यूहन्ना 1:14 - Halbi

¹⁴ आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

परमेस्वर को सच्चो वचन ख जाननू

¹⁴ सब्द न सरीर रूप धर ख, हमरो बीच म आयो, अऊर हम न ओकी असी महेमा देखी जसो परमेस्वर बाप (पिता) को अकेलो पोरिया कि महेमा, जो किरपा अऊर सही से भरपूर हो ख हमारो बीच म ड़ेरा करो।

यूहन्ना 1:14 ပူးပေါင်းရင်းမြစ်များ

मत्ती 1:16

याकूब ले यूसुफ जनम होलो, जोन मरियम चो मुनुक रलो, आउर मरियम ले ईशु जनम होलो जोन के लोग मसीह बलु आत।

लूका 2:11

कि आजी दाऊद चो नंगर ने तुमचो काजे गोटक मुक्तिकरू जनम लो से, आउर ऐई ची मसीह परबु आय।

लूका 2:7

आउर हुन आपलो पयलवात बेटा जन्माली आउर हुनके फटीई थाने लेपटाऊन भाती कोंड़ा डोंगा ने संगाला; कसनबल्लोने हुनमन चो काजे धरमशाला ने ठान नी रली।

लूका 9:32

पतरस आउर हुनचो संगवारी निंद ले भरू रला, आउर जिदलदाय अच्छा ढंग ले तिआर होला, तेबे हुनचो महिमा आउर हुन दुनो मानेमन के, जोन हुनचो संगे उबा रवत, दकला।

यूहन्ना 1:1

मुर ने बचन रये, आउर बचन माहापुरू चो संगे रये, आउर बचन माहापुरू रये।

यूहन्ना 11:40

ईशु हुनचो ले बल्लो, “काय मय तुचो ले नी बोलु रले कि अगर तुय बिश्वास कर से, तेबे माहापुरू चो महिमा के दक से।”

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 14:9

ईशु हुनचो ले बल्लो, “हे फिलिप्पुस, मय ईतलो दिन ले तुमचो संगे आंसे, आउर काय तुय मोके नी जानीस? जोन मोके दकलो से हुन बुआ के बले दकलो से। तुय केंव बोल सीस कि बुआ के आमके दकाव?

यूहन्ना 17:22

हुन महिमा जोन तुय मोके दिलीस मय हुनमन के दिले, कि हुनमन असने ची गोटक होओत जसन कि आमी गोटक आंव,

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

यूहन्ना 18:37

पिलातुस हुनचो ले बल्लो, “तो काय तुय राजा आस?” ईशु जबाप दिलो, “तुय बोल सीस कि मय राजा आंय। मय ऐईकाजे जनम धरले आउर ऐईकाजे जगत ने ईले से कि सत चो गोहई देयें दें। जोन कोनी सत चो आत, हुन मोचो शब्द सुनु आय।”

यूहन्ना 2:11

ईशु गलील चो काना गाँव ने आपलो ऐ पयला चिना दकाऊन भाती आपलो महिमा उजागर करलो आउर हुनचो चेलामन हुनचो उपरे बिश्वास करला।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 3:18

जोन हुनचो उपरे बिश्वास करू आय, हुनचो उपरे डण्ड चो हुकुम नी होये, मान्तर जोन हुनचो उपरे बिश्वास नी करे, हुन दोषी ठेबुन चुकलो; ऐईकाजे कि हुन माहापुरू चो गोटकी ची बेटा चो नाव थाने बिश्वास नी करलो।

यूहन्ना 6:51

जीवन चो रोटी जोन सरग ले उतरली, मय आय। अगर कोनी ऐ रोटी थानले खाओत, तेबे हरमेशा जीव रदे; आउर जोन रोटी मय जगत चो जीव काजे देयें दें, हुन मोचो मास आय।”

यूहन्ना 8:32

तुमी सत के जाना से, आउर सत तुमके छुटछाड़ा करेदे।”

प्रेरितो 13:33

कि माहापुरू ईशु के जिआऊन भाती, हुनी बायदा आमचो पिलामन चो काजे पुरा करलो; जसन दुसर भजन ने बले लिकलोर आसे, तुय मोचो बेटा आस; आजी मय तुके जनमा ले से।

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

रोमियो 9:5

पुरखा बले हुनी ची मन चो आत, आउर मसीह बले देंह चो हिसाब ले हुनी ची मन ले होलो, जोन सपाय चो उपरे परम माहापुरू जुग-जुग धन्य आसे। आमीन।

1 कुरिन्थियो 15:47

पईल माने धरतनी ले बल्लोने माटी चो रलो; दुसर माने सरग चो आय।

2 कुरिन्थियो 12:9

मान्तर हुन मोचो ले बल्लो, “मोचो अनुग्रह तुचो काजे खुबे आसे; कसनबल्लोने मोचो सामरत कमजोरी ने सिद्ध होऊ आय।” ऐईकाजे मय बड़े हरिक ले आपलो कमजोरीमन थाने घमण्ड करें दें कि मसीह चो सामरत मोचो उपरे छांई होते रओ।

गलातियो 4:4

मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

कुलुस्सियो 1:19

कसनबल्लोने बुआ चो हरिक होतोर ऐई थाने आसे कि हुनचो ने पुईतराय परिपुरनता बास करो,

कुलुस्सियो 2:3

जोन थाने बुद्धि आउर गिआन चो पुईतराय भण्डार लुकलोर आसे।

कुलुस्सियो 2:9

कसनबल्लोने हुन थाने ईश्पर चो सपाय परिपुरनता संका बास करू आय,

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 1:5

कसनबल्लोने सरग दूतमन ले हुन केबे कोचीई ले बल्लो, “तुय मोचो बेटा आस, आजी तुय मोचो ले उपजास होली सीस?” आउर फेर ऐ, “मय हुनचो बुआ होयेंदें, आउर हुन मोचो बेटा होयदे?”

इब्रानियो 10:5

ऐई लागुन मसीह जगत ने ऐतो समया बले से, “बलिदान आउर भेट तुय नी चाह लीस, मान्तर मोचो काजे गोटक देंह तिआर करलीस।

इब्रानियो 2:11

कसनबल्लोने पवितर करतो बिता आउर जोन पवितर कराया जाऊ आत, सपाय गोटक ची मुर ले आत; ऐई लागुन हुन हुनमन के भाई बोलतोर ले नी लाज होये।

इब्रानियो 5:5

असने ची मसीह बले माहायाजक बनतोर बड़ाई आपन खुद ले नी धरलो, मान्तर हुनके हुनी दिलो, जोन हुनके बोलु रलो, “तुय मोचो बेटा आस, आजी मय तुके जनमा ले से।”

1यूहन्ना 4:14

आमी दकलु से बले आउर गोहई देऊ आंव कि बुआ बेटा के जगत चो मुक्तिकरू करून पठालो से।

1यूहन्ना 4:9

जोन मया माहापुरू आमचो ले संगाऊ आय, हुन ऐचो ले परकट होली कि माहापुरू आपलो एकला बेटा के जगत ने पठालो से कि आमी हुनचो दुवारा जीवना पाऊँ।

2 यूहन्ना 1:7

कसनबल्लोने खुबे असन भरमातो बिता जगत ने निकरून ईला सोत, जोन ऐ नी मानोत कि ईशु मसीह देंह ने होऊन भाती ईलो, भरमातो बिता आउर मसीह चो बिरोधी ऐई आय।

प्रकाशितवाक्य 19:13

हुन लऊ छिंचलोर फटीई पिन्दलो से, आउर हुनचो नाव माहापुरू चो बचन आय।

प्रकाशितवाक्य 21:3

“फेर मय सिंघासन थानले कोनी के बड़े जोर ले ऐ बोलतोर सुनले, दक, माहापुरू चो डेरा मानेमन चो मंजी ने आसे। हुन हुनमन संगे डेरा करे दे, आउर हुनमन हुनचो लोग हो दे, आउर माहापुरू खुद हुनमन संगे रये दे आउर हुनमन चो माहापुरू होये दे।”