इब्रानियो 3:12 - Halbi

¹² हे भाईमन, चेत करून रहा कि तुमनमन ने असन खराप आउर अबिश्वासीमन नी होओत, जोन तुमी के जीवता माहापुरू ले लापी गुचाऊन नेओत।

परमेस्वर को सच्चो वचन ख जाननू

¹² हे भई हुन हुसयार रहो की तुम म असो बुरो अर अविस्वास मन न हो, जे तुम ख जिन्दा परमेस्वर से दुर हटा ले जाए।

इब्रानियो 3:12 ပူးပေါင်းရင်းမြစ်များ

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

मत्ती 24:4

ईशु हुनमन के जबाप दिलो, “खबड़दार राहा! कोनी तुमके नी भरमाऊक सकोत,

मरकुस 13:23

मान्तर तुमी चेत ने राहा; दका, मय तुमीमन के सपाय गोठमन के पयले ले सांगले से।

मरकुस 13:33

दका, चेत ने आउर पारथना करते राहा; कसनबल्लोने तुमी नी जानास कि हुन समया केबे ऐये दे।

मरकुस 13:9

“मान्तर तुमी आपलो बारे ने बाचुन राहा; कसनबल्लोने लोग तुमके बड़े सभामन ने सोप दे आउर तुमी पंचायतमन ने पेटाय जाआ से, आउर मोचो कारन राजपालमन आउर राजामन चो पुरे उबा कराय जाआ से, बल्ले हुनमन चो काजे गोहई हुआ।

लूका 21:8

हुन बल्लो, “तिआर राहा कि भरमाया नी जाआ, कसनबल्लोने खुबे असन मोचो नाव ले ऐऊन भाती बोल दे, ‘मय हुनी आंय,’ आउर ऐ बले कि, ‘समया लगे अमरली से।’ तुमी हुनमन चो पाट-पाट नी जाआ।

रोमियो 11:21

कसनबल्लोने जिदलदाय माहापुरू स्वभाविक खेंदामन के नी छांडलो तो तुके बले नी छांडेदे।

1 कुरिन्थियो 10:12

ऐईकाजे जोन समजु आय, “मय थीर आंसे,” हुन चलाक रओ कि काहांय घसरुन नी पड़ो।

कुलुस्सियो 2:8

चेत ने राहा कि कोनी तुमके हुन तत्व गिआन आउर फकाहा धोका चो लागुन आपलो अहेर नी बना ओत, जोन मानेमन चो रीति बिदीमन आउर संवसार चो मुर सिक्या चो अनुसार तो आय, मान्तर मसीह चो अनुसार नुआय।

1 थिस्सलुनीकियो 1:9

कसनबल्लोने हुनमन खुद ची आमचो बारे ने सांगु आत कि तुमचो लगे आमचो ऐतोर कसन होली; आउर तुमी कसन मुरतीमन ले माहापुरू चो बाटे फिरलास बल्ले जीवता आउर सत माहापुरू चो सेवा करा,

इब्रानियो 10:31

जीवता माहापुरू चो हाथमन थाने पड़तोर भयंकर गोठ आय।

इब्रानियो 10:38

मान्तर मोचो धरमी झन बिश्वास ले जीव रये दे, आउर अगर हुन पाटे गुचुन जाय दे तेबे मोचो मन हुनचो ले-हरिक नी होये दे।”

इब्रानियो 12:15

धिआन ले दकते राहा, असन नी होओ कि कोनी माहापुरू चो अनुग्रह ले लापी रऊन जाओ, नाहले कोनी पीता चेर फुटुन भाती दुख देओ, आउर हुनचो लागुन खुबे असन लोग अशुद्ध होऊन जाओत।

इब्रानियो 12:22

मान्तर तुमी सिय्योन चो डोंगरी चो लगे, आउर जीवता माहापुरू चो नंगर, सरग चो यरूशलेम, चो लगे आउर लाखो सरग दूतमन

इब्रानियो 12:25

खबड़दार रहा, आउर हुन बोलतो बितामन ले मुंह नी मोड़ा, कसनबल्लोने हुन लोगमन जिदलदाय धरतनी थानो चो धमकी देतो बितामन ले मुंह मोडुन भाती नी बाचुक सकला, तेबे आमी सरग थानले धमकी देतो बिता ले मुंह मोडुन भाती कसन बाचुक सकवां?

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

इब्रानियो 3:10

ऐई लागुन मय हुन समया चो लोगमन ले रीस रले, आउर बल्लो, ‘ऐमन चो मन हरमेशा भटकते रऊ आय, आउर ऐमन मोचो बाटमन के नी चिताला।’

इब्रानियो 3:19

आउर आमी दकु से कि हुनमन अबिश्वास चो लागुन ओलुक नी सकला।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।