इब्रानियो 9:11 - Halbi

¹¹ मान्तर जिदलदाय मसीह ऐतो बिती अच्छा-अच्छा तीजमन माहायाजक होऊन भाती ईलो, तेबे हुन आउर बले बड़े आउर सिद्ध तम्बू ले होऊन भाती, जोन हाथ चो बनालोर बिती नुआय बल्लोने ऐ ब्रमांड चो नुआय,

परमेस्वर को सच्चो वचन ख जाननू

¹¹ पर अब मसी आँवन वालो भली चीज को बडो याजक हो ख आय गयो हैं ते ओ न उ ढ़ेर सारो अर बडा अर पुरो सिध्द तम्बू म से होय ख भीतर आयो, जे अदमी ख हात हुन से बनाई हुई नी हतो अर इस दुनिया को नी आय,

इब्रानियो 9:11 ပူးပေါင်းရင်းမြစ်များ

मत्ती 11:3

“काय ऐतो बिता तुय ची आस, नाहले आमी कोनी दुसर चो बाट दकु आंव?”

मत्ती 2:6

“हे बैतलहम, यहूदा नंगर चो लोग, तुय कोनी बले रीति ले यहूदा परदेश चो अधिकारीमन ने सपाय ले नानी नुआस; कसनबल्लोने तुचो थानले गोटक अधिपति निकरेदे, जोन मोचो परजा इस्राएल चो चरेया बनेदे।”

मरकुस 14:58

“आमी ऐके ऐ बलते सुनलु से, ‘मय ऐ हाथ चो बनालोर मंदिर के घसराऊन देयेंदे, आउर तीन दिन ने दुसर बनायेंदें, जोन हाथ ले नी बनली से।’”

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 4:25

बायले लेकी हुनचो ले बल्ली, “मय जाने से कि मसीह जोन ख्रिस्त बलाया जाऊ आय, ऐतो बिता आय; जिदलदाय हुन ऐये दे, तेबे आमके सपाय गोठमन सांगुन देये दे।”

प्रेरितो 7:48

मान्तर परमपरधान हाथ चो बनालोर घरमन ने नी रये, जसन कि अगम गिआनी बल्लो,

2 कुरिन्थियो 4:18

आउर आमी तो दकलो बिती तीजमन के नाई मान्तर नी दकलो बिती तीजमन के दकते रऊ आंव; कसनबल्लोने दकलो बिती तीजमन खिन्डिक ची दिन चो आय, मान्तर नी दकलो बिती तीजमन हरमेशा बनुन रऊ आय।

2 कुरिन्थियो 5:1

कसनबल्लोने आमी जानु से कि जिदलदाय आमचो धरतनी थाने डेरा असन घर घसराया जाय दे, तेबे आमके माहापुरू चो बाटले सरग थाने गोटक असन भवन मिरे दे जोन हाथमन ले बनलो बिती घर नुआय, मान्तर नी घसरतो बिती आय।

कुलुस्सियो 2:11

हुनी थाने तुमचो असन खतना होली जोन हाथ ले नी होये, बल्लोने मसीह चो खतना जेचो ले शारीरिक देंह उतराऊन दियाय जाऊ आय,

इब्रानियो 10:1

कसनबल्लोने नियम, जोन थाने ऐतो बिती अच्छा तीजमन चो परतिबिम्ब आय मान्तर हुनमन चो असली रूप-रंग नुआय, ऐईकाजे हुन गोटक ची परकार चो बलिदानमन चो बाटले जोन हर बरक अचूक चेगाया जाऊ आय, लगे ऐतो बितामन के केबीई सिद्ध नी करूक सके।

इब्रानियो 12:27

आउर ऐ पद “गोटक हार फेर” ऐ गोठ के परकट करू आय कि जोन तीजमन हलाया जाऊ आय, हुनमन बनालो बिती तीजमन होतोर लागुन गुचुन जाये दे; बल्ले जोन तीजमन हलाया नी जाये, हुनमन अटल बनुन रओ।

इब्रानियो 13:14

कसनबल्लोने ऐथा आमचो कोनी थीर नंगर निआय, मान्तर आमी गोटक ऐतो बिती नंगर चो खोज ने आंसु।

इब्रानियो 2:17

ऐई कारन हुनके जरूरत रली, कि सपाय गोठमन ने आपलो भाईमन चो असन बनो; जेचो ले हुन-हुन गोठमन ने जोन माहापुरू ले सम्बंध संगाऊ आय, गोटक दयालु आउर बिश्वास लायक माहायाजक बनो बल्ले लोगमन चो पापमन चो काजे पश्ताओ।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

इब्रानियो 4:15

कसनबल्लोने आमचो असन माहायाजक नुआय जोन आमचो कमजोरीमन ने आमचो संगे दुकी नी होऊक सको; मान्तर हुन सपाय गोठमन ने आमचो असन परका तो गेलो, तेबे बले पाप नी निकरली।

इब्रानियो 7:1

ऐ मलिकिसिदक शालेम चो राजा, आउर परमपरधान माहापुरू चो याजक, हरमेशा याजक बनुन रऊ आय। जिदलदाय अब्राहाम राजामन के मारून भाती फिरून जाते रये, तेबे ऐई हुनके भेट करून हुनके आशीष दिलो।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

2 यूहन्ना 1:7

कसनबल्लोने खुबे असन भरमातो बिता जगत ने निकरून ईला सोत, जोन ऐ नी मानोत कि ईशु मसीह देंह ने होऊन भाती ईलो, भरमातो बिता आउर मसीह चो बिरोधी ऐई आय।