याकूब 2:19 - Halbi

¹⁹ तुके बिश्वास आसे कि गोटक ची माहापुरू आय, तुय अच्छा करू आस। दुष्टआत्मा बले बिश्वास संगाऊ आत, आउर थरथरु आत।

परमेस्वर को सच्चो वचन ख जाननू

¹⁹ तो ख भरोसा हैं कि एक ही परमेस्वर हैं; तू चोक्खो करह हैं। भूत हुन भी भरोसा रखह, अर थरराँय हैं।

याकूब 2:19 ပူးပေါင်းရင်းမြစ်များ

मत्ती 8:29

हुनमन चिचयाऊन भाती बल्ला, “हे माहापुरू चो बेटा, आमचो तुचो ले काय काम? काय तुय समया ले पयले आमके दुक देऊक लाय ऐथा ईली सीस?”

मरकुस 1:24

हुन चिचयाऊन भाती बल्लो, “हे ईशु नासरी, आमके तुचो ले काय काम? काय तुय आमके नष्ट करूक ईली सीस? मय तुके जाने, तुय कोन आस? माहापुरू चो पवितर जन!”

मरकुस 12:29

ईशु हुनके जबाप दिलो, “सपाय हुकुममन ले ऐ माहान आय: ‘हे इस्राएल सुन! परबु आमचो माहापुरू गोटक ची परबु आय,

मरकुस 5:7

आउर जोर ले चिचयाऊन भाती बल्लो, “हे ईशु, परमपरधान माहापुरू चो बेटा, मोके तुचो ले काय काम? मय तुके माहापुरू चो किरिया देयें सें कि मोके दुक नी देस।”

मरकुस 7:9

ईशु हुनमन ले बल्लो, “तुमी आपलो रीति बिदीमन के मानतो काजे माहापुरू चो हुकुम कसन अच्छा ढंग ले टालुन देयेसास!

लूका 4:34

“हे ईशु नासरी, आमके तुचो ले काय काम? काय तुय आमके नष्ट करतो काजे ईली सीस? मय तुके जाने तुय कोन आस? तुय माहापुरू चो पवितर जन आस!”

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

प्रेरितो 16:17

हुन पौलुस चो आउर आमचो पाटकुती ऐऊन भाती चिचयाऊक मुरयाली, “ये माने परमपरधान माहापुरू चो दास आत, जोन आमके मुक्ति चो बाट चो कथा सुनाऊ आत।”

प्रेरितो 19:15

मान्तर दुष्टआत्मा हुनमन के जबाप दिलो, “ईशु के मय जाने, आउर पौलुस के बले चिताऊ आंय, मान्तर तुमी कोन आहास?”

प्रेरितो 24:25

जिदलदाय हुन धरम, आउर सहन, आउर ऐतो बिता नियाय चो चरचा करते रलो, तेबे फेलिक्स घबराऊन भाती जबाप दिलो, “ऐबे तो जा; मवका दकुन मय तुके फेर हाग देयें दें।”

रोमियो 3:30

कसनबल्लोने गोटक ची माहापुरू आसे, जोन खतना बितामन के बिश्वास ले आउर खतना नी होलो बितामन के बले बिश्वास चो बाटले धरमी ठेबा ये दे।

1 कुरिन्थियो 8:4

आउर मुरतीमन चो पुरे पुजलो बिती तीजमन के खातोर बारे ने आमी जानु से कि मुरती जगत ने कोनी तीज नुआय, आउर गोटक के छांडुन आउर कोनी माहापुरू निआत।

1 कुरिन्थियो 8:6

तेबले बले आमचो काजे तो गोटक ची माहापुरू आसे: बल्लोने बुआ जेचो बाटले सपाय तीजमन आसोत, आउर आमी हुनचेई काजे आंसु। आउर गोटक ची परबु आय, बल्लोने ईशु मसीह जेचो बाटले सपाय तीजमन होली, आउर आमी बले हुनचेई बाटले आंव।

गलातियो 3:20

मंजार तो गोटक चो नी होये, मान्तर माहापुरू गोटक ची आय।

1तीमुथियुस 2:5

कसनबल्लोने माहापुरू गोटकी ची आय, आउर माहापुरू आउर मानेमन चो मंजी ने बले गोटकी ची मंजीमन्या आय, बल्लोने मसीह ईशु जोन माने आय।

याकूब 2:8

तेबे बले अगर तुमी पवितर शास्त्र चो ऐ बचन चो अनुसार कि “तुय आपलो पड़ोसी ले आपलो समान मया संगाव,” सत-सत हुन राज नियम के पुरा करू आस, तो अच्छा ची करू आस।

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

यहूदा 1:6

फेर जोन सरग दूतमन आपलो पन के गोटक जगा ने थीर नी संगाला मान्तर आपलो खुद चो जगा के छांडुन दिला, हुन हुनमन के बले हुन भयंकर दिन चो नियाय चो काजे अंधार ने, जोन जुग-जुग चो काजे आय, बान्दनमन ने संगालो से।

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।