इब्रानियो 7:28 - Halbi

²⁸ कसनबल्लोने नियम तो कमजोर मानेमन के माहायाजक नियुक्त करू आय, मान्तर हुन किरिया चो बचन, जोन नियम चो पाचे खाया गेली, हुन बेटा के नियुक्त करू आय जोन जुग-जुग चो काजे सिद्ध कराय गेलो से।

परमेस्वर को सच्चो वचन ख जाननू

²⁸ काहे कि नेम ते निर्बल अदमी हुन ख बडो पुजारी नियुक्त करह हैं, पर उ कसम को वचन, जे नेम को बाद खई गई, उ पोरिया ख नियुक्त करह हैं जे सदा को लाने सिध्द करयो गयो हैं।

इब्रानियो 7:28 ပူးပေါင်းရင်းမြစ်များ

लूका 13:32

हुन हुनमन ले बल्लो, “जाऊन भाती हुन लोकड़ली के बोलुन दिआस कि दक, मय आजी आउर काली दुष्टआत्मामन के निकरा ते आउर बेमारमन के चेंगा करें से, आउर तीसर दिन आपलो काम पुरा करें दें।

यूहन्ना 19:30

जिदलदाय ईशु हुन सिरका धरलो, तेबे बल्लो, “पुरा होली”; आउर मुण्ड लुआऊन भाती जीव छांडलो।

इब्रानियो 1:2

ऐ आखरी दिनमन ने आमचो ले बेटा चो दुवारा गोठयालो, जेके हुन पुईतराय तीजमन चो हकदार ठेबालो आउर हुनचेई दुवारा हुन सपाय ब्रमांड के बनालो।

इब्रानियो 2:10

कसनबल्लोने जेचो काजे सपाय काई आसे आउर जेचो दुवारा सपाय काई आसे, हुनके ऐई अच्छा लागली कि जिदलदाय हुन खुबे असन बेटामन के महिमा ने अमराओ, तेबे हुनमन चो मुक्ति चो करता के दुक उठातोर लागुन सिद्ध करो।

इब्रानियो 2:17

ऐई कारन हुनके जरूरत रली, कि सपाय गोठमन ने आपलो भाईमन चो असन बनो; जेचो ले हुन-हुन गोठमन ने जोन माहापुरू ले सम्बंध संगाऊ आय, गोटक दयालु आउर बिश्वास लायक माहायाजक बनो बल्ले लोगमन चो पापमन चो काजे पश्ताओ।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

इब्रानियो 4:14

ऐईकाजे जसन आमचो असन बड़े माहायाजक आसे, जोन सरगमन ले होऊन भाती गेलोसे, बल्लोने माहापुरू चो बेटा ईशु, तो ईआ, आमी आपलो अंगीकार के मजबूत ले थामुन रऊं।

इब्रानियो 5:5

असने ची मसीह बले माहायाजक बनतोर बड़ाई आपन खुद ले नी धरलो, मान्तर हुनके हुनी दिलो, जोन हुनके बोलु रलो, “तुय मोचो बेटा आस, आजी मय तुके जनमा ले से।”

इब्रानियो 7:21

कसनबल्लोने हुनमन तो बिन किरिया याजक ठेबाया गेला मान्तर ऐ किरिया चो संगे हुनचो बाटले नियुक्त करा गेलो जोन हुनचो बारे ने बल्लो, “परबु किरिया खादलो, आउर हुन हुनचो ले फेर नी पश्ताय दे कि तुय जुग-जुग याजक आस।”

इब्रानियो 7:24

मान्तर ऐ जुग-जुग रऊ आय, ऐई कारन हुनचो याजक पन अटल आसे।

इब्रानियो 7:3

जेचो ना बुआ, ना आया, ना बंसावली आसे, जेचो दिनमन चो ना मुर आसे आउर ना जीवना चो आखरी आसे; मान्तर माहापुरू चो बेटा चो रूपरंग ठेबुन भाती हुन सदा चो काजे याजक बनुन रऊ आय।