याकूब 3:17 - Halbi

¹⁷ मान्तर जोन गिआन उपर ले ऐऊ आय हुन पयले तो पवितर होऊ आय फेर मिलनसार, कोमल आउर सीदा-सादा आउर दया आउर अच्छा फरमन ले लाती होलोर आउर भेद-भाव आउर कपट ले लापी रऊ आय।

परमेस्वर को सच्चो वचन ख जाननू

¹⁷ पर जे ग्यान ऊपर से आवा हैं उ पहले तो सुध्द होव हैं फिर सान्ति से मिलनसार कोमल अर मृदुभाव अर दया अर अच्छो फल से लदो वालो अर पक्छपात अर मन कपट रहित होव हैं।

याकूब 3:17 ပူးပေါင်းရင်းမြစ်များ

मत्ती 23:28

ऐई रीति ले तुमी बले उपर ले मानेमन के धरमी दका देये सास, मान्तर भीतरे कपट आउर अधरम ले भरला सास।

मत्ती 5:8

“धन्य आत हुनमन, जोनमन चो मन शुद्ध आय, कसनबल्लोने हुनमन माहापुरू के दकदे।”

मत्ती 5:9

“धन्य आत हुनमन, जोन मेल करातो बिता आत, कसनबल्लोने हुनमन माहापुरू चो बेटा बलाया जादे।”

लूका 21:15

कसनबल्लोने मय तुमके असन गोठ आउर अकल देयें दें कि तुमचो सपाय बिरूदी सामना नाहले खंडन नी करूक सक दे।

लूका 6:36

जसन तुमचो बुआ दयावन्त आय, असने ची तुमी बले दयावन्त बना।

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:47

ईशु नतनएल के आपलो बाटे ऐतोर दकुन भाती हुनचो बारे ने बल्लो, “दका, ये सते इस्राएली आय: ऐचो थाने कपट निआय।”

प्रेरितो 11:24

हुन गोटक अच्छा माने रलो, आउर पवितर आत्मा आउर बिश्वास ले समपूरन रलो; आउर दुसर खुबे असन लोग परबु ने ऐऊन मिसला।

प्रेरितो 9:36

याफा ने तबीता बल्लोने दोरकास नाव चो गोटक बिश्वासिनी रते रली। हुन खुबे असन अच्छा-अच्छा काम आउर दान करते रली।

रोमियो 12:18

जाहां ले होऊक सके, तुमी भरसक सपाय मानेमन चो संगे मेल मिलाप संगाहा।

रोमियो 12:9

मया निष्कपट होओ; खराप ले दूर राहा; भलाई ने लगु राआ।

रोमियो 15:14

हे मोचो भाईमन, मय खुद तुमचो बारे ने जरूर जाने से कि तुमी बले खुद ची भलाई ले भरा आउर माहापुरू गिआन ले भरपूर हुआ, आउर गोटक दुसर के जनाऊक सकास।

1 कुरिन्थियो 12:8

कसनबल्लोने गोटक के आत्मा चो दुवारा अकल चो गोठमन दिया जाऊ आय, आउर दुसर के हुनी आत्मा चो अनुसार गिआन चो गोठमन।

2 कुरिन्थियो 10:1

मय हुनी पौलुस जोन तुमचो पुरे सोज आंय मान्तर पाट पाटे तुमचो बाटे साआस करू आंय, तुमके मसीह चो नम्रता आउर कोमलता चो कारन समजायें से।

2 कुरिन्थियो 6:6

पवितरता ले, गिआन ले, धीरज ले, किरपा ले, पवितर आत्मा ले,

2 कुरिन्थियो 7:11

आउर दका, ऐई गोठ ले कि तुमके माहापुरू भक्ति चो दुक होली तुमचो ने कितलो उदुम आउर जबाप चो जबाप आउर रीस, आउर भय, आउर लालच, आउर धुन आउर डण्ड देतोर बिचार पयदा होली? तुमीमन सपाय परकार ले ऐ सिद्ध करून दकालास कि तुमी ऐ गोठ ने निर्दोष आस।

2 कुरिन्थियो 9:10

आउर जोन बुनतो बिता के बीज आउर खातो काजे रोटी देऊ आय, हुन तुमके बीज देये दे, आउर हुनके फरायदे; आउर तुमचो धरम चो फल के बड़ाये दे।

इफिसीयो 5:9

(कसनबल्लोने उजर चो फल सपाय परकार चो भलाई, आउर धारमिकता, आउर सत आय),

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।

फिलिप्पियो 4:8

ऐईकाजे हे भाईमन, जोन-जोन गोठमन सत आय, आउर जोन-जोन गोठमन ईजीत चो लायक आय, आउर जोन-जोन गोठमन ठीक आय, आउर जोन-जोन गोठमन पवितर आय, आउर जोन-जोन गोठमन सुन्दर आय, आउर जोन-जोन गोठमन मन के भावतो लायक चो आय, बल्लोने जोन बले अच्छा गुन आउर हरिक चो गोठमन आय हुनमन थाने धिआन लगाया करा।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

1 थिस्सलुनीकियो 2:7

मान्तर जसन ढंग ले आया आपलो लेकामन चो पालन पोषन करू आय, असने ची आमी बले तुमचो मंजी ने रऊन भाती कोमलता दकालु से;

1तीमुथियुस 5:21

माहापुरू, आउर मसीह ईशु आउर चुनलो बितामन सरग दूतमन चो हाजिर जानुन भाती मय तुके जनाऊन देयें से कि तुय मन खोलुन भाती ऐ गोठमन के माना कर, आउर कोनी काम भेदभाव ले नी कर।

2 तीमुथियुस 2:24

परबु चो दास के झगड़ाहा नी होतोर आय, मान्तर हुन सपाय चो संगे कोमल आउर सिक्या ने भरून आउर सहतो बिता होओ।

तीतुस 1:15

शुद्ध लोगमन चो काजे सपाय तीजमन शुद्ध आय, मान्तर अशुद्ध आउर बिश्वासिमन चो काजे काई बले शुद्ध नुआय, मान्तर हुनमन चो अकल आउर बिबक दुनो अशुद्ध आय।

तीतुस 3:2

काकीई दोष नी लगाआ, झगड़ा बिता नी होओ; मान्तर कोमल स्वभाव चो होओ, आउर सपाय मानेमन चो संगे बड़े सोज चो संगे रओ।

इब्रानियो 12:11

हाल ने हर परकार चो ताड़ना हरिक चो नुआय, मान्तर दुख ची चो गोठ दका पड़े से; तेबे बले जोन हुनके सहते-सहते पक्का होऊन गेला सोत, पाचे हुनमन के असतीर चो संगे धरम चो करलो फल मिरू आय।

इब्रानियो 12:14

सपाय ले मेल मिलाप संगाहा, आउर हुन पवितरता चो खोजी हुआ जेचो बिना कोनी परबु के केबे नी दक दे।

याकूब 1:17

कसनबल्लोने हरकोनी अच्छा बर आउर हरकोनी बड़ीया दान उपर ची ले आय, आउर ज्योतिमन चो बुआ चो बाटले मिरू आय, जोन थाने ना तो कोनी बदलाव होऊक सके, आउर ना अदला बदला चो लागुन हुन थाने छांय पडु आय।

याकूब 1:5

मान्तर अगर तुमनमन ले कोकीई अकल चो कमी आसे जाले तेबे माहापुरू ले मांगा, जोन बिना काई बोलुन सपाय के उदारता ले देऊ आय, आउर हुनके दिया जायदे।

याकूब 2:13

कसनबल्लोने जोन दया नी करलो, हुनचो नियाय बिना दया चो होयेदे। दया नियाय थाने जयवन्त होऊ आय।

याकूब 2:4

तेबे काय तुमनमन आपस ने भेद-भाव नी करलास आउर खराप बिचार ले नियाय करतो बिता नी होलास?

याकूब 3:15

ऐ गिआन हुन नुआय जोन उपर ले उतरू आय, मान्तर संवसारिक, आउर शारीरिक, आउर शयतानी आय।

याकूब 4:8

माहापुरू चो लगे ईआ तेबे हुन बले तुमचो लगे ऐयेदे। हे पापीमन, आपलो हाथ शुद्ध करा; आउर हे दुयमन लोगमन, आपलो मन के पवितर करा।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 2:1

ऐईकाजे सपाय परकार चो बईरभाव आउर छंद आउर कपट आउर कुचर आउर निन्दा के दूर करून,

1 पतरस 2:18

हे सेवा करूमन, हर परकार चो भय चो संगे आपलो मालिकमन चो अधीन राआ, ना मात्र हुनमन चो जोन अच्छा आउर सोज होओ मान्तर हुनमन चो बले जोन कुटील होओ।

1यूहन्ना 3:18

हे लेकामन, आमी बचन आउर जीब ची ले नाई, मान्तर काम आउर सत चो लागुन बले मया करूं।

1यूहन्ना 3:3

आउर जोन कोनी हुनचो उपरे ऐ आशा संगाऊ आय, हुन आपन खुद के असने ची पवितर करू आय जसन हुन पवितर आय।