इब्रानियो 5:9 - Halbi

⁹ आउर सिद्ध बनुन भाती, आपलो सपाय हुकुम मानतो बितामन चो काजे हरमेशा चो मुक्ति चो कारन होऊन गेलो,

परमेस्वर को सच्चो वचन ख जाननू

⁹ अर सिध्द बन ख, अपना सब झन हुन ख हुकुम मानन वाला को लाने हमेसा काल को उध्दार को कारन हो गयो,

इब्रानियो 5:9 ပူးပေါင်းရင်းမြစ်များ

मत्ती 17:5

हुन बलते रलो कि गोटक उजर बादरी हुनमन के छांई होली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, जेचो ले मय हरिक आंसे: ऐचो सुना।”

लूका 13:32

हुन हुनमन ले बल्लो, “जाऊन भाती हुन लोकड़ली के बोलुन दिआस कि दक, मय आजी आउर काली दुष्टआत्मामन के निकरा ते आउर बेमारमन के चेंगा करें से, आउर तीसर दिन आपलो काम पुरा करें दें।

यूहन्ना 19:30

जिदलदाय ईशु हुन सिरका धरलो, तेबे बल्लो, “पुरा होली”; आउर मुण्ड लुआऊन भाती जीव छांडलो।

प्रेरितो 3:15

आउर तुमीमन जीवना चो करता के मारून दीलास, जेके माहापुरू मरलो बितामन थानले जिआ लो; आउर ऐ गोठ ने आमी गोहई आंसु।

प्रेरितो 4:12

“कोनी दुसर चो बाटले मुक्ति निआय; कसनबल्लोने सरग चो खाले मानेमन ने आउर कोनी दुसर नाव नी दिया गेली, जेचो बाटले आमी मुक्ति पाऊक सकु।”

प्रेरितो 5:32

“आमी ऐ गोठमन चो गोहई आंसु आउर असने ची पवितर आत्मा बले, जेके माहापुरू हुनमन के दिलो से जोन हुनचो हुकुम मानु आत।”

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 10:16

मान्तर सपाय हुन नगतखबर थाने कान नी लगाला। यशाया बले से, “हे परबु, कोन आमचो खबर थाने बिश्वास करलो?”

रोमियो 15:18

कसनबल्लोने हुन गोठमन के छांडुन मोके आउर कोनी गोठ चो बारे ने बले बोलतोर साहास निआय, जोन मसीह दुसर जातिमन चो लगे चो काजे बचन, आउर करम,

रोमियो 2:8

मान्तर जोन मतलबी आत आउर सत के नी मानोत, मान्तर अधरम के मानु आत, हुनमन उपरे रीस आउर कोप पड़ेदे।

रोमियो 6:17

मान्तर माहापुरू चो धन्यबाद होओ कि तुमी जोन पाप चो दास रलास अदायं मन ले हुन उपदेश चो मानतो बिता होऊन गेलास, जेचो छछा ने डालाय जाऊ रलास,

2 कुरिन्थियो 10:5

ऐईकाजे आमी कलपनामन चो आउर हरकोनी ऊँचा गोठ चो, जोन माहापुरू चो पयचान चो बिरूद ने उठु आय, खंडन करू आत, आउर हरकोनी भावना के कयद करून मसीह चो हुकुम मानु बनान देऊ आंव,

फिलिप्पियो 2:12

ऐईकाजे हे मोचो लाडरामन, जोन परकार तुमी सदा ले हुकुम मानते ईलासास, असने ची ऐबे बले ना मात्र मोचो संगे रते-रते मान्तर खास करून अदायं मोचो लापी रलो थानले बले डरते आउर थर-थरते आपलो-आपलो मुक्ति चो काम पुरा करते जाआ;

2 थिस्सलुनीकियो 1:8

आउर जोन माहापुरू के नी चिता ओत आउर आमचो परबु ईशु चो नगतखबर के नी मानोत हुनमन ले पलटा धरे दे।

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

2 तीमुथियुस 2:10

ऐई लागुन मय चुनलो लोगमन चो काजे सपाय काई सहु आंय कि हुनमन बले हुन मुक्ति के जोन मसीह ईशु ने आसे अमर महिमा चो संगे पाओत।

इब्रानियो 1:14

काय हुनमन सपाय सेवा टहल करतो बिती आत्मामन नुआत, जोन मुक्ति करतो बितामन चो काजे सेवा करतो काजे पटाया जाऊ आय?

इब्रानियो 11:40

कसनबल्लोने माहापुरू आमचो काजे पयले ले गोटक बड़ीया गोठ ठेबालो, कि हुनमन आमचो बिना सिद्धता के नी पहुँचोत।

इब्रानियो 11:8

बिश्वास ची ले अब्राहाम जिदलदाय हाग दिया गेलो तेबे हुकुम मानुन भाती असन जगा निकरून गेलो जेके हक ने धरू बिता रलो; आउर ऐ नी जानते रलो कि मय कोन बाटे जायें से, तेबले बले निकरून गेलो।

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 2:10

कसनबल्लोने जेचो काजे सपाय काई आसे आउर जेचो दुवारा सपाय काई आसे, हुनके ऐई अच्छा लागली कि जिदलदाय हुन खुबे असन बेटामन के महिमा ने अमराओ, तेबे हुनमन चो मुक्ति चो करता के दुक उठातोर लागुन सिद्ध करो।

इब्रानियो 2:3

तेबे आमी लोग असन बड़े मुक्ति ले बेफिकर रऊन भाती कसन बाचुक सकु आंव? जेचो चरचा पयले पहल परबु चो दुवारा होली, आउर सुनतो बितामन चो लागुन आमके येचो तय होली।

इब्रानियो 9:12

आउर बोकड़ामन आउर बाचामन चो लऊ चो दुवारा नुआय मान्तर आपलो ची लऊ चो दुवारा, गोटक ची हार पवितर जगा ने ओललो आउर अमर छुटकारा परापत करलो।

इब्रानियो 9:15

ऐई लागुन हुन नवा बायदा चो मंजार आय, बल्ले हुनचो मरना चो दुवारा जोन पयला बायदा चो समया चो अपराधमन ले छुटकारा पवतो काजे होली से, हाग दिलो लोग बायदा चो अनुसार अमर हक के परापत करोत।

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

यहूदा 1:21

आपन खुद के माहापुरू चो मया ने बनान संगाहा; आउर अमर जीवना चो काजे आमचो परबु ईशु मसीह चो दया चो बाट टाकते राहा।