इब्रानियो 7:19 - Halbi

¹⁹ (ऐईकाजे कि नियम कोनी गोठ चो सिद्ध नी करला), आउर हुनचो जगा थाने गोटक असन बड़ीया आशा संगाया गेली से जेचो दुवारा आमी माहापुरू चो लगे जाऊक सकु।

परमेस्वर को सच्चो वचन ख जाननू

¹⁹ काहेकि मूसा को नेम कोई ख सम्मान सिध्द नी कियो हमे ऐसे महान आसा दियो हैं। अऊर ऐको माध्यम से परमेस्वर को जोने पहुँचियो हैं।

इब्रानियो 7:19 ပူးပေါင်းရင်းမြစ်များ

यूहन्ना 1:17

ऐईकाजे नियम तो मूसा चो बाटले दिया गेली, मान्तर अनुग्रह आउर सत ईशु मसीह चो बाटले पोंचली।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

प्रेरितो 13:39

आउर जोन गोठमन ने तुमी मूसा चो नियम चो बाटले बेकसूर नी ठेबुक सकते रलास, हुनी सपाय ने हरकोनी बिश्वास करतो बिता हुनचो लगुन बेकसूर ठेबु आत।

रोमियो 5:2

जेचो कारन बिश्वास चो लागुन हुन अनुग्रह ले जोन थाने आमी बनलु से, आमचो पहुँच बले होली, आउर माहापुरू चो महिमा चो आशा थाने घमण्ड करू।

रोमियो 7:7

तेबे आमी काय बलवां? काय नियम पाप आय? केबीई नाई! मान्तर बिना नियम चो मय पाप के नी चितायें नियम अगर नी बोलती, कि लालच नी कर तेबे मय लालच के नी जानते।

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

गलातियो 2:16

तेबले बले ऐ जानुन भाती कि माने नियम चो काममन ले नाई, मान्तर मात्र ईशु मसीह चो उपरे बिश्वास करतोर लागुन धरमी ठेबु आय, आमी खुद बले मसीह ईशु उपरे बिश्वास करलु कि आमी नियम चो काममन ले नाई, मान्तर मसीह उपरे बिश्वास करतोर ले धरमी ठेबलु; ऐईकाजे कि नियम चो काममन ले कोनी जीव धरमी नी ठेबे दे।

गलातियो 3:21

तेबे काय नियम माहापुरू चो बायदामन चो बिरूद ने आसे? केबीई नाई! कसनबल्लोने अगर असन नियम दिया जाति जोन जीव देऊक सकती, तेबे सत-सत धारमिकता नियम ले होती।

गलातियो 3:24

ऐईकाजे नियम मसीह लगले पहुँचातो काजे आमचो गुरजी होलो से कि आमी बिश्वास ले धरमी ठेबु।

इफिसीयो 3:12

जोन थाने आमके हुनचो उपरे बिश्वास करलो ले साहास आउर भरसा चो संगे माहापुरू चो लगे ऐतोर अधिकार आसे।

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

1तीमुथियुस 1:1

पौलुस चो बाटले जोन आमचो मुक्तिकरू माहापुरू आउर आमचो आशा चो आधार मसीह ईशु चो हुकुम ले मसीह ईशु चो पठालोबिता आय,

इब्रानियो 10:1

कसनबल्लोने नियम, जोन थाने ऐतो बिती अच्छा तीजमन चो परतिबिम्ब आय मान्तर हुनमन चो असली रूप-रंग नुआय, ऐईकाजे हुन गोटक ची परकार चो बलिदानमन चो बाटले जोन हर बरक अचूक चेगाया जाऊ आय, लगे ऐतो बितामन के केबीई सिद्ध नी करूक सके।

इब्रानियो 11:40

कसनबल्लोने माहापुरू आमचो काजे पयले ले गोटक बड़ीया गोठ ठेबालो, कि हुनमन आमचो बिना सिद्धता के नी पहुँचोत।

इब्रानियो 11:6

आउर बिश्वास बिना हुनके हरिक करतोर नी होऊक सके; कसनबल्लोने माहापुरू चो लगे ऐतो बितामन के बिश्वास करतोर आय कि हुन आसे, आउर आपलो डगरातो बितामन के करलो फल देऊ आय।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

इब्रानियो 4:16

ऐईकाजे ईआ, आमी अनुग्रह चो सिंघासन चो लगे हिम्मत बान्दुन भाती चलुं कि आमचो उपरे दया होओ, आउर हुन अनुग्रह पाऊं जोन जरूरत चो समया आमचो सहायता करो।

इब्रानियो 6:18

बल्ले दुय नी बदल तो गोठमन चो लागुन, जेचो बारे ने माहापुरू चो फंदी ठेबतोर नी होऊक सके, मजबूती ले आमचो हिम्मत बन्दुन जाओ, जोन सरन धरतो काजे ऐईकाजे पराला से कि हुन आशा के जोन पुरे संगालोर आसे पाओत।

इब्रानियो 7:11

अगर लेवी याजक पन चो दुवारा सिद मिरूक सके (जेचो साहारा ले लोगमन के नियम मिरू रली) तेबे फेर काय जरूरत रये कि दुसर याजक मलिकिसिदक चो रीति थाने उबा होओ, आउर हारून चो रीति चो नी बलाय होओ?

इब्रानियो 7:20

मसीह चो नियुक्ति बिन किरिया नी होली,

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

इब्रानियो 8:6

मान्तर हुन याजकमन ले बडुन भाती सेवा ईशु मसीह के मिरली कसनबल्लोने हुन आउर बले बड़ीया बायदा चो मंजी चो ठेबलो, जोन आउर बड़ीया बायदामन चो साहारा बान्दा गेली से।

इब्रानियो 9:9

ऐ तम्बू ऐबे चो समया चो काजे गोटक कहनी आय; जोन थाने असन भेट आउर बलिदान चेगाया जाऊ आय, जोन आराधना करतो बितामन चो बिबक सिद्ध नी होऊक सके।

याकूब 4:8

माहापुरू चो लगे ईआ तेबे हुन बले तुमचो लगे ऐयेदे। हे पापीमन, आपलो हाथ शुद्ध करा; आउर हे दुयमन लोगमन, आपलो मन के पवितर करा।