यूहन्ना 1:12 - Halbi

¹² मान्तर जितरो लोग हुनके गरहन करला, हुन हुनमन के माहापुरू चो पिलामन होतोर अधिकार दिलो, बल्लोने हुनके जोन हुनचो नाव ने बिश्वास संगाऊ आत।

परमेस्वर को सच्चो वचन ख जाननू

¹² पर जीत्ता न ओखा अपनायो, अऊर ओको नाम म विस्वास करयो, वी सब ख ओ ना परमेस्वर की संतान बनन को हक दे दियो।

यूहन्ना 1:12 ပူးပေါင်းရင်းမြစ်များ

मत्ती 10:40

“जोन तुमके गरहन करू आय, हुन मोके गरहन करू आय; आउर जोन मोके गरहन करू आय, हुन मोचो पठालोबिता के गरहन करू आय।

मत्ती 12:21

आउर दुसर जातिमन हुनचो नाव थाने आशा संगादे।”

मत्ती 18:5

आउर जोन कोनी मोचो नाव ले गोटक असन लेका के गरहन करू आय हुन मोके गरहन करू आय।

यूहन्ना 1:11

हुन आपलो घरे ईलो आउर हुनचो आपलो लोग हुनके गरहन नी करला।

यूहन्ना 1:7

हुन गोहई देऊक ईलो कि उजर चो गोहई देओ, कसनबल्लोने सपाय हुनचो बाटले बिश्वास आनोत।

यूहन्ना 11:52

आउर ना मात्र हुन जाति चो काजे, आउर येई काजे बले कि माहापुरू चो जत-खत पिलामन के गोटक करून देये दे।

यूहन्ना 2:23

जिदलदाय हुन यरूशलेम ने फसह चो समया तिआर ने रलो, तेबे खुबे लोगमन हुन चिनामन के जोन हुन दकाते रये दकुन भाती हुनचो नाव ने बिश्वास करला।

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 3:18

जोन हुनचो उपरे बिश्वास करू आय, हुनचो उपरे डण्ड चो हुकुम नी होये, मान्तर जोन हुनचो उपरे बिश्वास नी करे, हुन दोषी ठेबुन चुकलो; ऐईकाजे कि हुन माहापुरू चो गोटकी ची बेटा चो नाव थाने बिश्वास नी करलो।

प्रेरितो 3:16

आउर हुनचेई नाव ने, हुन बिश्वास चो बाटले जोन हुनचो नाव थाने आसे, ऐ माने के जेके तुमी दकसास आउर जानास बले सामरत दिलो से। हुनी बिश्वास जोन हुनचो बाटले आय, ऐके तुमी सपाय चो पुरे बिलकुल अच्छा चेंगा करून दिलो से।

रोमियो 8:14

ऐईकाजे कि जितरो लोग माहापुरू चो आत्मा चो चलाये चलु आत, हुनीमन ची माहापुरू चो बेटा आत।

रोमियो 8:16

आत्मा खुद ची आमचो आत्मा चो संगे गोहई देऊ आय, कि आमी माहापुरू चो पिला आंव;

रोमियो 8:19

कसनबल्लोने ब्रमांड बड़े आशा भरलो नजर ले माहापुरू चो बेटामन चो उजागर होतोर बाट दके से।

गलातियो 3:26

कसनबल्लोने तुमी सपाय हुन बिश्वास चो लागुन जोन मसीह ईशु थाने आसे, माहापुरू चो पिला आहास।

गलातियो 4:6

आउर तुमी जोन बेटा आस, ऐईकाजे माहापुरू आपलो बेटा चो आत्मा के, जोन “हे अब्बा, हे बुआ” बोलुन भाती हाग देऊ आय, आमचो मन-मन ने पठालो से।

कुलुस्सियो 2:6

आउर जसन तुमी मसीह ईशु के परबु करून गरहन करलासास, असने ची हुनी थाने चलते राहा,

2 पतरस 1:4

जोनमन चो दुवारा हुन आमके बड़े मोल आउर खुबे बड़े बायदामन दिलो से बल्ले ऐ मन चो दुवारा तुमी हुन कुवतोर ले छुटुन भाती, जोन संवसार ने खराप मनमानीमन ले होऊ आय, माहापुरू चो स्वभाव चो शामिल होऊन जाहा।

1यूहन्ना 3:1

दका, बुआ आमचो ले कसन मया करलो से कि आमी माहापुरू चो पिला बलाय जाऊ; आउर आमी आंव बले। ऐई लागुन संवसार आमके नी जाने, कसनबल्लोने हुन हुनके बले नी जानलो।

1यूहन्ना 3:10

ऐचीई ले माहापुरू चो पिला आउर शयतान चो पिला जानाय जाऊ आत; जोन कोनी धरम चो काम नी करे हुन माहापुरू ले नुआय, आउर ना हुन जोन आपलो भाई ले मया नी संगाये।

1यूहन्ना 3:2

हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।

1यूहन्ना 3:23

हुनचो हुकुम ऐ आय कि आमी हुनचो बेटा ईशु मसीह चो नाव थाने बिश्वास करूं, आउर जसन हुन आमके हुकुम दिलो से हुनचेई अनुसार आपस ने मया संगाहा।