इब्रानियो 6:10 - Halbi

¹⁰ कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले।

परमेस्वर को सच्चो वचन ख जाननू

¹⁰ तुमना परमेस्वर ख जन हुन कि हमेसा मददत करते हुए जे प्रेम दिखायो हैं, ओ ख अर तुमरा दुसरा काम हुन क परमेस्वर कभी नी भुलन को। उ अन्याय करन वालो नी आय।

इब्रानियो 6:10 ပူးပေါင်းရင်းမြစ်များ

मत्ती 10:42

जोन कोनी ऐ नानीमन थानले गोटक के मोचो चेला जानुन भाती मात्र गोटक बटका करा पानी पिआओ, मय तुमचो ले सते बलेंसें, हुन कोनी रीति ले आपलो ईनाम नी हजाये।”

मत्ती 20:7

हुन हुनमन ले बल्लो, ‘तुमी बले दाख चो बनवाड़ी ने जाहा।’”

मत्ती 25:17

ऐई रीति ले जेके दुय मिरू रये, हुन बले दुय आउर कमालो।

मरकुस 9:41

जोन कोनी गोटक बटका पानी तुमके ऐईकाजे पिआ ओ कि तुमी मसीह चो आहास तेबे मय तुमचो ले सते बलेंसें कि हुन आपलो ईनाम कसने रीति ले बले नी हजाये।

यूहन्ना 13:20

मय तुमके सत-सत बलें सें कि जोन मोचो पठालोबिता के गरहन करू आय, हुन मोके गरहन करू आय; आउर जोन मोके गरहन करू आय हुन मोचो पठालोबिता के गरहन करू आय।”

प्रेरितो 10:31

आउर बोलुक मुरयालो, हे कुरनेलियुस, तुचो पारथना सुना गेली से आउर तुचो दान माहापुरू चो पुरे सुरता करा गेली से।

प्रेरितो 10:4

हुन हुनके धिआन ले दकलो आउर डरून भाती बल्लो, “हे परबु, काय आय?” हुन हुनके बल्लो, तुचो पारथनामन आउर तुचो दान सुरता काजे माहापुरू चो पुरे अमरली से;

प्रेरितो 11:29

तेबे चेलामन ठानला कि हरकोनी आपलो-आपलो पुंजी चो अनुसार यहूदिया ने रतो बिता भाईमन चो सायता काजे काई पटाऊं।

रोमियो 12:13

पवितर लोगमन के जोन काई जरूरत होओ, हुन थाने हुनमन चो सायता करा; मानदान करतो ने लगु राआ।

2 कुरिन्थियो 9:1

अदायं हुन सेवा चो बारे ने जोन पवितर लोगमन चो काजे करा जाऊ आय, मोके तुमके लिकतोर जरूरी नुआय।

गलातियो 5:13

हे भाईमन, तुमी छुटछाड़ाया होतो काजे हाग दिया गेलासास; मान्तर असन नी होओ कि ये छुटछाड़ा देंह चो काममन काजे मवका बनो, मान्तर मया ले गोटक दुसर चो दास बना।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

गलातियो 6:10

ऐईकाजे जोन लगले मवका मिरे दे आमी सपाय चो संगे भलाई करूं, खास करून बिश्वासी भाईमन चो संगे।

कुलुस्सियो 3:17

बचन ने नाहले काम ने जोन काई बले करा सपाय परबु ईशु चो नाव ले करा, आउर हुनचो लागुन माहापुरू बुआ चो धन्यबाद करा।

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

1तीमुथियुस 6:18

आउर भलाई करोत, आउर अच्छा काममन ने सवकार बनोत, आउर उदार आउर सायता देतो ने पुरे रओत,

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

इब्रानियो 10:32

मान्तर हुन पाटे चो दिनमन के सुरता करा, जोन थाने तुमी उजर पाऊन भाती दुकमन चो बड़े भुगतोर ने थीर रलास।

इब्रानियो 13:16

भलाई करतोर आउर उदारता दकातोर नी भुलका, कसनबल्लोने माहापुरू असन बलिदानमन ले हरिक होऊ आय।

1यूहन्ना 1:9

मान्तर आमी आपलो पापमन के मानुन्दे, तेबे हुन आमचो पापमन के छमा करतो आउर आमके सपाय अधरम ले शुद्ध करतो ने बिश्वास लायक आउर धरमी आय।