याकूब 2:18 - Halbi

¹⁸ बल्ले कोनी बोलुक सके, “तुके बिश्वास आसे आउर मय करम करेंसे।” तुय आपलो बिश्वास मोके करम बिना तो दकाव; आउर मय आपलो बिश्वास आपलो करममन चो दुवारा तुके दकायेंदें।

परमेस्वर को सच्चो वचन ख जाननू

¹⁸ लेकिन कोई बोल सकह हैं, “तो ख भरोसा हैं अर मै करम कँरु हैं।” तू अपना भरोसा मो ख करम को बिना ते दिखा; अर मी अपना भरोसा अपने करमो को दुवारा तो ख दिखाऊँगो।

याकूब 2:18 ပူးပေါင်းရင်းမြစ်များ

रोमियो 14:23

मान्तर जोन संका करून खाऊ आय हुन डण्ड चो लायक ठेबुन चुकलो, कसनबल्लोने हुन बिश्वास ले नी खाये; आउर जोन काई बिश्वास ले नाई हुन पाप आय।

रोमियो 3:28

ऐईकाजे आमी ऐ नतीजा थाने पहुँचु आंव कि माने नियम चो काममन ले अलग ची, बिश्वास चो बाटले धरमी ठेबु आय।

रोमियो 4:6

जेके माहापुरू बिना करममन चो धरमी ठेबाऊ आय, हुनके दाऊद बले धन्य बोलु आय:

रोमियो 8:1

आउर अदायं जोन मसीह ईशु ने आसोत, हुनमन उपरे डण्ड चो हुकुम निआय। कसनबल्लोने हुनमन देंह चो अनुसार नाई मान्तर आत्मा चो अनुसार चलु आत।

रोमियो 9:19

आउर तुय मोचो ले बोल से, “हुन फेर केंव दोष लगाऊ आय? कोन हुनचो इच्छा चो सामना करू आय?”

1 कुरिन्थियो 13:2

आउर अगर मय अगम गोठ करूक सकें दें आउर सपाय भेदमन आउर सपाय परकार चो गिआन के समजेंदें, आउर मोके ऐथा ले पुरा बिश्वास होओ कि मय डोंगरीमन के गुचाऊन देयेंदे, मान्तर मया नी संगायें, तो मय काईची बले नुआय।

2 कुरिन्थियो 5:17

ऐईकाजे अगर कोनी मसीह ने आसे तो हुन नवा रचना आय: जुना गोठमन बीतुन गेली से; दका, सपाय गोठमन नवा होऊन गेली से।

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

1तीमुथियुस 1:5

हुकुम चो सारांश ऐ आय कि शुद्धमन आउर अच्छा बिबक, आउर कपट रहित बिश्वास ले मया उपजास होओ।

तीतुस 2:7

सपाय गोठमन ने आपन खुद के अच्छा काममन चो नमूना बनाव। तुचो उपदेश ने सफाई, गमभीरता,

इब्रानियो 11:31

बिश्वास ची ले राहाब बेश्या हुकुम नी मानतो बितामन चो संगे नष्ट नी होली, ऐईकाजे कि हुन कुटनमन के हरिक ले संगाऊन रये।

इब्रानियो 11:33

ऐमन बिश्वास ची चो दुवारा राज जीतला; धरम चो काम करला; बायदा करलो बिती तीज परापत करला; डुरकामन चो मुंह बन्द करला;

इब्रानियो 11:6

आउर बिश्वास बिना हुनके हरिक करतोर नी होऊक सके; कसनबल्लोने माहापुरू चो लगे ऐतो बितामन के बिश्वास करतोर आय कि हुन आसे, आउर आपलो डगरातो बितामन के करलो फल देऊ आय।

याकूब 2:14

ऐ मोचो भाईमन, अगर कोनी बलदे कि मोके बिश्वास आसे मान्तर हुन करम नी करो, तेबे ऐचो ले काय लाब? काय असन बिश्वास केबीई हुनचो मुक्ति करूक सके?

याकूब 3:13

तुमनमन ने गिआनी आउर समजदार कोन आय? जोन असन होओ हुन आपलो काममन के अच्छा चाल-चलन ले हुन नम्रता संगे परकट करो जोन गिआन ले उपजास होऊ आय।