इब्रानियो 2:18 - Halbi

¹⁸ कसनबल्लोने जिदलदाय हुन परीक्षा चो दसा ने दुख उठालो, तेबे हुन हुनमन चो बले सायता करूक सके जेचो परीक्षा होऊ आय।

परमेस्वर को सच्चो वचन ख जाननू

¹⁸ काहेकि यीसु जब उन न परीक्छा की दसा म दुख उठायो, ते उ ओकी भी मदद कर सकह हैं, जेकी परीक्छा होवा हैं।

इब्रानियो 2:18 ပူးပေါင်းရင်းမြစ်များ

लूका 22:28

“तुमी हुन आस, जोन मोचो परीक्षामन ने सरलगा मोचो संगे राआस;

लूका 22:53

जिदलदाय मय मंदिर ने रोजे दिना तुमचो संगे रले, तेबे तुमी मोचो उपरे हाथ नी लगालास; मान्तर ऐ तुमचो समया आय, आउर अंधार चो अधिकार आसे।”

यूहन्ना 10:29

मोचो बुआ जोन हुनमन के मोके दिलो से, सपाय ले बड़े आय आउर कोनी हुनमन के बुआ चो हाथ ले झिकुक नी सकोत।

1 कुरिन्थियो 10:13

तुमी कोनी असन परीक्षा ने नी पढ़लास, जोन माने चो सहन ले बाहार आय। माहापुरू बिश्वास लायक आय आउर हुन तुमके सामरत ले बाहरे परीक्षा ने नी पडुक देयेदे, मान्तर परीक्षा चो संगे निकास बले करेदे कि तुमी सऊक सका।

फिलिप्पियो 3:21

हुनमन आपलो ताकत चो हुन असर चो अनुसार जेचो बाटले हुन सपाय तीजमन के आपलो बस ने करूक सके, आमचो दिन-हीन देंह चो रूप बदलुन भाती, आपलो महिमा चो देंह चो समान बनान देयेंदे।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

इब्रानियो 5:2

हुन अगिआनीमन आउर भुलक भटक बितामन चो संगे नरमी ले बेवहार करूक सके, ऐईकाजे कि हुन खुद बले कमजोरी ले घिरलो से।

2 पतरस 2:9

तेबे परबु भगतमन के परीक्षामन थानले निकरातोर आउर अधरमीमन के नियाय चो दिन ले डण्ड चो दसा ने संगाऊक बले जाने,

यहूदा 1:24

अदायं जोन तुमके ठोकरना खातो ले बचाऊक सके, आउर आपलो महिमा चो भरपूरी चो पुरे उदुम आउर बेकसूर करून उबा करूक सकु आय,

प्रकाशितवाक्य 3:10

“तुय मोचो धीरज चो बचन के थामली सीस, ऐईकाजे मय बले तुके परीक्षा चो हुन समया बचाऊन संगायदे जोन धरतनी थाने रतो बिता के परकतो काजे पुईतराय संवसार थाने ऐतो बिता आय।”