इब्रानियो 9:26 - Halbi

²⁶ नाहले जगत चो उपजास ले धरून भाती हुनके घन-घन दुक उठाऊक पढ़ती; मान्तर ऐबे जुग चो आखरी ने हुन गोटक ची हार परकट होलो से, बल्ले आपलो ची बलिदान चो दुवारा पाप के लापी करून देओ।

परमेस्वर को सच्चो वचन ख जाननू

²⁶ अदि असो होतो ते दुनिया को प्रारम्भ से उन ख बार-बार भोगनो पड़तो, पर अब युग को आखरी म वाहा एक ही उत्पन्न हुओ जसो वाहा ताकि अपने ही बलिदान को दुवारा पाप ख दुर कर देहे।

इब्रानियो 9:26 ပူးပေါင်းရင်းမြစ်များ

मत्ती 13:39

जोन शतरू हुनमन के बुनलो हुन शयतान आय; काटतोर जगत चो आखरी आय, आउर काटतो बितामन सरगदूत आत।

मत्ती 13:40

आउर जसन रान बीज सकला जाऊ आय आउर जराया जाऊ आत असने ची जगत चो आखरी ने होयेदे।

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

यूहन्ना 1:29

दुसर दिन ईशु के आपलो बाटे ऐतोर दकुन भाती बल्लो, “दका, ऐ माहापुरू चो मेमना आय जोन जगत चो पाप के उठाऊन नेऊ आय।

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

1 कुरिन्थियो 10:11

मान्तर ऐ सपाय गोठमन, जोन हुनमन उपरे पढ़ली, कहनी चो रीति थाने रली; आउर हुनमन आमचो चेता तो काजे जोन जगत चो आखरी समया ने रऊ आत लिका गेली से।

गलातियो 4:1

मय ऐ बलें सें कि हकदार जिदलदाय ले लेका आसे, अगर सपाय तीजमन चो मालिक आय, तेबले बले हुनचो ने आउर दास ने काई भेद निआय।

इफिसीयो 1:10

कि समयामन चो पुरा होतोर असन जुगाड़ होओ कि जोन काई सरग ने आसे आउर जोन काई धरतनी थाने आसे, सपाय काई हुन मसीह ने रूंडा करो।

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 1:2

ऐ आखरी दिनमन ने आमचो ले बेटा चो दुवारा गोठयालो, जेके हुन पुईतराय तीजमन चो हकदार ठेबालो आउर हुनचेई दुवारा हुन सपाय ब्रमांड के बनालो।

इब्रानियो 10:10

हुनी इच्छा ले आमी ईशु मसीह चो देंह चो गोटक ची हार-बलिदान चेगाया गेलोर दुवारा पवितर कराया गेलु से।

इब्रानियो 10:12

मान्तर ऐ माने तो पापमन चो पलटा गोटक ची बलिदान हरमेशा चो काजे चेगाऊन भाती माहापुरू चो उजा जाऊन बसलो,

इब्रानियो 10:26

कसनबल्लोने सत चो पयचान परापत करलो पाचे अगर आमी जानुन बुजुन भाती पाप करते रवां, तेबे पापमन चो काजे फेर कोनी बलिदान बाकी निआय।

इब्रानियो 10:4

कसनबल्लोने ऐ नी होतो बिती आय कि बयलामन आउर बोकड़ामन चो लऊ पापमन के लापी करो।

इब्रानियो 4:3

मान्तर आमी जोनमन बिश्वास करलु से, हुन विश्राम ने ओलुं से; जसन हुन बल्लो, “मय आपलो रीस ने किरिया खादले कि हुनमन मोचो विश्राम ने ओलुक नी सकदे।” अगर जगत चो उपजास चो समया ले हुनचो काम पुरा होऊन रये।

इब्रानियो 7:27

हुन माहायाजक मन चो असन हुनके जरूरी नुआय कि रोजे दिना पयले आपलो पापमन आउर फेर लोगमन चो पापमन चो काजे बलिदान चेगा ओ; कसनबल्लोने हुन आपन खुद के बलिदान चेगाऊन भाती हुनके गोटक ची हार ने पुरा करून दिलो।

इब्रानियो 9:12

आउर बोकड़ामन आउर बाचामन चो लऊ चो दुवारा नुआय मान्तर आपलो ची लऊ चो दुवारा, गोटक ची हार पवितर जगा ने ओललो आउर अमर छुटकारा परापत करलो।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।

1यूहन्ना 3:5

तुमी जानेसास कि हुन ऐईकाजे परकट होली कि पापमन के हरून जाओ; आउर हुनचो आदत ने पाप निआय।

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।

प्रकाशितवाक्य 17:8

जोन पशु तुय दकली सीस हुन पयले तो रये मान्तर अदायं निआय, आउर अन्दकुप खोदरा ले निकरून भाती बिनाश ने पढ़े दे; आउर धरतनी चो रतो बितामन जेचो नाव जगत चो उपजास चो समया ले जीवन चो किताब ने लिका नी गेली, ऐ पशु चो ऐ दसा दकुन भाती कि पयले रये आउर अदायं निआय आउर फेर ऐये दे, घबरादे।