याकूब 3:15 - Halbi

¹⁵ ऐ गिआन हुन नुआय जोन उपर ले उतरू आय, मान्तर संवसारिक, आउर शारीरिक, आउर शयतानी आय।

परमेस्वर को सच्चो वचन ख जाननू

¹⁵ यू ग्यान उ नी जे ऊपर से उतरहे लेकिन सांसारिक अर सारीरिक अर सैतानी आय।

याकूब 3:15 ပူးပေါင်းရင်းမြစ်များ

लूका 16:8

“मालिक हुन अधरमी भण्डारी के सहरालो कि हुन चलाक ले काम करलो से। कसनबल्लोने ऐ संवसार चो लोग आपलो समया चो लोगमन चो संगे रीति बेवहारमन ने उजर चो लोगमन ले खुबे चलाक आत।

यूहन्ना 3:17

माहापुरू आपलो बेटा के जगत ने ऐईकाजे नी पठालो कि जगत ने डण्ड चो हुकुम देओ, मान्तर ऐईकाजे कि जगत हुनचो बाटले मुक्ति पाओ।

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

प्रेरितो 13:10

“हे सपाय कपट आउर सपाय चलाक ले भरलो शयतान चो पिला, थोमना धरम चो बयरी, काय तुय परबु चो सीदा बाटमन के टेड़ा करूक नी छांडीस?”

रोमियो 1:22

हुनमन आपन खुद के अकल बिता जानुन भाती मुरूक बनला,

1 कुरिन्थियो 1:27

मान्तर माहापुरू जगत चो मुरूकमन के चुनलो से कि गिआन बितामन के लाज करो, आउर माहापुरू जगत चो कमजोरमन के चुनलो से कि बलवानमन के लाज करो;

1 कुरिन्थियो 2:14

मान्तर शारीरिक माने माहापुरू चो आत्मा चो गोठमन गरहन नी करे, कसनबल्लोने हुनमन हुनचो नजर ने मुरूकता चो गोठमन आय, आउर ना हुन हुनमन के जानुक सके कसनबल्लोने हुनमन चो जाच आत्मिक रीति ले होऊ आय।

1 कुरिन्थियो 3:19

कसनबल्लोने ऐ संवसार चो गिआन माहापुरू चो लगे मुरूकता आय, जसन लिकलोर आसे, “हुन गिआनिमन के हुनमन चो चलाकी ने फासुन देऊ आय,”

1 कुरिन्थियो 3:3

कसनबल्लोने ऐबले शारीरिक आस। ऐईकाजे कि जसन तुमचो थाने डाह आउर झगड़ा आसे, तो काय तुमी शारीरिक नुआस? आउर काय देंह चो रीति थाने नी चलास?

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

2 कुरिन्थियो 11:3

मान्तर मय डरें से कि जसन सांप आपलो चलाकी ले हव्वा के बहकालो, असने ची तुमचो मन हुन सोज आउर पवितरता ले जोन मसीह चो संगे होतोर आय, काहांय खराप नी करा जाओ।

फिलिप्पियो 3:19

हुनमन चो आखरी बिनाश आय, हुनमन चो ईश्पर पेट आय, हुनमन आपलो लाज चो गोठमन थाने घमण्ड करू आत आउर धरतनी चो तीजमन थाने मन लगाऊ रऊ आत।

2 थिस्सलुनीकियो 2:9

हुन अधरमी चो ऐतोर शयतान चो काम चो अनुसार सपाय परकार चो फंदी सामरत, आउर चिना, आउर भयंकर काम चो संगे,

1तीमुथियुस 4:1

मान्तर आत्मा छुकछुका ले बले से कि ऐतो बिती समयामन ने कितलो लोग भरमातो बिती आत्मामन, आउर दुष्टआत्मामन चो सिक्यामन थाने मन लगाऊन भाती बिश्वास ले भहकुन जादे।

याकूब 1:17

कसनबल्लोने हरकोनी अच्छा बर आउर हरकोनी बड़ीया दान उपर ची ले आय, आउर ज्योतिमन चो बुआ चो बाटले मिरू आय, जोन थाने ना तो कोनी बदलाव होऊक सके, आउर ना अदला बदला चो लागुन हुन थाने छांय पडु आय।

याकूब 1:5

मान्तर अगर तुमनमन ले कोकीई अकल चो कमी आसे जाले तेबे माहापुरू ले मांगा, जोन बिना काई बोलुन सपाय के उदारता ले देऊ आय, आउर हुनके दिया जायदे।

याकूब 3:17

मान्तर जोन गिआन उपर ले ऐऊ आय हुन पयले तो पवितर होऊ आय फेर मिलनसार, कोमल आउर सीदा-सादा आउर दया आउर अच्छा फरमन ले लाती होलोर आउर भेद-भाव आउर कपट ले लापी रऊ आय।

यहूदा 1:19

ऐ हुनमन आत जोन लड़ा-जुजा करू आत; ऐमन शारीरिक लोग आत, जोनमन ने आत्मा निआय।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 2:24

“मान्तर तुमी थुआथीरा चो बाकी लोगमन ले, जितरो ऐ सिक्या के नी मानोत आउर हुन गोठमन के जोनमन के शयतान चो भेद गोठमन बोलु आत नी जानोत, ऐ बलेंसें कि मय तुमचो उपरे आउर बोज नी डालेंदे।”

प्रकाशितवाक्य 9:11

अन्दकुप खोदरा चो दूत हुनमन थाने राजा रलो; हुनचो नाव इब्रानी ने अबदोन, आउर यूनानी ने अपुल्लयोन आय।