याकूब 1:12 - Halbi

¹² धन्य आय हुन माने जोन परीक्षा ने थीर रऊ आय, कसनबल्लोने हुन खर निकरून भाती जीवना चो हुन मुकुट पायेदे जेचो बायदा परबु आपलो मया करतो बितामन ले करलो से।

परमेस्वर को सच्चो वचन ख जाननू

¹² धन्य हैं उ जो मूसिबत म विस्वास लायक रहवा हैं दुख से खडो निकलनो पर ओ ख जिन्दगी को उ मुकुट हासिल होय जे ख प्रभु न अपनो दास हुन ख देवन को वादा करयो हैं। अपन प्यार करन वाला से की आय।

याकूब 1:12 ပူးပေါင်းရင်းမြစ်များ

मत्ती 10:22

मोचो नाव चो लागुन सपाय लोग तुमचो ले बईर करदे, मान्तर जोन आखरी तक धीरज धरू रयदे हुनचेई मुक्ति होयेदे।

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

लूका 6:22

“धन्य आहास तुमी जिदलदाय माने चो बेटा चो लागुन लोग तुमचो ले बईर कर दे, आउर तुमके निकराऊन देदे, आउर तुमचो निन्दा कर दे, आउर तुमचो नाव खराप जानुन भाती काटून देदे।”

रोमियो 5:4

आउर धीरज ले खर निकरतोर, आउर खर निकरलो ने आशा पयदा होऊ आय;

रोमियो 8:28

आमी जानु से कि जोन लोग माहापुरू ले मया संगाऊ आत, हुनमन चो काजे सपाय गोठमन मिसुन भाती भलाई ची के पयदा करू आय; बल्लोने हुनीमन ची काजे जोन हुनचो इच्छा चो अनुसार हाग दिलोर आसोत।

1 कुरिन्थियो 2:9

मान्तर जसन लिकलोर आसे, “जोन गोठमन आँईकमन नी दकली आउर कान नी सुनली, आउर जोन गोठमन माने चो मन ने नी चेगली, हुनीमन ची आत जोन माहापुरू आपलो मया संगातो बितामन काजे तिआर करलो से।”

1 कुरिन्थियो 8:3

मान्तर अगर कोनी माहापुरू ले मया संगाऊ आय, तेबे माहापुरू हुनके चिताऊ आय।

1 कुरिन्थियो 9:25

हरकोनी पयलवान सपाय परकार चो सहन करू आय; हुनमन तो गोटक कोमजतो बिती मुकुट के पावतो काजे ऐ सपाय करू आत, मान्तर आमी तो हुन मुकुट चो काजे करू आंव जोन कोमजतो बिती नुआय।

2 तीमुथियुस 2:15

आपन खुद के माहापुरू चो गरहन लायक आउर असन काम करतो बिता ठेबातोर कोशिश कर, जोन लाज होऊक नी सको, आउर जोन सत चो बचन के अच्छा रीति ले काम ने आनु आय।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

इब्रानियो 10:32

मान्तर हुन पाटे चो दिनमन के सुरता करा, जोन थाने तुमी उजर पाऊन भाती दुकमन चो बड़े भुगतोर ने थीर रलास।

इब्रानियो 11:17

बिश्वास ची ले अब्राहाम परका जातोर समया ने, इसाक के बलिदान चेगालो; आउर जोन बायदामन के सत मानु रये

इब्रानियो 12:5

आउर तुमी हुन उपदेश के, जोन तुमके बेटामन चो असन दिया जाये से, भुलकुन गेलासास “हे मोचो बेटा, परबु चो ताड़ना के उसास गोठ नी जान, आउर जिदलदाय हुन तुके धमकाय दे तेबे साहास नी छांड़।

इब्रानियो 6:15

आउर ऐई रीति ले हुन धीरजा धरून भाती बायदा करलो बिती गोठ परापत करलो।

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

याकूब 5:11

दका, आमी धीरज धरतो बितामन के धन्य बोलु आंव। तुमी तो अय्युब चो धीरज चो बारे ने तो सुनलासास ची, आउर परबु चो बाटले जोन हुनचो करलो फल होली हुनके बले जानला से, जेचो ले परबु चो खुबे करूना आउर दया परकट होऊ आय।

1 पतरस 3:14

अगर तुमी धरम चो लागुन दुख बले उठाहा, तेबे धन्य आस; मान्तर लोगमन चो डरालो ले नी डरा आउर ना घबराआ,

1 पतरस 4:13

मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।

1 पतरस 4:14

फेर अगर मसीह चो नाव चो काजे तुमचो निन्दा करा जाये से तो तुमी धन्य आस, कसनबल्लोने महिमा चो आत्मा, जोन माहापुरू चो आत्मा आय, तुमचो उपरे छांया करू आय।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।

1यूहन्ना 4:19

आमी ऐईकाजे मया करू आंव, कि पयले हुन आमचो ले मया करलो।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 3:19

“मय जोन-जोन के मया करू आंय, हुन सपाय के सिकाऊ आंय आउर ताड़ना देऊ आंय; ऐईकाजे टिव-टिव हो आउर मन फिराव।”

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”