यूहन्ना 1:13 - Halbi

¹³ हुनमन ना तो लऊ ले, ना देंह चो इच्छा ले, ना माने चो इच्छा ले, मान्तर माहापुरू ले उपजास होला से।

परमेस्वर को सच्चो वचन ख जाननू

¹³ वी न तो खून से, न सरीर कि मर्जी से, न इंसान कि मर्जी से, पर परमेस्वर से सिरजिया हैं।

यूहन्ना 1:13 ပူးပေါင်းရင်းမြစ်များ

मत्ती 3:9

आउर आपलो-आपलो मन ने ऐ नी बिचारा, कि आमचो बुआ अब्राहाम आय; कसनबल्लोने मय तुमचो ले बलेंसे, कि माहापुरू ऐ पकनामन ले अब्राहाम चो काजे पिला जनमाऊक सके।

यूहन्ना 3:3

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

1 कुरिन्थियो 3:6

मय लगाले, अपुल्लोस सींचलो, मान्तर माहापुरू बड़ालो।

फिलिप्पियो 2:13

कसनबल्लोने माहापुरू ची आय जोन आपलो अच्छा इच्छा संगे तुमचो मन ने इच्छा आउर काम, दुनो गोठमन चो करतोर असर डाललो से।

तीतुस 3:5

तेबे हुन आमचो मुक्ति करलो; आउर ऐ धरम चो काममन चो लागुन नुआय, जोन आमीमन खुद करलु, मान्तर आपलो दया चो अनुसार नवा जनम चो नाहातोर आउर पवितर आत्मा चो आमके नवा बनातोर बाटले होली।

याकूब 1:18

हुन आपलो ची इच्छा ले आमके सत चो बचन चो दुवारा उपजास करलो, बल्ले आमी हुनचो बनालो बिती तीजमन थानले गोटक परकार चो पईल फर होऊ।

1 पतरस 1:23

कसनबल्लोने तुमनमन नाशवान नाई मान्तर अविनाशी बीज ले, माहापुरू चो जीवता आउर हरमेशा ठेबतो बिती बचन चो दुवारा नवा जनम पावलासास।

1 पतरस 1:3

आमचो परबु ईशु मसीह चो माहापुरू आउर बुआ चो धन्यबाद होओ, जोन ईशु मसीह चो मरलो थानले जीव उठलोर दुवारा, आपलो बड़े दया ले आमके जीव आशा चो काजे नवा जनम दिलो,

1 पतरस 2:2

नवा जनम लो पिलामन चो असन निंगल आत्मिक गोरस चो आशा करा, बल्ले हुनचो दुवारा मुक्ति पावतो काजे बाड़ते जाहा,

1यूहन्ना 3:9

जोन कोनी माहापुरू ले जनम लो से हुन पाप नी करे, कसनबल्लोने हुनचो बीज हुनचो थाने बनुन रऊ आय, आउर हुन पाप करूक नी सके कसनबल्लोने माहापुरू ले जनम लो से।

1यूहन्ना 4:7

हे लाड़रा मन, आमी आपस ने मया संगाऊ, कसनबल्लोने मया-माहापुरू ले आय। जोन कोनी मया करू आय, हुन माहापुरू ले जनम लो से आउर माहापुरू के जानु आय।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

1यूहन्ना 5:18

आमी जानु से, कि जोन कोनी माहापुरू ले उपजास होला से, हुन पाप नी करे; मान्तर जोन माहापुरू ले उपजास होलो, हुनके हुन बचाऊन संगाऊ आय, आउर हुन दुष्ट हुनके छिंऊक नी सके।

1यूहन्ना 5:4

कसनबल्लोने जोन काई माहापुरू ले उपजास होली से, हुन जगत थाने जय पाऊ आय; आउर हुन जीत जेचो ले संवसार थाने जय पाऊ आय आमचो बिश्वास आय।