याकूब 4:1 - Halbi

¹ तुमचो थाने लड़ीईमन आउर झगड़ामन काहां ले ईली? काय हुन सुक-सुबिदामन ले नुआय जोन तुमचो धड़मन ने लडु आत आउर भिडू आत।

परमेस्वर को सच्चो वचन ख जाननू

¹ तुम म लडाई हुन अर झगड़ा काहा से आ गया? का उ सुख विलासो से नी हैं जे तुम्हारो सरीर म लड़ते भिड़ते हैं?

याकूब 4:1 ပူးပေါင်းရင်းမြစ်များ

मत्ती 15:19

कसनबल्लोने खराप बिचार, हत्या, दुसर चो बायले के नेतोर, बेबीचार, चोरी, झूठा गवा आउर निन्दा मन ले निकरू आय।

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

रोमियो 7:23

मान्तर मोके आपलो अंगमन ने दुसर परकार चो नियम दका पडु आय, जोन मोचो अकल चो नियम ले लडु आय आउर मोके पाप चो नियम चो गांट ने डालु आय जोन मोचो अंगमन ने आसे।

रोमियो 7:5

कसनबल्लोने जिदलदाय आमी देंह चो हिसाब ने चलते रलु, तेबे पापमन चो इच्छा जोन नियम चो बाटले रली, मरना चो फल पयदा करतो काजे आमचो अंगमन ने काम करते रली।

रोमियो 8:7

कसनबल्लोने देंह थाने मन लगातोर तो माहापुरू ले बईर संगातोर आय, कसनबल्लोने ना तो माहापुरू चो नियम चो लगे आसे आउर ना होऊक सके;

गलातियो 5:17

कसनबल्लोने देंह आत्मा चो बिरूद ने आउर आत्मा देंह चो बिरूद ने लालच करू आय, आउर ऐ गोटक दुसर चो बिरूदी आत, ऐईकाजे कि जोन तुमी करूक चाहायसास हुन नी करूक पाआ।

कुलुस्सियो 3:5

ऐईकाजे आपलो हुन धड़मन के मारून दिआस जोन धरतनी थाने आसे, बल्लोने बेबीचार, अशुद्धता, खराप बिचारमन खराप लालच आउर लोभ के जोन मुरती पुजा चो बराबर आय।

2 तीमुथियुस 2:23

मान्तर मुरक आउर बिनगिआन चो झगड़ा ले अलगे रा, कसनबल्लोने तुय जाने सीस कि ऐचो ले झगड़ा उपजास होऊ आय।

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

तीतुस 3:9

मान्तर मुरूकता चो गोठ बात मन, आउर बंसावलीमन, आउर बिरूद आउर झगड़ामन ले जोन नियम चो बारे ने होओ, बाचुन रा; कसनबल्लोने हुनमन बीना फल आउर फकाहा आत।

याकूब 1:14

मान्तर हरकोनी माने आपलो ची मनमानी ले झिकुन भाती आउर फसुन भाती परीक्षा ने पढुआय।

याकूब 4:3

तुमी मांगु आस आउर पाऊ नुआस, ऐईकाजे कि खराप इच्छा ले मांगु आस, बल्ले आपलो खातो-पिवतो ने उड़ान दिआस

1 पतरस 1:14

हुकुम मानु लेकामन चो असन आपलो अगिआनता चो समया चो जुना बिती मनमानीमन चो समान नी बना।

1 पतरस 2:11

हे लाड़रामन, मय तुमचो ले गुहार करें से कि तुमी आपन खुद के परदेशी आउर यातरी जानुन भाती हुन संवसारिक मनमानीमन ले जोन आत्मा ले लड़ीई करू आय, बचुन राआ।

2 पतरस 2:18

हुनमन फकाहा घमण्ड चो गोठमन करून-करून भाती ढीलाढाला चो काममन चो दुवारा, हुन लोगमन के देंह चो मनमानीमन ने फसाऊन धरू आत जोन भुलकलो लोगमन थानले ऐबे ची निकरे सोत।

2 पतरस 3:3

आउर ऐ पयले जाना, कि आखरी दिनमन ने हंसी मजाक करतो बितामन ऐ दे, जोन आपली ची मनमानीमन ची अनुसार चल दे