यूहन्ना 1:34 - Halbi

³⁴ आउर मय दकले, आउर गोहई दिले से कि ऐई ची माहापुरू चो बेटा आय।”

परमेस्वर को सच्चो वचन ख जाननू

³⁴ मीना खुद देख्यो, अऊर या मोरी गवाई हैं कि यूईच परमेस्वर को पोरिया आय।”

यूहन्ना 1:34 ပူးပေါင်းရင်းမြစ်များ

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

मत्ती 17:5

हुन बलते रलो कि गोटक उजर बादरी हुनमन के छांई होली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, जेचो ले मय हरिक आंसे: ऐचो सुना।”

मत्ती 26:63

मान्तर ईशु ओगाय रलो। तेबे माहायाजक हुनचो ले बल्लो, “मय तुके जीवता माहापुरू चो किरिया देयें सें कि अगर तुय माहापुरू चो बेटा मसीह आस, तो आमके बोलुन देस।”

मत्ती 27:40

आउर ऐ बलते रवत, “हे मंदिर के घसरातो बिता आउर तीन दिन ने बनातो बिता, आपन खुद के तो बचाव! अगर तुय माहापुरू चो बेटा आस, तो कुरूस थानले उतरून आव।”

मत्ती 27:43

हुन माहापुरू चो उपरे भरसा संगालो से; अगर हुन ऐके चाहाऊ आय, तेबे अदायं ऐके छंड़ाओ, कसनबल्लोने ऐ बोलु रलो, ‘मय माहापुरू चो बेटा आंय’।”

मत्ती 27:54

तेबे सुबेदार आउर जोन हुनचो संगे ईशु चो पाहारा देते रवत भुईं डोल आउर जोन काई होऊ रली हुनके दकुन भाती ऐकदाय डरला आउर बल्ला, “सत-सत ऐ माहापुरू चो बेटा रलो!”

मत्ती 3:17

आउर ऐ आकाशबानी होली, “ऐ मोचो लाड़रा बेटा आय, जेचो ले मय खुबे हरिक आंसे।”

मत्ती 4:3

तेबे परकतो बिता शयतान लगे ऐऊन भाती ईशु ले बल्लो, “अगर तुय माहापुरू चो बेटा आस, तो बोलुन देस, कि ऐ पकना रोटीमन बनुन जाओ।”

मत्ती 4:6

आउर ईशु ले बल्लो, “अगर तुय माहापुरू चो बेटा आस, तो आपन खुद के खाले घसराऊन देस; कसनबल्लोने लिकलोर आसे, ‘हुन तुचो बारे ने आपलो सरग दूतमन के हुकुम देये दे, आउर हुनमन तुके हाथो-हाथ उठादे; काहांय असन नी होओ कि तुचो पाँयमन ने पकना ले ठेस पाओ।’”

मत्ती 8:29

हुनमन चिचयाऊन भाती बल्ला, “हे माहापुरू चो बेटा, आमचो तुचो ले काय काम? काय तुय समया ले पयले आमके दुक देऊक लाय ऐथा ईली सीस?”

मरकुस 1:1

माहापुरू चो बेटा ईशु मसीह चो नगतखबर चो मुर।

मरकुस 1:11

आउर ऐ आकाशबानी होली, “तुय मोचो लाड़रा बेटा आस, तुचो ले मय हरिक आंसे।”

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

लूका 3:22

आउर पवितर आत्मा देंह चो रूप ने परेयां चो असन हुनचो उपरे उतरली, आउर ऐ आकाशबानी होली “तुय मोचो लाड़रा बेटा आस, मय तुचो ले हरिक आंसे।”

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 1:49

नतनएल हुनके जबाप दिलो, “हे रब्बी, तुय माहापुरू चो बेटा आस; तुय इस्राएल चो माहाराजा आस।”

यूहन्ना 10:30

मय आउर बुआ गोटक आंव।”

यूहन्ना 10:36

तेबे जोन के बुआ पवितर थेबाऊन भाती जगत ने पठालो से, तुमी हुनचो ले बोलु आस, ‘तुय निन्दा करू आस,’ ऐईकाजे कि मय बल्ले, ‘मय माहापुरू चो बेटा आंय’?

यूहन्ना 11:27

हुन हुनचो ले बल्ली, “हव हे परबु, मय बिश्वास करें से कि माहापुरू चो बेटा मसीह जोन जगत ने ऐतो बिता रये, हुन तुय ची आस।”

यूहन्ना 19:7

यहूदीमन हुनके जबाप दिला, “आमचो बले नियम आसे आउर हुन नियम चो अनुसार हुन मारा जातोर लायक आय कसनबल्लोने हुन आपन खुद के माहापुरू चो बेटा बनालो।”

यूहन्ना 20:28

ऐ सुनुन थोमा जबाप दिलो, “हे मोचो परबु, हे मोचो माहापुरू!”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 6:69

आउर आमी बिश्वास करलु आउर जानुन गेलु से कि माहापुरू चो पवितर जन तुय ची आस।”

रोमियो 1:4

आउर पवितरता चो आत्मा चो बाटले मरलो बितामन थानले जीव उठतोर कारन सामरत चो संगे माहापुरू चो बेटा ठेबलो से।

2 कुरिन्थियो 1:19

“कसनबल्लोने माहापुरू चो बेटा ईशु मसीह जेचो आमचो बाटले बल्लोने मोचो आउर सिलवानुस आउर तीमुथियुस चो बाटले तुमचो मंजी ने परचार होली, हुन थाने ‘हव’ आउर ‘नाई’ दुनो नी रये, मान्तर हुन थाने ‘हव’ ची ‘हव’ होली।

इब्रानियो 7:3

जेचो ना बुआ, ना आया, ना बंसावली आसे, जेचो दिनमन चो ना मुर आसे आउर ना जीवना चो आखरी आसे; मान्तर माहापुरू चो बेटा चो रूपरंग ठेबुन भाती हुन सदा चो काजे याजक बनुन रऊ आय।

1यूहन्ना 2:23

जोन कोनी बेटा चो इन्कार करू आय हुनचो लगे बुआ बले निआय: जोन बेटा के मानु आय, हुनचो लगे बुआ बले आसे।

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

1यूहन्ना 4:9

जोन मया माहापुरू आमचो ले संगाऊ आय, हुन ऐचो ले परकट होली कि माहापुरू आपलो एकला बेटा के जगत ने पठालो से कि आमी हुनचो दुवारा जीवना पाऊँ।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

2 यूहन्ना 1:9

जोन कोनी मसीह चो सिक्या ले पयले बडुन जाऊ आय आउर हुन थाने बनुन नी रये, हुनचो लगे माहापुरू निआय, जोन कोनी हुनचो सिक्या ने थीर रऊ आय, हुनचो लगे बुआ बले आसे आउर बेटा बले।

प्रकाशितवाक्य 2:18

“थुआथीरा चो कलीसिया चो दूत के ऐ लिक: माहापुरू चो बेटा जेचो आँईकमन आईग चो तरास चो असन, आउर जेचो पाँय बड़ीया पीतल चो असन आसे, हुन ऐ बलेसे”