इब्रानियो 13:7 - Halbi

⁷ जोन तुमचो अगुवामन रवत, आउर जोनमन तुमके माहापुरू चो बचन सुनाला, हुनमन के सुरता संगाहा; आउर धिआन ले हुनमन चो चाल-चलन चो आखरी दकुन भाती हुनमन चो बिश्वास चो नकल करा।

परमेस्वर को सच्चो वचन ख जाननू

⁷ जे तुमरो अगुवो थो, अर जो न तुम ख परमेस्वर को वचन सुनायो हैं, उन ख याद रखयो; अर ध्यान से उन को चाल चलन को आखरी तक देख ख उन को भरोसा को अनुकरण करो।

इब्रानियो 13:7 ပူးပေါင်းရင်းမြစ်များ

मत्ती 24:45

“आउर हुन बिश्वास लायक आउर अकल बिता दास कोन आय, जोन के मालिक आपलो नवकर चाकरमन उपरे सरदार ठेबालो कि समया ने हुनमन के भात देओ?

लूका 12:42

परबु बल्लो, “हुन बिश्वास लायक आउर अकल बिता भण्डारी कोन आय, जेचो मालिक हुनके नवकर चाकरमन उपरे सरदार ठेबा ओ कि हुनमन के समया ने खातो-पिव तो सामान देओ।

लूका 5:1

जिदलदाय भीड़ माहापुरू चो बचन सुनतो काजे हुनचो उपरे घसरुन पड़ते रवत, आउर हुन गनेसरत चो झील चो कटा उबा रलो, तेबे असन होली,

लूका 8:11

“कहनी चो अरत ऐ आय: बीज माहापुरू चो बचन आय।

प्रेरितो 13:46

तेबे पौलुस आउर बरनबास निडर होऊन बल्ला, जरूरी रये कि माहापुरू चो बचन पयले तुमके सुनाया जाति; मान्तर जिदलदाय तुमी हुनके लापी गुचाऊ आस, आउर आपन के अमर जीवना चो लायक नी ठेबा आस, तेबे दका, आमी दुसर जातिमन चो बाटे फिरू आंव।

प्रेरितो 14:23

आउर हुनमन हरकोनी कलीसिया ने हुनमन चो काजे सियान थेबाला, आउर उपास संगे पारथना करून हुनमन के परबु चो हाथे सोपला जेचो उपरे हुनमन बिश्वास करू रला।

प्रेरितो 4:31

जिदलदाय हुनमन पारथना करून चुकला, तेबे हुन जगा जोन थाने हुनमन रूंड़ा रवत हलुन गेली, आउर हुनमन सपाय पवितर आत्मा ले भरपूर होऊन गेला, आउर माहापुरू चो बचन हिम्मत ले सुनाते रला।

रोमियो 10:17

आउर बिश्वास सुनलो ले आउर सुनतोर मसीह चो बचन ले होऊ आय।

1 कुरिन्थियो 10:13

तुमी कोनी असन परीक्षा ने नी पढ़लास, जोन माने चो सहन ले बाहार आय। माहापुरू बिश्वास लायक आय आउर हुन तुमके सामरत ले बाहरे परीक्षा ने नी पडुक देयेदे, मान्तर परीक्षा चो संगे निकास बले करेदे कि तुमी सऊक सका।

1 कुरिन्थियो 11:1

तुमी मोचो असन चाल चला जसन मय मसीह चो असन चाल चलु आंय।

1 कुरिन्थियो 4:16

ऐईकाजे मय तुमनमन ले बिनती करे से कि मोचो असन चाल चला।

फिलिप्पियो 3:17

हे भाईमन, तुमी सपाय मिसुन भाती मचो असन चाल-चला, आउर हुनमन के चिताऊन संगाआ जोन ऐ रीति थाने चलु आत जेचो नमूना तुमी आमचो ने पाऊ आहास;

1 थिस्सलुनीकियो 1:6

तुमी बड़े कलेश ने, पवितर आत्मा चो हरिक चो संगे, बचन के मानुन भाती आमचो आउर परबु चो असन चाल चलुक मुरयालास।

1 थिस्सलुनीकियो 2:13

ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

2 थिस्सलुनीकियो 3:7

कसनबल्लोने तुमी खुद ची जानेसास कि कोन रीति ले आमचो असन चाल चलतोर आय, कसनबल्लोने आमी तुमचो मंजी ने खराप चाल नी चलु,

2 थिस्सलुनीकियो 3:9

ऐ नाई कि आमके अधिकार निआय, मान्तर ऐईकाजे कि आपन खुद के तुमचो काजे नमूना ठेबा ओ कि तुमी आमचो असन चाल चला।

1तीमुथियुस 3:5

जसन कोनी आपलो घर ची जुगाड़ करतोर नी जाने, तो माहापुरू चो कलीसिया चो राका कसन करे दे?

इब्रानियो 13:17

आपलो अगुवामन चो हुकुम माना आउर हुनमन चो अधीन राहा, कसनबल्लोने हुनमन-हुनमन चो असन तुमचो जीवमन चो काजे चेता रऊ आत जोनमन के लेखा देऊक पड़ेदे; हुनमन ऐ काम हरिक ले करोत, ना सितर फुंडा धरून-धरून भाती, कसनबल्लोने ऐ दसा ने तुमके काई लाब निआय।

इब्रानियो 13:24

आपलो सपाय अगुवामन आउर सपाय पवितर लोगमन के जुहार बोला। इटली बितामन तुमके जुहार बले सोत।

इब्रानियो 6:12

बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।

प्रकाशितवाक्य 6:9

जिदलदाय हुन पांचवां सील खोललो, तेबे मय बेदी चो खाले हुनमन चो जीव के दकले जोन माहापुरू चो बचन चो लागुन आउर हुन गोहई चो लागुन जोन हुनमन देऊ रवत बद करा जाऊ रवत।