इब्रानियो 5:1 - Halbi

¹ कसनबल्लोने हरकोनी माहायाजक मानेमन थानले धरा जाऊ आय आउर मानेमन चो ची काजे, हुन गोठमन चो बारे ने जोन माहापुरू ले सम्बंध संगाऊ आय, ठेबाया जाऊ आय कि भेट आउर पाप पुजा चेगाया करोत।

परमेस्वर को सच्चो वचन ख जाननू

¹ काहे कि हर एक बडो पुजारी अदमी ओ म से लियो जाए हैं, अर अदमी ही को लाने, उ बात को बारे म जे परमेस्वर से सम्बन्ध रखह हैं, ठहरायो जावह हैं कि भेट अर पाप बलि चढ़ाया करो।

इब्रानियो 5:1 ပူးပေါင်းရင်းမြစ်များ

रोमियो 15:17

ऐईकाजे हुन गोठमन चो बारे ने जोन माहापुरू ले नाता संगाऊ आय, मय मसीह ईशु ने बड़ाई करूक सके।

1 कुरिन्थियो 15:3

ऐई लागुन मय सपाय ले पयले तुमके हुनी गोठ अमराऊन दिले, जोन मोके अमरू रली कि पवितर शास्त्र चो बचन चो अनुसार ईशु मसीह आमचो पापमन काजे मरून गेलो,

इब्रानियो 10:11

हरकोनी याजक तो उबा होऊन भाती रोजे दिना सेवा करू आय, आउर गोटक ची परकार चो बलिदान के जोन पापमन के केबीई बले लापी नी करूक सके, घन-घन चेगाऊ आय।

इब्रानियो 10:12

मान्तर ऐ माने तो पापमन चो पलटा गोटक ची बलिदान हरमेशा चो काजे चेगाऊन भाती माहापुरू चो उजा जाऊन बसलो,

इब्रानियो 11:4

बिश्वास ची ले हाबिल कैन ले बड़ीया बलिदान माहापुरू चो काजे चेगालो, आउर हुनचेई दुवारा हुनचो धरमी होतोर गोहई बले दिया गेली, कसनबल्लोने माहापुरू हुनचो भेटमन चो बारे गोहई दिलो; आउर हुनचेई दुवारा हुन मरलो थानले बले ऐबे ले गोठयाऊ आय।

इब्रानियो 2:17

ऐई कारन हुनके जरूरत रली, कि सपाय गोठमन ने आपलो भाईमन चो असन बनो; जेचो ले हुन-हुन गोठमन ने जोन माहापुरू ले सम्बंध संगाऊ आय, गोटक दयालु आउर बिश्वास लायक माहायाजक बनो बल्ले लोगमन चो पापमन चो काजे पश्ताओ।

इब्रानियो 7:27

हुन माहायाजक मन चो असन हुनके जरूरी नुआय कि रोजे दिना पयले आपलो पापमन आउर फेर लोगमन चो पापमन चो काजे बलिदान चेगा ओ; कसनबल्लोने हुन आपन खुद के बलिदान चेगाऊन भाती हुनके गोटक ची हार ने पुरा करून दिलो।

इब्रानियो 8:3

कसनबल्लोने हरकोनी माहायाजक भेट आउर बलिदान चेगातो काजे ठेबाया जाऊ आय, ऐई कारन जरूर आय कि ऐ याजक चो लगे बले काई चेगातो काजे होओ।

इब्रानियो 8:4

अगर हुन धरतनी थाने होतो तेबे केबीई याजक नी होतो, ऐईकाजे कि नियम चो अनुसार भेट चेगातो बिता तो आसोत।

इब्रानियो 9:9

ऐ तम्बू ऐबे चो समया चो काजे गोटक कहनी आय; जोन थाने असन भेट आउर बलिदान चेगाया जाऊ आय, जोन आराधना करतो बितामन चो बिबक सिद्ध नी होऊक सके।