याकूब 1:19 - Halbi

¹⁹ ऐ मोचो लाड़रा भाईमन, ऐ गोठ तुमी जाना, हरकोनी माने सुनतो काजे झटके आउर बोलतो ने धीरान आउर रीस ने धीरे हुआ,

परमेस्वर को सच्चो वचन ख जाननू

¹⁹ अरे मोरा प्यारो भई हुन, या बात तुम जान लेनू; अर हर एक अदमी सुनन को लाने तत्पर अर बोलनो म धीर अर गुस्सा म धीमो हो,

याकूब 1:19 ပူးပေါင်းရင်းမြစ်များ

मत्ती 5:22

मान्तर मय तुमचो ले ऐ बलेंसें कि जोन कोनी आपलो भाई उपरे रीस करेदे, हुन कचरी ने डण्ड चो लायक होयेदे, आउर जोन कोनी आपलो भाई के ठग बलेदे हुन बड़े सभा ने डण्ड लायक होयदे; आउर जोन कोनी बलेदे ‘अरे मुरक’ हुन नरक चो आईग चो डण्ड चो लायक होयेदे।

मरकुस 12:37

“दाऊद तो खुद हुनके परबु बोलु आय, फेर हुन हुनचो बेटा काहां ले ठेबलो?” आउर भीड़ चो लोग हुनचो हरिक ले सुनते रवत।

मरकुस 2:2

फेर इतलो लोग रूंड़ा होला कि बाट चो लगे बले ठान नी रली; आउर हुन हुनमन के बचन सुनाते रलो।

लूका 15:1

सपाय उसील करतो बितामन आउर पापी हुनचो लगे ऐई करते रवत बल्ले हुनचो सुनोत।

लूका 19:48

मान्तर काई उपाय नी निकराऊक सकला कि ऐ कसन परकार करवां, कसनबल्लोने सपाय लोग बड़े चाव ले हुनचो सुनते रवत।

प्रेरितो 1:15

हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

प्रेरितो 10:33

तेबे मय तुरते तुचो लगे लोग पठाले, आउर तुय अच्छा करलीस जोन ईलीस। अदायं आमी सपाय ऐथा माहापुरू चो पुरे आंसु, बल्ले जोन काई माहापुरू तुचो ले बल्लो से हुनके सुनु।

प्रेरितो 13:48

ऐ सुनुन भाती दुसर जातिमन हरिक होला, आउर माहापुरू चो बचन चो बड़ाई करूक मुरयाला; आउर जितरो अमर जीवना चो काजे थेबाया जाऊ रवत, हुनमन बिश्वास करला।

प्रेरितो 17:11

ऐ लोग तो थिसलुनी चो यहूदीमन ले अच्छा रवत, आउर हुनमन बड़े लालच ले बचन गरहन करला, आउर रोजे दिना पवितर शास्त्रमन ने डगराते रला कि ऐ गोठमन असने ची आय कि नुआय।

प्रेरितो 2:42

आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।

इफिसीयो 4:26

रीस तो करा, मान्तर पाप नी करा, बेर बोसु-बोसु तुमचो रीस नी रओ,

इफिसीयो 4:31

सपाय परकार चो पीता, आउर परकोप आउर रीस, आउर कोलार, आउर निन्दा, सपाय बयर भाव संगे तुमचो ले दूर कराय जाओ।

कुलुस्सियो 3:15

मसीह चो शान्ति जेचो काजे तुमी गोटक देंह होऊन भाती हाग दिया बले गेलासास, तुमचो मन ने राज करो; आउर तुमी धन्यबादी बनुन राहा।

कुलुस्सियो 3:8

मान्तर अदायं तुमी बले ऐ सपाय के बल्लोने कुरूद, रीस, बईरभाव, निन्दा आउर मुंह ले झगड़ा करतोर ऐ सपाय गोठमन छांडुन दिआस।

1 थिस्सलुनीकियो 2:13

ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

याकूब 1:16

हे मोचो लाड़रा भाईमन, धोका नी खाआ।

याकूब 1:2

ऐ मोचो भाईमन, जिदलदाय तुमी नाना परकार चो परीक्षामन ने पड़ा, तेबे ऐके पुरा हरिक चो गोठ समजा,

याकूब 1:26

अगर कोनी आपन खुद के भगत समजो आउर आपलो जीब के आपलो अधीन ने नी करे मान्तर आपलो मन के धोका देओ, तो हुनचो भक्ति फकाहा आय।

याकूब 2:1

ऐ मोचो भाईमन आमचो महिमा युक्त परबु ईशु मसीह उपरे तुमचो बिश्वास भेद-भाव चो संगे नी होओ।

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

याकूब 3:10

गोटक ची मुंह ले धन्यबाद आउर सराप दुनो निकरू आय। हे मोचो भाईमन, असन नी होतोर आसे।

याकूब 4:11

हे भाईमन, गोटक दुसर चो बदनामी नी करा। जोन आपलो भाई चो बदनामी करू आय नाहले भाई उपरे दोष लगाऊ आय; हुन नियम चो बदनामी करू आय आउर नियम थाने दोष लगाऊ आय; आउर अगर तुय नियम थाने दोष लगाऊ आस, तो तुय नियम थाने चलतो बिता नुआस मान्तर हुन थाने हाकिम ठेबलीस।

याकूब 5:12

मान्तर हे मोचो भाईमन, सपाय ले बड़े गोठ ऐ आय कि किरिया नी खाआ, ना सरग चो ना धरतनी चो ना कोनी आउर तीज चो; मान्तर तुमचो गोठ बात हव चो हव, आउर नाई चो नाई होओ, कि तुमी डण्ड चो लायक नी ठेबा।

याकूब 5:19

हे मोचो भाईमन, अगर तुमचो ने कोनी सत चो बाट ले भटकुन जायदे आउर कोनी हुनके फिरान आनो,

1यूहन्ना 2:21

मय तुमके ऐईकाजे नी लिकले कि तुमी सत के नी जानास, मान्तर ऐईकाजे कि हुनके जानास, आउर ऐईकाजे कि कोनी फंद, सत चो बाटले नुआय।