ती 4:11

तेबे शयतान हुनचो लगले जाते गेलो, आउर सरगदूत ऐऊन भाती हुनचो सेवा करूक मुरयाला।

मत्ती 8:20

ईशु हुनचो ले बल्लो, “लोकड़लीमन चो भील आउर बादरी चो चड़ीईमन चो डेरामन होऊ आय; मान्तर माने चो बेटा चो काजे मुण्ड संगातोर बले जगा निआय।”

मत्ती 9:6

मान्तर ऐईकाजे कि तुमी जाना कि माने चो बेटा के धरतनी थाने पाप छमा करतोर अधिकार आसे।” तेबे ईशु लकवा चो रोग ने पड़लो माने ले बल्लो, “उठ, आपलो खटिया उठाव, आउर आपलो घरे जा।”

मरकुस 1:10

आउर जिदलदाय हुन पानी ले निकरून भाती उपरे ईलो, तेबे तुरते हुन बादरी के उगाढ़ी होतोर आउर आत्मा के परेयां चो असन आपलो उपरे उतरतोर दकलो।

मरकुस 14:62

ईशु बल्लो, “मय आंय: आउर तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन चो संगे ऐतोर दका से।”

लूका 2:13

तेबे हटातरे हुन सरगदूत संगे सरग दूतमन चो दल माहापुरू चो स्तुति करते-करते आउर ऐ बोलते दका दीला,

लूका 2:9

आउर परबु चो गोटक दूत हुनमन चो लगे ऐऊन उबा होलो, आउर परबु चो तेज हुनमन चो चारो बाटे चमकली आउर हुनमन खुबे डरला।

लूका 22:43

तेबे सरग ले गोटक दूत हुनके दका दिलो जोन हुनके सामरत देते रलो।

लूका 22:69

मान्तर अदायं ले माने चो बेटा सर्वशक्तिमान माहापुरू चो उजा बाटे बसुन रये दे।”

लूका 24:4

जिदलदाय हुनमन ऐ गोठ ले भक्याते रवत तो दका, दुय झान माने बरतो फटीई पिन्दुन भाती हुनमन लगे ऐऊन उबा होला।

लूका 3:21

जिदलदाय सपाय लोगमन डूबन धरला आउर ईशु बले डूबन धरून भाती पारथना करते रलो, तेबे बादरी खुलुन गेली,

यूहन्ना 1:50

ईशु हुनके जबाप दिलो, “मय जोन तुचो ले बल्ले कि मय तुके अंजीर चो रूक चो खाले दकले, काय तुय ऐईकाजे बिश्वास करू आस? तुय ऐचो ले बले बड़े-बड़े काम दक से।”

यूहन्ना 10:1

“मय तुमचो ले सत-सत बलें सें कि जोन कोनी बाट ले मेंडा कोठरली ने नी ओले, मान्तर कोनी दुसर बाट ले चेगुन जाऊ आय, हुन चोर आउर डाकु आय।

यूहन्ना 10:7

तेबे ईशु हुनमन ले फेर बल्लो, “मय तुमचो ले सत-सत बलें सें, मेंडामन चो बाट मय आंय।

यूहन्ना 13:16

मय तुमके सत-सत बलें सें, दास आपलो मालिक ले बड़े नुआय, आउर ना पठालोबिता आपलो पठालोबिता ले।

यूहन्ना 13:38

ईशु जबाप दिलो, “काय तुय मोचो काजे आपलो जीव के दे से? मय तुचो ले सत-सत बलें सें कि कुकड़ा बासुन नी रये दे जिदलदाय ले तुय तीन हार मोचो इन्कार नी कर से।”

यूहन्ना 14:12

“मय तुमचो ले सत-सत बलें सें कि जोन मोचो उपरे बिश्वास संगाऊ आय, ऐ काम जोन मय करू आंय हुन बले करे दे, मान्तर ऐचो ले बड़े काम करे दे, कसनबल्लोने मय बुआ चो लगे जायें सें।”

यूहन्ना 16:20

मय तुमचो ले सत-सत बलें सें कि तुमी गागा से आउर बिलका से, मान्तर संवसार हरिक करे दे; तुमके शोक होये दे, मान्तर तुमचो शोक हरिक ने बदलुन जाय दे।

यूहन्ना 16:23

हुन दिने तुमी मोचो ले काई नी पचारा से। मय तुमचो ले सत-सत बलें सें, अगर बुआ ले काई मांगा से, तेबे हुन मोचो नाव ले तुमके देये दे।

यूहन्ना 21:18

मय तुचो ले सत-सत बलें सें, जिदलदाय तुय जुआन रलीस तेबे आपलो करांड बान्दुन भाती जोन थाने चाहते रलीस हुता फिरते रलीस; मान्तर जिदलदाय तुय डोकरा हो से तेबे आपलो हाथ फयला से, आउर दुसर तुचो करांड बान्दुन भाती जोन थाने तुय नी मन कर सीस हुता तुके नेदे।”

यूहन्ना 3:3

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

यूहन्ना 3:5

ईशु जबाप दिलो, “मय तुचो ले सते-सते बलें सें, जिदलदाय ले कोनी माने पानी आउर आत्मा ले नी जनमे तेबे हुन माहापुरू चो राज ने ओलुक नी सके।

यूहन्ना 5:19

ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

यूहन्ना 5:27

मान्तर हुनके नियाय करतोर चो बले अधिकार दिलो से, ऐईकाजे कि हुन माने चो बेटा आय।

यूहन्ना 6:26

ईशु हुनमन के जबाप दिलो, “मय तुमचो ले सत-सत बलें सें, तुमी मोके ऐईकाजे नी डगरायसास कि तुमी अकचकित काम दकलास, मान्तर ऐईकाजे कि तुमी रोटीमन खाऊन भाती संतुष्ट होलास।

यूहन्ना 6:32

ईशु हुनमन ले बल्लो, “मय तुमचो ले सत-सत बलें सें कि मूसा तुमके हुन रोटी सरग ले नी दिलो, मान्तर मोचो बुआ तुमके सते रोटी सरग ले देऊ आय।

यूहन्ना 6:47

मय तुमचो ले सत-सत बलें सें कि जोन कोनी बिश्वास करू आत, अमर जीवना हुनचेई आय।

यूहन्ना 6:53

ईशु हुनमन ले बल्लो, “मय तुमचो ले सत-सत बलें सें कि जिदलदाय ले तुमी माने चो बेटा चो मास नी खाहास, आउर हुनचो लऊ नी पिआ, तुमचो ने जीव निआय।

यूहन्ना 8:34

ईशु हुनमन के जबाप दिलो, “मय तुमचो ले सत-सत बलें सें कि जोन कोनी पाप करू आय हुन पाप चो दास आय।

यूहन्ना 8:51

मय तुमचो ले सत-सत बलेंसें कि अगर कोनी माने मोचो बचन थाने चलेदे, तेबे हुन केबीई मरना के नी दकेदे।”

यूहन्ना 8:58

ईशु हुनमन ले बल्लो, “मय तुमचो ले सत-सत बलेंसें, कि पयले ऐचो ले कि अब्राहाम उपजास होलो, मय आंय।”

प्रेरितो 10:11

आउर हुन दकलो, कि बादरी उगाढ़ी होली; आउर गोटक बरतन बड़े चदर चो असन, चारो कोना ले लटकालोर, धरतनी बाटे उतरे से।

प्रेरितो 7:56

बल्लो, “दका, मय सरग के उगाढ़ा होलोर, आउर माने चो बेटा के माहापुरू चो उजा बाटे उबा होलोर दकें सें।”

2 थिस्सलुनीकियो 1:7

आउर तुमी, जोन झंझट होऊ आहास, आमचो संगे आराम देओ; हुन समया जिदलदाय कि परबु ईशु आपलो सामरती दूतमन चो संगे, ढ़क-ढ़क तो आईग ने सरग ले परकट होये दे,

2 थिस्सलुनीकियो 1:9

हुनमन परबु चो पुरे ले आउर हुनचो शक्ति चो तेज ले लापी होऊन भाती अमर बिनाश चो डण्ड पावदे।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

इब्रानियो 1:14

काय हुनमन सपाय सेवा टहल करतो बिती आत्मामन नुआत, जोन मुक्ति करतो बितामन चो काजे सेवा करतो काजे पटाया जाऊ आय?

यहूदा 1:14

हनोक बले जोन आदम ले सातवां पीढ़ी ने रये, ऐमन चो बारे ने ऐ अगम गोठ करलो, दका, परबु आपलो लाखो पवितरमन चो संगे ईलो

प्रकाशितवाक्य 19:11

फेर मय सरग के उगाड़ी होलोर दकले, आउर दकें से कि गोटक पंडरा घोड़ा आसे; आउर हुन थाने गोटक चेगलो से, जोन बिश्वास लायक आउर सत बलाय जाऊ आय; आउर हुन धरम चो संगे नियाय आउर जुद करू आय।

प्रकाशितवाक्य 4:1

ऐ गोठमन चो पाचे जोन मय नंजरा ले तो काय दकेंसे कि सरग ने गोटक कपाट उगाढ़ी होली से, आउर जेके मय पयले तुरी चो असन शब्द ले आपलो संगे गोठमन करतोर सुनु रयें, हुनी बलेंसें, “ऐथा उपरे आव; आउर मय हुन गोठमन तुके दकायेंदे, जेचो ऐ गोठमन चो पाचे पुरा होतोर जरूरी आय।”