इब्रानियो 9:14 - Halbi

¹⁴ तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

परमेस्वर को सच्चो वचन ख जाननू

¹⁴ ते मसी को खून जे न अपनो तुम ख अनन्त आत्मा को दुवारा परमेस्वर को सामने बेकसूर चढ़ायो, तुमारो विवेक को मरो हुओ कामो से काहे नी सुध्द करेगों ताकि तुम जिन्दा परमेस्वर की सेवा करो।

इब्रानियो 9:14 ပူးပေါင်းရင်းမြစ်များ

मत्ती 12:28

मान्तर अगर मय माहापुरू चो आत्मा चो सायता ले दुष्टआत्मामन के निकराऊ आंय, तेबे माहापुरू चो राज तुमचो लगे ऐऊन अमरली से।

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

मत्ती 7:11

आउर जिदलदाय तुमी खराप होऊन भाती, आपलो पिलामन के अच्छा तीजमन देऊक जानास, तेबे तुमचो सरग चो बुआ आपलो मांगतो बितामन के अच्छा तीजमन केंव नी देये?

लूका 1:74

कि हुन आमके ऐ देयें दें कि आमी आपलो शतरूमन चो हाथ ले छंडाय होऊन,

लूका 12:24

कांवरामन चो उपरे धिआन दिआस; हुनमन ना तो बुनु आत, ना काटु आत; ना हुनमन चो भण्डार आउर ना बेड़ा होऊ आय; तेबले बले माहापुरू हुनमन के पालु आय। तुमचो कीमत चड़ीईमन ले खुबे जादा आय!

लूका 12:28

ऐईकाजे अगर माहापुरू भाटा चो लाटा के, जोन आजी आसे आउर काली के भट्टी ने जलाया जायेदे, असन पिन्दाऊ आय; तेबे हे अल्पबिश्वासीमन, हुन तुमके केंव नी पिंदाये?

लूका 4:18

“परबु चो आत्मा मोचो उपरे आसे, ऐईकाजे कि हुन कंगालमन के नगतखबर सुनातो काजे मोचो अभिषेक करलो से, आउर मोके ऐईकाजे पठालो से कि बन्दीमन के छुटकारा चो आउर कानामन के नजर पावतोर नगतखबर परचार करेंदे आउर चेपाय होलो लोग के छंडायेंदे,

यूहन्ना 3:34

कसनबल्लोने जोन के माहापुरू पठालो से, हुन माहापुरू चो गोठमन बोलु आय; कसनबल्लोने हुन आत्मा नापुन-नापुन भाती नी देये।

प्रेरितो 1:2

हुन दिन ले जिदलदाय हुन-हुन पठालोबितामन चो जोनमन के हुन चुनुन रलो, पवितर आत्मा चो बाटले हुकुम देऊन भाती उपरे उठाया नी गेलो।

प्रेरितो 10:38

माहापुरू कोन रीति ले ईशु नासरी के पवितर आत्मा आउर सामरत ले अभिषेक करलो; हुन भलाई करते आउर सपाय के जोन शयतान चो कन्दरालोर रवत, अच्छा करते फिरलो, कसनबल्लोने माहापुरू हुनचो संगे रलो।

प्रेरितो 14:15

हे लोगमन, तुमी काय करसास? आमी बले तो तुमचो असन दुक सुक भोगी माने आंव, आउर तुमके नगतखबर सुनाऊ से कि तुमी ऐ फकाहा तीज ले अलग होऊन भाती जीवता माहापुरू चो बाटे फिरा, जोन सरग आउर धरतनी आउर समुन्द आउर जोन काई हुन थाने आसे बनालो।

प्रेरितो 15:9

आउर बिश्वास चो लागुन हुनमन चो मन शुद्ध करून आमचो ने आउर हुनमन ने काई भेद नी संगालो।

रोमियो 1:20

हुनचो नी दकलो गुन, बल्लोने हुनचो जुग-जुग चो सामरत आउर माहापुरू रूप, जगत चो रचना चो समया ले हुनचो काममन चो बाटले दकुक लाय ऐऊ आय, ऐथा ले कि हुनमन बेजबाप आसोत।

रोमियो 1:4

आउर पवितरता चो आत्मा चो बाटले मरलो बितामन थानले जीव उठतोर कारन सामरत चो संगे माहापुरू चो बेटा ठेबलो से।

रोमियो 11:12

ऐईकाजे अगर हुनमन चो घसरतोर जगत चो काजे धन आउर हुनमन चो घटती दुसर जातिमन चो काजे सम्पत्ति चो कारन होली, तेबे हुनमन चो भरपूरी ले काय काई नी होये।

रोमियो 11:24

कसनबल्लोने अगर तुय हुन जैतून ले, जोन स्वभाव ले रान आय, गोंदाय गेली आउर स्वभाव चो बिरूद अच्छा जैतून ने साटाय गेली, तेबे ऐ जोन स्वभाविक खेंदामन आत, आपलो ची जैतून ने केंव नी साटाय जादे।

रोमियो 6:13

आउर ना आपलो अंगमन के अधरम चो हत्यार होतो काजे पाप के सोपा, मान्तर आपन खुद के मरलो बितामन थानले जीव उठलोर जानुन भाती माहापुरू के सोपा, आउर आपलो अंगमन के धरम चो हत्यार होतो काजे माहापुरू के सोपा।

रोमियो 6:22

मान्तर अदायं पाप ले छुटछाड़ाय होऊन भाती आउर माहापुरू चो दास बनुन भाती तुमके फल मिरली जेचो ले पवितरता परापत होऊ आय, आउर हुनमन चो आखरी अमर जीवना आय।

1 कुरिन्थियो 15:45

असने ची लिकलोर बले आसे, कि “पईल माने, बल्लोने आदम जिन्दा प्राणी बनलो” आउर आखरी आदम जीवना देतो बिती आत्मा बनली।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

2 कुरिन्थियो 6:16

आउर मुरतीमन चो संगे माहापुरू चो मंदिर ले काय सम्बंध? कसनबल्लोने आमी तो जीवता माहापुरू चो मंदिर आंव; जसन माहापुरू बल्लो से, “मय हुनमन थाने बसेंदें आउर हुनमन थाने चला फिरा करेंदे; आउर मय हुनमन चो माहापुरू होयेंदें, आउर हुनमन मोचो लोग होदे।”

गलातियो 2:19

मय तो नियम चो बाटले नियम चो काजे मरून गेले कि माहापुरू चो काजे जीयें।

इफिसीयो 2:5

जिदलदाय आमी अपराधमन चो लागुन मरून रलु तेबे आमके मसीह चो संगे जिआ लो (अनुग्रह ची ले तुमचो मुक्ति होली से),

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

1 थिस्सलुनीकियो 1:9

कसनबल्लोने हुनमन खुद ची आमचो बारे ने सांगु आत कि तुमचो लगे आमचो ऐतोर कसन होली; आउर तुमी कसन मुरतीमन ले माहापुरू चो बाटे फिरलास बल्ले जीवता आउर सत माहापुरू चो सेवा करा,

1तीमुथियुस 1:17

अदायं जुग-जुग चो राजा बल्लोने अमर, नी दकलो, गोटक मात्र माहापुरू चो ईजीत आउर महिमा जुग-जुग होते रओ। आमीन।

1तीमुथियुस 3:15

कि अगर मोचो ऐतोर ने बेर होओ, तो तुय जान कि माहापुरू चो घर ने जोन जीवता माहापुरू चो कलीसिया आय आउर जोन सत चो खुटा आउर पाया आय, कसन बरताव करतोर जरूरी आय।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 10:10

हुनी इच्छा ले आमी ईशु मसीह चो देंह चो गोटक ची हार-बलिदान चेगाया गेलोर दुवारा पवितर कराया गेलु से।

इब्रानियो 10:12

मान्तर ऐ माने तो पापमन चो पलटा गोटक ची बलिदान हरमेशा चो काजे चेगाऊन भाती माहापुरू चो उजा जाऊन बसलो,

इब्रानियो 10:2

नाहले हुनमन चो चढ़ावा बन्द केंव नी होऊन जाति? ऐईकाजे जिदलदाय सेवा करतो बितामन गोटक ची हार शुद्ध होऊन जाता, तेबे फेर हुनमन चो बिबक हुनमन के पापी नी ठेबाती।

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

इब्रानियो 11:21

बिश्वास ची ले याकूब मरतो बेरा यूसुफ चो दुनो बेटामन थानले गोटक-गोटक के आशीष दिलो, आउर आपलो बड़गी चो मुंडी थाने साहारा धरून भाती पाँय पड़लो।

इब्रानियो 13:12

ऐई लागुन, ईशु बले लोगमन के आपलो ची लऊ चो दुवारा पवितर करतो काजे कपाट चो बहारे दुख उठालो।

इब्रानियो 3:12

हे भाईमन, चेत करून रहा कि तुमनमन ने असन खराप आउर अबिश्वासीमन नी होओत, जोन तुमी के जीवता माहापुरू ले लापी गुचाऊन नेओत।

इब्रानियो 6:1

ऐईकाजे ईआ मसीह चो सिक्या चो मुर चो गोठमन के छांडुन भाती आमी सिद्धता चो बाटे पुरे बड़ते जाऊ, आउर मरलो बिती काममन ले मन फिरातो, आउर माहापुरू उपरे बिश्वास करतोर,

इब्रानियो 7:16

जोन शारीरिक हुकुम चो नियम चो अनुसार नुआय, मान्तर अमर जीवना चो सामरत चो अनुसार नियुक्त होलोर रओ।

इब्रानियो 7:27

हुन माहायाजक मन चो असन हुनके जरूरी नुआय कि रोजे दिना पयले आपलो पापमन आउर फेर लोगमन चो पापमन चो काजे बलिदान चेगा ओ; कसनबल्लोने हुन आपन खुद के बलिदान चेगाऊन भाती हुनके गोटक ची हार ने पुरा करून दिलो।

इब्रानियो 9:12

आउर बोकड़ामन आउर बाचामन चो लऊ चो दुवारा नुआय मान्तर आपलो ची लऊ चो दुवारा, गोटक ची हार पवितर जगा ने ओललो आउर अमर छुटकारा परापत करलो।

इब्रानियो 9:26

नाहले जगत चो उपजास ले धरून भाती हुनके घन-घन दुक उठाऊक पढ़ती; मान्तर ऐबे जुग चो आखरी ने हुन गोटक ची हार परकट होलो से, बल्ले आपलो ची बलिदान चो दुवारा पाप के लापी करून देओ।

इब्रानियो 9:7

मान्तर दुसर ने मात्र माहायाजक बरक भर ने गोटक ची हार जाऊ आय, आउर बिना लऊ धरलोर नी जाये; जेके हुन आपलो काजे आउर लोगमन चो भुलक-भटक चो काजे चेगाऊ आय।

इब्रानियो 9:9

ऐ तम्बू ऐबे चो समया चो काजे गोटक कहनी आय; जोन थाने असन भेट आउर बलिदान चेगाया जाऊ आय, जोन आराधना करतो बितामन चो बिबक सिद्ध नी होऊक सके।

1 पतरस 1:19

मान्तर बेकसूर आउर निसकलंक मेमना, बल्लोने मसीह चो बड़े मोल लऊ चो दुवारा होली।

1 पतरस 2:22

ना तो हुन पाप करलो आउर ना हुनचो मुंह ले छंद चो कोनी गोठ निकरली।

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

1 पतरस 4:2

बल्ले अगम ने आपलो देंह चो जीवना मानेमन चो मनमानीमन चो अनुसार नाई मान्तर माहापुरू चो इच्छा चो अनुसार गुजारा।

1यूहन्ना 1:7

मान्तर अगर जसन हुन उजर ने आसे, असने ची आमी बले उजर ने चलुन्दे, तेबे गोटक दुसर ले सामिलता संगाऊ आव, आउर हुनचो बेटा ईशु चो लऊ आमके सपाय पापमन ले शुद्ध करू आय।

1यूहन्ना 3:5

तुमी जानेसास कि हुन ऐईकाजे परकट होली कि पापमन के हरून जाओ; आउर हुनचो आदत ने पाप निआय।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,