याकूब 3:14 - Halbi

¹⁴ मान्तर अगर तुमी आपलो-आपलो मन ने पीता कुचर आउर बिरूद संगायसास, तेबे सत चो बिरूद ने घमण्ड नी करा, आउर ना तो झूठ बोला।

परमेस्वर को सच्चो वचन ख जाननू

¹⁴ पर अदि तुम अपनो-अपनो मन म कड़वी जलन अऊर विरोध रखह हैं, ते सही को विरोध म घमण्ड नी करनो, अऊर न तो झुठ बोलनो।

याकूब 3:14 ပူးပေါင်းရင်းမြစ်များ

मत्ती 27:18

कसनबल्लोने हुन जानते रलो कि हुनमन हुनके कपट ले धराला से।

यूहन्ना 16:2

हुनमन तुमके आराधना घरमन ले निकराऊन देदे, मान्तर हुन समया ऐऊ आय, कि जोन कोनी तुमके मारून देये दे हुन समजे दे कि मय माहापुरू चो सेवा करें से।

प्रेरितो 13:45

मान्तर यहूदी भीड़ के दकुन भाती डाह ले भरला, आउर निन्दा करते-करते पौलुस चो गोठमन चो बिरूद ने बोलुक मुरयाला।

प्रेरितो 26:9

“मय बले समजु रये कि ईशु नासरी चो नाव चो बिरूद ने मोके खुबे काई करतोर जरूरी आय।”

प्रेरितो 5:17

तेबे माहायाजक आउर हुनचो सपाय संगवारी जोन सदूकीमन चो पंथ चो रवत, डाह ले भरला

प्रेरितो 7:9

“कुल पतिमन यूसुफ ले इरका होऊन हुनके मिस्र देश जातो बितामन चो हाथे बिकला; मान्तर माहापुरू हुनचो संगे रलो।”

रोमियो 1:29

ऐईकाजे हुनमन सपाय परकार चो अधरम, आउर दुष्ट, आउर लोभ, आउर बयर ले भरला; आउर डाह, आउर हत्या, आउर झगड़ा, आउर छंद, आउर कुचर ले भरपूर होला, आउर खुदेयार,

रोमियो 13:13

जसन दिन के फोबु आय, असने ची आमी सीदा चाल चलु, ना कि खेला बुला, आउर मतवारीपन ने, ना बेबीचार, आउर ढीला ढाला ने, आउर ना झगड़ा आउर कुचर ने।

रोमियो 2:17

मान्तर तुय यहूदी बलाय होऊ आस आउर नियम थाने भरसा करू आस, आउर माहापुरू चो बारे ने घमण्ड करू आस,

रोमियो 2:8

मान्तर जोन मतलबी आत आउर सत के नी मानोत, मान्तर अधरम के मानु आत, हुनमन उपरे रीस आउर कोप पड़ेदे।

1 कुरिन्थियो 13:4

मया धीरजवान आय, आउर किरपालु आय; मया डाहा नी करे; मया आपलो बड़ाई नी करे, आउर फुलु नुआय,

1 कुरिन्थियो 3:3

कसनबल्लोने ऐबले शारीरिक आस। ऐईकाजे कि जसन तुमचो थाने डाह आउर झगड़ा आसे, तो काय तुमी शारीरिक नुआस? आउर काय देंह चो रीति थाने नी चलास?

1 कुरिन्थियो 5:2

आउर तुमी दुक तो नी करास, जेचो ले असन काम करतो बिता तुमचो मंजी थानले निकराया जातो, मान्तर घमण्ड करू आहास।

1 कुरिन्थियो 5:6

तुमचो घमण्ड करतोर अच्छा नुआय; काय तुमी नी जानास कि खिन्डिक असन खमीर पुईतराय चटकलो बिती आंटा के खमीर करून देऊ आय।

2 कुरिन्थियो 12:20

कसनबल्लोने मोके डर आसे, काहांय असन नी होओ कि मय ऐऊन भाती जसन चाहें से, हुसन तुमके नी पायें; आउर मोके बले जसन तुमी नी चाहस हुसनी ची पाहा; आउर तुमीमन ने झगड़ा, डाह, रीस, बिरूद, इरका, खुद, घमण्ड आउर झनझट होओ;

गलातियो 5:15

मान्तर अगर तुमी गोटक दुसर के दात ले कतरते आउर चिरून खाऊ आस, तो चलाक राहा कि गोटक दुसर चो सत्यानाश नी करून दिआस।

गलातियो 5:20

मुरती सेवा, टोनहा, बईर, झगड़ा, डाह, रीस, बिरूद, फूट, बिधरम,

गलातियो 5:21

डाहा, मतवारपन, खेल-कुद आउर ऐ मन चो असन दुसर-दुसर काम आसे, ऐ मन चो बारे ने मय तुमचो ले पयले ले बोलुन देयें से जसन पयले बोलुन बले चुकले से, कि असन-असन काम करतो बितामन माहापुरू चो राज चो हकदार नी होओत।

गलातियो 5:26

आमी घमण्डी होऊन भाती ना गोटक दुसर के उड़साऊ, आउर ने गोटक दुसर ले डाह करूं।

गलातियो 6:13

कसनबल्लोने खतना करतो बितामन खुद तो नियम थाने नी चलोत, मान्तर तुमचो खतना ऐईकाजे कराऊक चाहाय सोत कि तुमचो देंह चो दसा थाने घमण्ड करोत।

फिलिप्पियो 1:15

कितलो तो डाह आउर झगड़ामन चो लागुन मसीह चो परचार करू आत आउर कितलो अच्छा इच्छा ले।

फिलिप्पियो 2:3

बिरूद नाहले झूठा बड़ाई चो काजे काई नी करा, मान्तर दिनता ले गोटक दुसर के आपलो ले अच्छा समजा।

1तीमुथियुस 2:4

जोन ऐ चाहाऊं आय कि सपाय मानेमन चो मुक्ति होओ, आउर हुनमन सत के नुकु-नुकु चिता ओत।

1तीमुथियुस 6:4

तेबे हुन घमडिही होऊन गेलो, आउर काई नी जाने; मान्तर हुनके बिवाद आउर शब्दमन थाने तर्क करातोर रोग आसे, जेचो ले डाहा, आउर झगड़ामन, आउर निन्दा चो गोठमन आउर खराप-खराप संका,

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

याकूब 1:18

हुन आपलो ची इच्छा ले आमके सत चो बचन चो दुवारा उपजास करलो, बल्ले आमी हुनचो बनालो बिती तीजमन थानले गोटक परकार चो पईल फर होऊ।

याकूब 3:16

कसनबल्लोने जोन थाने कुचर आउर बिरूद होऊ आय, हुता झगड़ा आउर हर परकार चो दुषकरम बले होऊ आय।

याकूब 5:19

हे मोचो भाईमन, अगर तुमचो ने कोनी सत चो बाट ले भटकुन जायदे आउर कोनी हुनके फिरान आनो,