इब्रानियो 5:7 - Halbi

⁷ ईशु आपलो देंह ने रतोर दिनमन ने बड़े जोर ले हाग देऊन हाग देऊन भाती आउर आँसु बहान-बहान भाती हुनचो ले जोन हुनके मरना ले बचाऊक सकते रये, पारथनामन आउर गुहार करलो, आउर भक्ति चो लागुन हुनचो सुना गेली।

परमेस्वर को सच्चो वचन ख जाननू

⁷ यीसु न अपनी सरीर म रहन को दिन म ऊँची बात से बुला बुला ख अर आँसु बाहा-बाहा ख ओ से जे ओ की मोउत से बचा सकयो थो,, प्रार्थाना अर विनती कि अर भक्ति को कारन ओकी सुन ली।

इब्रानियो 5:7 ပူးပေါင်းရင်းမြစ်များ

मत्ती 27:46

तीसर पाहार चो लगे ईशु बड़े शब्द ले चिचयाऊन भाती बल्लो, “एली, एली, लमा शबक्तनी?” बल्लोने “हे मोचो माहापुरू, हे मोचो माहापुरू, तुय मोके केंव छांडुन दिलीस?”

मत्ती 27:50

तेबे ईशु फेर बड़े शब्द ले चिचयाऊन भाती जीव छांडलो।

मरकुस 15:34

तीसर पाहार ईशु बड़े शब्द ले चिचयाऊन भाती बल्लो, “इलोई, इलोई, लमा शबक्तनी?” जेचो मतलब ऐ आय, “हे मोचो माहापुरू, हे मोचो माहापुरू, तुय मोके केंव छांडुन दिलीस?”

मरकुस 15:37

तेबे ईशु बड़े शब्द ले चिचयाऊन भाती जीव छांडलो।

लूका 23:46

आउर ईशु बड़े जोर ले चिचयाऊन भाती बल्लो, “हे बुआ, मय आपलो आत्मा तुचो हाथ ने सोपें सें।” आउर ऐ बोलुन भाती जीव छांडलो।

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 11:35

ईशु गागलो।

यूहन्ना 11:42

मय जानते रले कि तुय हरमेशा मोचो सुनु आस, मान्तर जोन भीड़ लगे-लगे उबा आसे, हुनचो लागुन मय ऐ बल्ले, जेचो ले कि हुनमन बिश्वास करोत कि तुय मोके पठाली सीस।”

यूहन्ना 17:1

ईशु ऐ गोठमन के बल्लो आउर आपलो आँईकमन बादरी चो बाटे उठाऊन भाती बल्लो, “हे बुआ, हुन समया ऐऊन पोंचली से; आपलो बेटा चो महिमा कर कि बेटा बले तुचो महिमा करो,

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

गलातियो 4:4

मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

इब्रानियो 10:10

हुनी इच्छा ले आमी ईशु मसीह चो देंह चो गोटक ची हार-बलिदान चेगाया गेलोर दुवारा पवितर कराया गेलु से।

इब्रानियो 10:5

ऐई लागुन मसीह जगत ने ऐतो समया बले से, “बलिदान आउर भेट तुय नी चाह लीस, मान्तर मोचो काजे गोटक देंह तिआर करलीस।

इब्रानियो 11:7

बिश्वास ची ले नूह हुन गोठमन चो बारे ने जोन हुन समया दका नी पड़ते रली, धमकी पाऊन भाती भक्ति चो संगे आपलो घरलोगमन चो बचाव काजे जाहाज बनालो, आउर हुनचो दुवारा हुन संवसार के दोषी ठेबालो; आउर हुन धरम चो हकदार होलो जोन बिश्वास ले होऊ आय।

इब्रानियो 12:28

ऐई लागुन आमी ऐ राज के पाऊन भाती जोन हलु नुआय बनालोर होओ, आउर भक्ति आउर भय संगे माहापुरू चो असन आराधनाकरू जेचो ले हुन हरिक होऊ आय;

इब्रानियो 13:20

अदायं शान्ति देऊ माहापुरू, जोन आमचो परबु ईशु के जोन मेंडामन चो बड़े राका करू आय हरमेशा बायदा चो लऊ चो गुन ले मरलो बितामन थानले जियाऊन भाती धरून ईलो,

इब्रानियो 2:14

ऐईकाजे जसन कि लेकामन मास आउर लऊ चो भागी आत, तेबे हुन खुद बले हुनमन चो असन हुनमन चो शामिल होऊन गेलो, बल्ले मरना चो दुवारा हुनके जेके मरना उपरे शक्ति मिरून रये, बल्लोने शयतान के ठग करून देओ;

1यूहन्ना 4:3

आउर जोन आत्मा ईशु के नी माने, हुन माहापुरू चो बाटले नुआय; आउर हुनी तो मसीह चो बिरोधी चो आत्मा आय, जेचो चरचा तुमी सुनुन चुकलासास कि हुन ऐतो बिता आय, आउर ऐबे बले जगत ने आसे।

2 यूहन्ना 1:7

कसनबल्लोने खुबे असन भरमातो बिता जगत ने निकरून ईला सोत, जोन ऐ नी मानोत कि ईशु मसीह देंह ने होऊन भाती ईलो, भरमातो बिता आउर मसीह चो बिरोधी ऐई आय।