इब्रानियो 6:2 - Halbi

² आउर डूबनमन आउर हाथ संगातोर, आउर मरलो बितामन चो जीव उठतोर, आउर आखरी नियाय चो सिक्या रूपी पाया फेर ले नी डालु।

परमेस्वर को सच्चो वचन ख जाननू

² अर बपतिस्मा को अर हात रखन की विधि, अर मरिया वाला हुन को जिन्दो होनू, अर आखरी न्याव कि ग्यान रुपी नीव फिर से नी डाले।

इब्रानियो 6:2 ပူးပေါင်းရင်းမြစ်များ

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मत्ती 3:14

मान्तर यूहन्ना ऐ बोलुन भाती ईशु के ठेबाऊक मुरयालो, “मोके तो तुचो हाथ ले डूबन धरतोर जरूरत आसे, आउर तुय मोचो लगे ईली सीस?”

मरकुस 16:16

जोन बिश्वास करे दे आउर डूबन धरे दे हुनचेई मुक्ति होये दे, मान्तर जोन बिश्वास नी करे दे हुन दोषी ठेबाय जाये दे;

मरकुस 7:4

आउर हाट ले ऐऊन भाती, जिदलदाय ले नाहाऊ नुआत, हुदलदाय ले नी खाओत; आउर खुबे असन दुसर गोठमन आसे, जोन हुनमन चो लगे मानतो काजे अमरली से, जसन बटकामन, आउर कसलामन, आउर तामा चो भण्डवामन के धोवतोर-मान्जतोर।

मरकुस 7:8

“कसनबल्लोने तुमी माहापुरू चो हुकुम के टालुन भाती मानेमन चो रीतिमन के मानेसास।”

लूका 11:38

फरीसी ऐ दकुन भाती भक्यालो कि हुन भात खातोर पयले नी नाहालो।

लूका 12:50

मोके तो गोटक डूबन धरतोर आय, आउर जिदलदाय ले हुन नी होये हुदलदाय ले मय कसन हाल ने रयेंदे!

लूका 14:14

तेबे तुय धन्य हो से, कसनबल्लोने हुनमन चो लगे तुके पलटा देतो काजे काई निआय, मान्तर तुके धरमीमन चो जीव उठलो ने ऐचो करलो फल मिरे दे।”

लूका 3:16

तेबे यूहन्ना हुन सपाय चो जबाप ने बल्लो, “मय तो तुमके पानी ले डूबन देयें सें, मान्तर हुन ऐतो बिता आय, जोन मोचो ले शक्ति बिता आय; मय तो ऐ लायक बले नुआय, कि हुनचो पनही चो बांदन निकराऊक सकें, हुन तुमके पवितर आत्मा आउर आईग ले डूबन देये दे।

यूहन्ना 1:33

मय तो हुनके चिता ते नी रले, मान्तर जोन मोके पानी ले डूबन देतो काजे पठालो, हुनी मोचो ले बल्लो, ‘जेचो उपरे तुय आत्मा के उतर ते आउर ठेबते दक से, हुनी पवितर आत्मा ले डूबन देतो बिता आय।’

यूहन्ना 5:29

जोनमन भलाई करला से हुनमन जीवना चो जीव उठतोर चो काजे जीव उठ दे आउर जोनमन खराप करला से हुनमन डण्ड चो जीव उठतोर काजे जीव उठ दे।”

प्रेरितो 10:47

“काय कोनी पानी चो रोक करूक सकु आय कि ऐ डूबन नी पाओत, जोनमन आमचो असन पवितर आत्मा पावला सोत?”

प्रेरितो 13:3

तेबे हुनमन उपास आउर पारथना करून आउर हुनमन चो उपरे हाथ संगाऊन भाती हुनमन के बिदा करला।

प्रेरितो 16:15

जिदलदाय हुन आपलो घरलोगमन संगे डूबन धरला, तेबे हुन आमचो ले बिनती करली, “अगर तुमी मोके परबु चो बिश्वासीनी समजेसास, तो जाऊन भाती मोचो घर ने राहा,” आउर हुन आमके राजी करून निली।

प्रेरितो 16:33

राती बेरा हुदली ची दाय हुन हुनमन के नेऊन भाती हुनमन चो घाव धोहलो, आउर हुन आपलो सपाय लोगमन चो संगे तुरते डूबन धरलो।

प्रेरितो 17:18

तेबे इपिकुरी आउर स्तोईकी दरशन दकुमन थानले कितलो हुनके तर्क करूक मुरयाला, आउर कितलो बल्ला, “ऐ टाबरी काय बोलुक मन करे से?” मान्तर दुसरमन बल्ला, “हुन दुसर देवमन चो परचार करू जान पड़े से” कसनबल्लोने हुन ईशु चो आउर जीव उठतोर नगतखबर सुनाते रलो।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 2:41

आउर जोनमन हुनचो बचन के गरहन करला हुनमन डूबन धरला; आउर हुनी दिने तीन हजार मानेमन लग-भग हुनमन ने मिसुन गेला।

प्रेरितो 23:6

तेबे पौलुस ऐ जानुन भाती कि गोटक दल सदूकीमन आउर दुसर फरीसीमन चो आय, सभा ने हाग देऊन भाती बल्लो, “हे भाईमन, मय फरीसी आउर फरीसीमन चो बंश चो आंय, मरलो लोगमन चो आशा आउर जीव उठतोर बारे ने मोचो पेशी होये से।”

प्रेरितो 24:15

आउर माहापुरू ले आशा संगाऊ आंय जोन हुनमन खुद बले संगाऊ आत, कि धरमी आउर अधरमी दुनो चो जीव उठतोर होये दे।

प्रेरितो 24:21

ऐ गोटक गोठ के छांडुन जोन मय हुनमन चो मंजी ने उबा होऊन भाती हाग देऊन भाती बोलु रले, मरलो बितामन चो जीव उठतोर बारे ने आजी मोचो तुमचो पुरे पेशी होये से।

प्रेरितो 24:25

जिदलदाय हुन धरम, आउर सहन, आउर ऐतो बिता नियाय चो चरचा करते रलो, तेबे फेलिक्स घबराऊन भाती जबाप दिलो, “ऐबे तो जा; मवका दकुन मय तुके फेर हाग देयें दें।”

प्रेरितो 26:8

जसन कि माहापुरू मरलो बितामन के जिआऊ आय, तेबे तुमचो थाने ऐ गोठ केंव बिश्वास चो लायक नी समजा जाये?

प्रेरितो 4:2

कसनबल्लोने हुनमन खुबे रिस होला कि हुनमन लोगमन के सिकाते रवत आउर ईशु चो उदाहरन देऊन-देऊन भाती मरलो बितामन चो जीव उठतोर परचार करते रवत।

प्रेरितो 6:6

ऐ मन के पठालोबितामन चो पुरे उबा करला आउर हुनमन पारथना करून हुनमन उपरे हाथ संगाला।

रोमियो 2:16

जोन दिने माहापुरू मोचो नगतखबर चो असन ईशु मसीह चो बाटले मानेमन चो गुपत गोठमन चो नियाय करेदे।

1 कुरिन्थियो 10:2

आउर सपाय बादरी ने आउर समुन्द ने, मूसा चो डूबन धरला;

1 कुरिन्थियो 12:13

कसनबल्लोने आमी सपाय काय यहूदी होओत काय यूनानी, काय दास होओ काय छुटछाड़ा, गोटक ची आत्मा चो बाटले गोटक देंह होतो काजे डूबन धरलु, आउर आमी सपाय के गोटक ची आत्मा पिआया गेली।

2 कुरिन्थियो 5:10

कसनबल्लोने जरूरी आय कि आमी सपाय चो हाल मसीह चो नियाय आसन चो पुरे खुलुन जाओ, कि हरकोनी माने आपलो-आपलो अच्छा खराप काममन चो पलटा जोन हुन देंह चो दुवारा करलो से पाओ।

फिलिप्पियो 3:21

हुनमन आपलो ताकत चो हुन असर चो अनुसार जेचो बाटले हुन सपाय तीजमन के आपलो बस ने करूक सके, आमचो दिन-हीन देंह चो रूप बदलुन भाती, आपलो महिमा चो देंह चो समान बनान देयेंदे।

कुलुस्सियो 2:12

आउर हुनचेई संगे डूबन ने गाड़ाय गेला आउर हुनचेई थाने माहापुरू चो सामरत उपरे बिश्वास करून, जेचो ले हुनके मरलो बितामन थानले जिआलो, हुनचो संगे जीव बले उठला।

2 तीमुथियुस 2:18

जोन ऐ बोलुन भाती कि जीव उठतोर होऊन चुकली से सत ले भटकुन गेला से, आउर कितलो चो बिश्वास के उलटा पुलटा करून देऊ आत।

इब्रानियो 11:35

बायले लेकीमन आपलो मरलो बितामन के फेर जीव पावला; कितलो तो मार खाते-खाते मरून गेला आउर छुटकारा नी चाहला, ऐईकाजे कि बड़ीया जीव उठतोर चो भागी होओत।

इब्रानियो 9:10

कसनबल्लोने हुनमन मात्र खातो पिवतोर तीजमन आउर किसम-किसम चो नाहातो बिदी चो आधार थाने देंह चो नियम आय, जोन सुधरातोर समया तक चो काजे नियुक्त करा गेला से।

2 पतरस 3:7

मान्तर ऐबे जुग ने बादरी आउर धरतनी हुनी बचन चो दुवारा ऐईकाजे संगाया गेली से कि जराया जाओ; आउर ऐ भगतहीन मानेमन चो नियाय आउर नष्ट होतोर दिन ले असने ची संगाऊन रदे।