इब्रानियो 13:9 - Halbi

⁹ नाना परकार चो भयंकर उपदेशमन ले नी भरमाया जाआ, कसनबल्लोने मन चो अनुग्रह ले जमखम रतोर अच्छा आय, ना कि हुन खातोर तीजमन ले जेचो ले काम संगातो बितामन के काई लाब नी होली।

परमेस्वर को सच्चो वचन ख जाननू

⁹ कई तरह का विचितर आदेस से नी भरमाए जाहे, काहे कि मन को दया से मजबुत रहनो चोक्खो हैं, नी कि वा खान कि चीज से जेसे काम रखन वालो ख कुछ फयदा नी हुयो।

इब्रानियो 13:9 ပူးပေါင်းရင်းမြစ်များ

मत्ती 24:24

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

मत्ती 24:4

ईशु हुनमन के जबाप दिलो, “खबड़दार राहा! कोनी तुमके नी भरमाऊक सकोत,

लूका 5:38

मान्तर नवा दाखरस नवा चामड़ा चो थयलामन ने भरतोर आय।

प्रेरितो 20:30

तुमचो ची मंजी ले बले असन-असन माने उठ दे, जोन चेलामन के आपलो पाटकुती झिकुन धरतो काजे टेड़ा मेड़ा गोठमन बलदे।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

रोमियो 14:17

कसनबल्लोने माहापुरू चो राज खातोर-पिवतोर नुआय, मान्तर धरम आउर मिला-मिसा आउर हुन हरिक आय जोन पवितर आत्मा ले हऊ आय।

रोमियो 14:2

गोटक के बिश्वास आसे कि सपाय काई खातोर ठीक आय, मान्तर जोन बिश्वास ने कमजोर आसे हुन साग डार ची खाऊ आय।

रोमियो 14:6

जोन कोनी दिन के मानु आय, हुन परबु चो काजे मानु आय। जोन खाऊ आय, हुन परबु चो काजे खाऊ आय, कसनबल्लोने हुन माहापुरू चो धन्यबाद करू आय, आउर जोन नी खाये, हुन परबु चो काजे नी खाये आउर माहापुरू चो धन्यबाद करू आय।

1 कुरिन्थियो 6:13

भात पेट चो काजे, आउर पेट भात काजे आय, मान्तर माहापुरू ऐके आउर हुनके दुनो के नष्ट करे दे। मान्तर देंह बेबीचार चो काजे नुआय, मान्तर परबु चो काजे आय, आउर परबु देंह चो काजे आय।

1 कुरिन्थियो 8:8

भात आमके माहापुरू चो लगे नी अमराये। अगर आमी नी खाऊ तेबे आमचो काई नुकसान नुआय, आउर अगर खाऊँ दे तेबे काई लाब निआय।

2 कुरिन्थियो 1:21

आउर जोन आमके तुमचो संगे मसीह ने जमखम करू आय, आउर जोन आमचो अभिषेक करलो हुनी माहापुरू आय,

गलातियो 6:1

हे भाईमन, अगर कोनी माने कोनी अपराध ने धरा बले जाये दे तेबे तुमी जोन आत्मिक आसास, सोज चो संगे असन के सम्भाला, आउर आपलो बले चलाकी संगाआ कि तुमी बले परीक्षा ने नी पड़ा।

इफिसीयो 4:14

तेबे आमी पहिल ले लेका नी रऊँ जोन मानेमन चो ठग-बिदया आउर चलाक ले, हुनमन चो भरम चो फान्दामन चो आउर उपदेश चो हरकोनी लेहरा ले उदलाया आउर ऐ बाटे-हुन बाटे किन्दराया जाऊ आहास।

इफिसीयो 5:6

कोनी तुमके फकाहा गोठमन ले धोका नी दे ओत, कसनबल्लोने ऐई काममन चो लागुन माहापुरू चो रीस हुकुम नी मानतो बितामन चो उपरे भड़कु आय।

कुलुस्सियो 2:4

ऐ मय ऐईकाजे बलेंसें कि कोनी माने तुमके ललचातो बिती गोठमन ले धोका नी देओत।

2 थिस्सलुनीकियो 2:17

तुमचो मन-मन ने शान्ति देओ आउर तुमके हरकोनी बड़ीया काम आउर बचन ने बरसक बनाओ।

2 थिस्सलुनीकियो 2:2

कि कोनी आत्मा, नाहले बचन, नाहले चिठ्ठी चो बाटले, जोन कि माना आमचो बाटले होओ, ऐ समजुन भाती कि परबु चो दिन ऐऊन अमरली से, तुमचो मन उधापड़े अथीर नी होऊन जाओ आउर ना तुमी घबराआ।

1तीमुथियुस 6:20

हे तीमुथियुस, ऐ अमानत चो राका कर; आउर जोन गिआन के गिआन बोलतोर ची भुल आय, हुनचो अशुद्ध बकवास आउर बिरूद चो गोठमन ले अनजान रा।

1यूहन्ना 4:1

हे लाड़रा मन, हरकोनी आत्मा थाने बिश्वास नी करा, मान्तर आत्मामन के परका कि हुनमन माहापुरू चो बाटले आय कि नुआय; कसनबल्लोने खुबे असन फंदी अगम गिआनी जगत ने निकरून उबला सोत।

यहूदा 1:12

ऐ तुमचो मया चो सभामन ने तुमचो संगे खाते-पिवते, समुन्द ने लुकलो बिती पकना असन आत, आउर बेधड़क आपलो ची पेट भरतो बिता जगवार आत; हुनमन पानी नी रलो बादरी आत, जेके लेहरा उड़ाऊन धरून जाऊ आय; पानी गरमी चो नी फरतो रूक आत, जोन दुयहार मरला से, आउर चेर संगे उकनी होलासे;

यहूदा 1:3

हे लाडरामन, जिदलदाय मय तुमके हुन मुक्ति चो बारे ने लिकतो ने खुबे मसागत ले तिआर करते रले जोन थाने आमी सपाय शामिल आंसु, तेबे मय तुमके ऐ समजातोर जरूरी जानले कि हुन बिश्वास चो काजे पुरा तिआर करा जोन पवितर लोगमन के गोटक ची हार सोपा जाऊ रली।