18 ऐ परकार, पयला हुकुम कमजोर आउर निसफल होतोर लागुन मेटुन गेली
18 पहलो आग्या एकोलाने समाप्त कियो गयो काहेकि वाहा बेकार हतो।
आउर जोन गोठमन ने तुमी मूसा चो नियम चो बाटले बेकसूर नी ठेबुक सकते रलास, हुनी सपाय ने हरकोनी बिश्वास करतो बिता हुनचो लगुन बेकसूर ठेबु आत।
तेबे काय आमी नियम के बिश्वास चो बाटले फकाहा ठेबाऊ से? केबीई नाई! मान्तर नियम के थीर करूं से।
कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।
हे भाईमन, मय माने चो रीति थाने बलें सें; माने चो बायदा बले जोन पक्का होऊन जाऊ आय, तेबे ना कोनी हुनके नी टालु आय आउर ना हुन थाने काई बड़ाऊ आय।
मान्तर मय ऐ बलें सें जोन बायदा माहापुरू पयले ले पक्का करू रलो, हुनके नियम चार सव तीस बरक चो पाचे ऐऊन भाती नी टालुक सके कि बायदा फकाहा ठेबो।
तेबे काय नियम माहापुरू चो बायदामन चो बिरूद ने आसे? केबीई नाई! कसनबल्लोने अगर असन नियम दिया जाति जोन जीव देऊक सकती, तेबे सत-सत धारमिकता नियम ले होती।
तुमी जोन नियम चो अधीन होऊक चाहायसास, मोके सांगा, काय तुमी नियम चो नी सुनास?
मान्तर अदायं जोन तुमीमन माहापुरू के चितालास मान्तर माहापुरू तुमके चितालो, तेबे हुन कमजोर आउर ठग मुर सिक्या चो गोठमन चो बाटे केंव फिरेसास, जेचो तुमी दुबारा दास होऊक चाहायसास?
कसनबल्लोने देंह चो साधना ले कम लाब होऊ आय, मान्तर भक्ति सपाय गोठमन चो काजे लाब दायक आय, कसनबल्लोने ऐ समया चो आउर ऐतो बिती जीवना चो बले बायदा ऐचीई काजे आय।
नाना परकार चो भयंकर उपदेशमन ले नी भरमाया जाआ, कसनबल्लोने मन चो अनुग्रह ले जमखम रतोर अच्छा आय, ना कि हुन खातोर तीजमन ले जेचो ले काम संगातो बितामन के काई लाब नी होली।
(ऐईकाजे कि नियम कोनी गोठ चो सिद्ध नी करला), आउर हुनचो जगा थाने गोटक असन बड़ीया आशा संगाया गेली से जेचो दुवारा आमी माहापुरू चो लगे जाऊक सकु।