इब्रानियो 7:26 - Halbi

²⁶ आउर असने ची माहायाजक आमचो लायक रलो जोन पवितर, आउर निष्कपट, आउर निंगल, आउर पापीमन ले अलग, आउर सरग ले बल्ले ऊँचा करलो बिती होओ।

परमेस्वर को सच्चो वचन ख जाननू

²⁶ अत: असो ही बडो पुजारी हमारो लायक थो जे सुध्द, अर निस्कपट, अर निर्मल, अर पापी हुन से अलग, अर स्वर्ग से भी ऊँचो कियो हुयो हो।

इब्रानियो 7:26 ပူးပေါင်းရင်းမြစ်များ

मत्ती 27:18

कसनबल्लोने हुन जानते रलो कि हुनमन हुनके कपट ले धराला से।

मरकुस 16:19

परबु ईशु हुनमन ले गोठमन गोठयालो पाचे सरग उपरे उठाय गेलो, आउर माहापुरू चो उजा हाथ घाई बसलो।

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

लूका 23:22

हुन तीसर हार हुनमन ले बल्लो, “केंव, हुन असन काय गलती करलो से? मय हुनचो थाने मरना चो डण्ड लायक कोनी गोठ नी पावले। ऐईकाजे मय हुनके पेटाऊन भाती छांडुन देयें सें।”

लूका 23:41

आउर आमी तो नियाय अनुसार डण्ड पाऊ से, कसनबल्लोने आमी आपलो काममन चो ठीक फल पाऊ से; मान्तर ऐ कोनी गलत काम नी करलो।”

लूका 23:47

सुबेदार जोन काई होऊ रये दकुन भाती माहापुरू चो बड़ाई करलो, आउर बल्लो, “बिलकुल ऐ माने धरमी रलो।”

लूका 24:26

काय जरूरी नी रली कि मसीह ऐ दुख उठाऊन भाती आपलो महिमा ने परवेश करो?”

लूका 24:46

आउर हुनमन ले बल्लो, “असन लिकलोर आसे कि मसीह दुक उठाये दे, आउर तीसर दिने मरलो थानले जीव उठेदे,

यूहन्ना 14:30

मय अदायं तुमचो संगे आउर खुबे गोठमन नी करें दें, कसनबल्लोने ऐ संवसार चो सरदार ऐये से। मोचो उपरे हुनचो काई निआय;

यूहन्ना 8:29

मोचो पटाऊ बिता मोचो संगे आसे; हुन मोके ऐकला नी छांडलो कसनबल्लोने मय सबुदाय हुनी कामकरू आंय जेचो ले हुन हरिक होऊ आय।”

प्रेरितो 3:14

तुमीमन हुन पवितर आउर धरमी चो इन्कार करलास, आउर बिनती करलास कि गोटक हत्या करू के तुमचो काजे छांडुन दिया जाओ;

प्रेरितो 4:27

कसनबल्लोने सत-सत तुचो सेवक ईशु चो बिरूद ने, जेचो तुय अभिषेक करलीस, हेरोदेस आउर पुन्तियुस पिलातुस बले दुसर जातिमन आउर इस्राएलीमन चो संगे ऐ नंगर ने रूंड़ा होला,

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 2:10

कसनबल्लोने जेचो काजे सपाय काई आसे आउर जेचो दुवारा सपाय काई आसे, हुनके ऐई अच्छा लागली कि जिदलदाय हुन खुबे असन बेटामन के महिमा ने अमराओ, तेबे हुनमन चो मुक्ति चो करता के दुक उठातोर लागुन सिद्ध करो।

इब्रानियो 2:17

ऐई कारन हुनके जरूरत रली, कि सपाय गोठमन ने आपलो भाईमन चो असन बनो; जेचो ले हुन-हुन गोठमन ने जोन माहापुरू ले सम्बंध संगाऊ आय, गोटक दयालु आउर बिश्वास लायक माहायाजक बनो बल्ले लोगमन चो पापमन चो काजे पश्ताओ।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

इब्रानियो 7:11

अगर लेवी याजक पन चो दुवारा सिद मिरूक सके (जेचो साहारा ले लोगमन के नियम मिरू रली) तेबे फेर काय जरूरत रये कि दुसर याजक मलिकिसिदक चो रीति थाने उबा होओ, आउर हारून चो रीति चो नी बलाय होओ?

इब्रानियो 8:1

अदायं जोन गोठमन आमी बोलु से हुनमन थानले सपाय ले बड़े गोठ ऐ आय कि आमचो असन माहायाजक आसे, जोन सरग थाने माहापुरू चो सिंघासन चो उजा जाऊन बसलो से,

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

1 पतरस 1:19

मान्तर बेकसूर आउर निसकलंक मेमना, बल्लोने मसीह चो बड़े मोल लऊ चो दुवारा होली।

1 पतरस 2:22

ना तो हुन पाप करलो आउर ना हुनचो मुंह ले छंद चो कोनी गोठ निकरली।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।

1यूहन्ना 2:2

आउर हुनी आमचो पापमन चो पशतावा आय, आउर मात्र आमचो ची नाई मान्तर पुईतराय जगत चो पापमन चो बले।

1यूहन्ना 3:5

तुमी जानेसास कि हुन ऐईकाजे परकट होली कि पापमन के हरून जाओ; आउर हुनचो आदत ने पाप निआय।

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”