इब्रानियो 2:1 - Halbi

¹ ऐेई लागुन जरूरी आय कि आमी हुन गोठमन थाने जोन आमीमन सुनलु से, आउर बले मन लगाऊं, असन नी होओ कि भहकुन भाती हुनमन ले लापी जाते जाऊं।

परमेस्वर को सच्चो वचन ख जाननू

¹ एकोलाने हम जे सन्देस मिल्यो हैं, ओ पर अच्छी तरह ध्यान देनो चहिए। कही असो न हो कि हम रस्ता से भटक जाये।

इब्रानियो 2:1 ပူးပေါင်းရင်းမြစ်များ

मत्ती 16:9

काय तुमी ऐबले नी समजलास? काय तुमके हुन पांच हजार चो पांच रोटी सुरता निआय, आउर ना ऐ कि तुमी कितलो टुकना उठाऊन रलास?

मरकुस 8:18

काय आँईकमन रते-रते बले नी दकास, आउर कान रते-रते बले नी सुनास? आउर काय तुमके सुरता निआय?

लूका 8:15

मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

लूका 9:44

“तुमी ऐ गोठमन थाने कान दिआस, कसनबल्लोने माने चो बेटा मानेमन चो हाथ ने धराया जातोर ने आसे।”

यूहन्ना 8:59

तेबे हुनमन हुनके मारतो काजे पकना उठाला, मान्तर ईशु लुकुन भाती मंदिर ले निकरून गेलो।

इब्रानियो 12:5

आउर तुमी हुन उपदेश के, जोन तुमके बेटामन चो असन दिया जाये से, भुलकुन गेलासास “हे मोचो बेटा, परबु चो ताड़ना के उसास गोठ नी जान, आउर जिदलदाय हुन तुके धमकाय दे तेबे साहास नी छांड़।

2 पतरस 1:15

ऐईकाजे मय असन कोशिश करें दें कि मोचो काई करलोर पाचे तुमी ऐ सपाय गोठमन के हरमेशा सुरता करूक सका।

2 पतरस 3:1

हे लाड़रामन, अदायं मय तुमके दुसर चिठ्ठी लिकें से, आउर दुनो थाने सुरता दियाऊन भाती तुमचो शुद्धमन के उभरायें से,