याकूब 4:11 - Halbi

¹¹ हे भाईमन, गोटक दुसर चो बदनामी नी करा। जोन आपलो भाई चो बदनामी करू आय नाहले भाई उपरे दोष लगाऊ आय; हुन नियम चो बदनामी करू आय आउर नियम थाने दोष लगाऊ आय; आउर अगर तुय नियम थाने दोष लगाऊ आस, तो तुय नियम थाने चलतो बिता नुआस मान्तर हुन थाने हाकिम ठेबलीस।

परमेस्वर को सच्चो वचन ख जाननू

¹¹ हे भई हुन, एक दुसरा कि बदनामी मत करो। जे अपनो भई की बदनामी करह हैं या भई पर आरोप लगाव हैं, उ नेम पर आरोप लगाव हैं; अर अदि तू नेम पर आरोप लगाव हैं, ते तू व्यवस्था पर चलन वालो नी पर न्याव करन वालो का ठहरो।

याकूब 4:11 ပူးပေါင်းရင်းမြစ်များ

लूका 6:37

“दोष नी लगाआ, तेबे तुमचो उपरे बले दोष नी लगा दे। दोषी नी ठेबाआ, तेबे तुमी बले दोषी नी ठेबा से। छमा करा, तेबे तुमके बले छमा कर दे।

रोमियो 2:1

आउर हे दोष लगतो बितामन, तुय कोनी बले केंव नी हो, तुय बेजबाप आस; कसनबल्लोने जोन गोठ ने तुय दुसर उपरे दोष लगाऊ आस हुनी गोठ ने आपन खुद के बले दोषी ठेबाऊ आस, ऐईकाजे कि तुय जोन दोष लगाऊ आस खुद ची हुन काम करू आस।

रोमियो 2:13

कसनबल्लोने माहापुरू चो थाने नियम चो सुनतो बिता धरमी नुआत, मान्तर नियम थाने चलतो बिता धरमी माना जादे।

रोमियो 7:7

तेबे आमी काय बलवां? काय नियम पाप आय? केबीई नाई! मान्तर बिना नियम चो मय पाप के नी चितायें नियम अगर नी बोलती, कि लालच नी कर तेबे मय लालच के नी जानते।

1 कुरिन्थियो 4:5

ऐईकाजे जिदलदाय दाय ले परबु नी ऐये, समया ले पयले कोनी गोठ चो नियाय नी करा: हुनी अंधार चो लुकलो गोठमन उजर ने दकाय दे, आउर मनमन चो बिचारमन के परकट करे दे, तेबे माहापुरू चो बाटले हरकोनी चो बड़ाई होये दे।

2 कुरिन्थियो 12:20

कसनबल्लोने मोके डर आसे, काहांय असन नी होओ कि मय ऐऊन भाती जसन चाहें से, हुसन तुमके नी पायें; आउर मोके बले जसन तुमी नी चाहस हुसनी ची पाहा; आउर तुमीमन ने झगड़ा, डाह, रीस, बिरूद, इरका, खुद, घमण्ड आउर झनझट होओ;

इफिसीयो 4:31

सपाय परकार चो पीता, आउर परकोप आउर रीस, आउर कोलार, आउर निन्दा, सपाय बयर भाव संगे तुमचो ले दूर कराय जाओ।

1तीमुथियुस 3:11

असने परकार ले बायले लेकीमन के बले गंभीर होतोर जरूरी आय; दोष लगातो बिती नी होओ, मान्तर खबड़दार आउर सपाय गोठमन ने बिश्वास लायक होओ।

2 तीमुथियुस 3:3

दया नी करू, छमा नी करू, दोष लगातो बिता, नी सहतो बिता, कठोर, अच्छा चो बयरी,

तीतुस 2:3

ऐई परकार डोकरी बायले लेकीमन चो चाल चलन पवितर लोगमन असन होओ; हुनमन दोष लगातो बिती आउर मतवारिन नाई, मान्तर अच्छा गोठमन सिकातो बिती होओत

याकूब 1:16

हे मोचो लाड़रा भाईमन, धोका नी खाआ।

याकूब 1:19

ऐ मोचो लाड़रा भाईमन, ऐ गोठ तुमी जाना, हरकोनी माने सुनतो काजे झटके आउर बोलतो ने धीरान आउर रीस ने धीरे हुआ,

याकूब 1:25

मान्तर जोन माने छुटछाड़ा चो सिद्ध नियम थाने धिआन करते रऊ आय, हुन आपलो काम ने ऐईकाजे आशीष पायेदे कि सुनुन भाती भुलकु नुआय मान्तर असने ची काम करू आय।

याकूब 2:8

तेबे बले अगर तुमी पवितर शास्त्र चो ऐ बचन चो अनुसार कि “तुय आपलो पड़ोसी ले आपलो समान मया संगाव,” सत-सत हुन राज नियम के पुरा करू आस, तो अच्छा ची करू आस।

याकूब 5:10

हे भाईमन जोन अगम गिआनीमन परबु चो नाव ले गोठयाला, हुनमन के दुक उठातो आउर धीरज धरतोर गोठ के नमूना समजा।

याकूब 5:7

ऐईकाजे हे भाईमन, परबु चो ऐओत ले धीरज धरा। दका, किसान धरतनी चो बड़े मोल फसल चो आशा संगाते-संगाते मुयला आउर आखरी बरसा होओत ले धीरज धरू आय।

याकूब 5:9

हे भाईमन, गोटक दुसर उपरे दोष नी लगाहा, बल्ले तुमी दोषी नी ठेबा; दका, हाकिम दुआर थाने उबा आसे।

1 पतरस 2:1

ऐईकाजे सपाय परकार चो बईरभाव आउर छंद आउर कपट आउर कुचर आउर निन्दा के दूर करून,