इब्रानियो 13:20 - Halbi

²⁰ अदायं शान्ति देऊ माहापुरू, जोन आमचो परबु ईशु के जोन मेंडामन चो बड़े राका करू आय हरमेशा बायदा चो लऊ चो गुन ले मरलो बितामन थानले जियाऊन भाती धरून ईलो,

परमेस्वर को सच्चो वचन ख जाननू

²⁰ अब सान्ति दाता परमेस्वर, जे हमारो प्रभु यीसु को जे भेड़ को बडो रखवालो आय आखरी वाचा को खून को गुन से मरो हुओ म से जिन्दो कर ख ले आयो,

इब्रानियो 13:20 ပူးပေါင်းရင်းမြစ်များ

मत्ती 26:28

कसनबल्लोने ऐ बायदा चो मोचो हुन लऊ आय, जोन खुबेमन चो काजे पापमन चो छमा चो लागुन बहाया जाये से।

मरकुस 14:24

आउर ईशु हुनमन ले बल्लो, “ऐ बायदा चो मोचो लऊ आय, जोन खुबे लोग काजे बहाया जाये से।

लूका 22:20

ऐई रीति ले हुन भात चो पाचे बटका बले ऐ बोलते-बोलते दिलो, “ऐ बटका मोचो हुन लऊ ने जोन तुमचो काजे बहाया जाये से, नवा बायदा आय।

यूहन्ना 10:11

अच्छा चरेया मय आय; अच्छा चरेया मेंडामन चो काजे आपलो जीव देऊ आय।

यूहन्ना 10:14

अच्छा चरेया मय आंय; मय आपलो मेंडामन के जाने, आउर मोचो मेंडामन मोके जानोत।

प्रेरितो 13:30

मान्तर माहापुरू हुनके मरलो बितामन थानले जिआ लो,

प्रेरितो 17:31

“कसनबल्लोने हुन गोटक दिन ठेबालो से, जोन थाने हुन-हुन माने चो बाटले धरम ले जगत चो नियाय करे दे, जोन के हुन ठेबालो से, आउर हुनके मरलो बितामन थानले जिआऊन भाती ऐ गोठ सपाय उपरे परकट करून दिलो से।”

प्रेरितो 2:24

मान्तर हुनी के माहापुरू मरना चो बान्दनमन ले छंड़ाऊन भाती जिआ लो; कसनबल्लोने ऐ नी होतो लायक रली कि हुन हुनचो बस ने रतो।

प्रेरितो 2:32

ऐई ईशु के माहापुरू जिआ लो, जेचो आमी सपाय गोहई आंसु।

प्रेरितो 3:15

आउर तुमीमन जीवना चो करता के मारून दीलास, जेके माहापुरू मरलो बितामन थानले जिआ लो; आउर ऐ गोठ ने आमी गोहई आंसु।

प्रेरितो 4:10

तेबे तुमी सपाय आउर पुईतराय इस्राएली लोग जानुन राआ कि ईशु मसीह नासरी चो नाव ले जेके तुमी कुरूस उपरे चेगालास आउर माहापुरू मरलो बितामन थानले जिआ लो, ऐ माने तुमचो पुरे अच्छा चेंगा उबा आसे।

प्रेरितो 5:30

आमचो बुआ दादीमन चो माहापुरू ईशु के जिआ लो, जेके तुमी कुरूस थाने लटकाऊन भाती मारून दिलास।

रोमियो 1:4

आउर पवितरता चो आत्मा चो बाटले मरलो बितामन थानले जीव उठतोर कारन सामरत चो संगे माहापुरू चो बेटा ठेबलो से।

रोमियो 10:7

नाहले “अधलोक ने कोन उतरे दे” (बल्लोने मसीह के मरलो बितामन थानले जिआन भाती उपरे आनतो काजे!)

रोमियो 15:33

शान्ति चो माहापुरू तुमी सपाय चो संगे रओ। आमीन।

रोमियो 16:20

शान्ति चो माहापुरू शयतान के तुमचो पाँयमन ले झटके रमदुन देये दे। आमचो परबु ईशु मसीह चो अनुग्रह तुमचो उपरे होते रओ।

रोमियो 8:11

अगर हुनचेई आत्मा जेचो ने ईशु के मरलो बितामन थानले जिआलो, तुमनमन ने बसलोर आसे; तेबे जोन मसीह के मरलो बितामन थानले जिआलो, हुन तुमचो नाश होतो बिती देंहमन के बले आपलो आत्मा चो बाटले जोन तुमनमन ने बसलोर आसे, जिआय दे।

1 कुरिन्थियो 14:33

कसनबल्लोने माहापुरू गड़बड़ी चो नुआय, मान्तर शान्ति चो माहापुरू आय। जसन पवितर लोगमन चो सपाय कलीसियामन ने आसे।

1 कुरिन्थियो 15:15

मान्तर आमी माहापुरू चो झूठा गोहई ठेबलु; कसनबल्लोने आमी माहापुरू चो बारे ने ऐ गोहई दिलु कि हुन मसीह के जोन जियाऊन दिलो, अगर नी जिआ लो अगर मरलो बिता नी जीव उठता।

1 कुरिन्थियो 6:14

माहापुरू आपलो सामरत ले परबु के जिआलो, आउर आमके बले जीआये दे।

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

2 कुरिन्थियो 4:14

कसनबल्लोने आमी जानु से कि जोन परबु ईशु के जिआलो, हुनी आमके बले ईशु ने भागी जानुन भाती जिआय दे, आउर तुमचो संगे आपलो पुरे हाजिर करेदे।

गलातियो 1:1

पौलुस चो जोन ना मानेमन चो बाटले आउर ना माने चो बाटले, मान्तर ईशु मसीह आउर माहापुरू बुआ चो बाटले, जोन हुनके मरलो बितामन थानले जिआ लो, पठालोबिता आय।

इफिसीयो 1:20

जोन हुन मसीह ने करलो कि हुनके मरलो बितामन थानले जिआऊन भाती सरग चो जगामन ने आपलो उजा बाटे

फिलिप्पियो 4:9

जोन गोठमन तुमी मचो ले सिकलास, आउर गरहन करलास, आउर सुनलास, आउर मचो ने दकलास, हुनीमन चो पालन करा, तेबे माहापुरू चो जोन शान्ति चो झरन आय तुमचो संगे रयदे।

कुलुस्सियो 2:12

आउर हुनचेई संगे डूबन ने गाड़ाय गेला आउर हुनचेई थाने माहापुरू चो सामरत उपरे बिश्वास करून, जेचो ले हुनके मरलो बितामन थानले जिआलो, हुनचो संगे जीव बले उठला।

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

1 थिस्सलुनीकियो 5:23

शान्ति चो माहापुरू खुदे ची तुमके पुरा रीति ले पवितर करो; आउर तुमचो आत्मा आउर जीव आउर देंह आमचो परबु ईशु मसीह चो ऐतो दाय ले पुरा आउर बेकसूर सुरक्षित रओत।

2 थिस्सलुनीकियो 3:16

अदायं परबु जोन शान्ति चो झरन आय खुद ची तुमके सदा आउर हर परकार ले शान्ति देओ। परबु तुमी सपाय चो संगे रओ।

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

इब्रानियो 10:29

तेबे बिचारा कि हुन कितलो आउर बले भारी डण्ड चो लायक ठेबे दे, जोन माहापुरू चो बेटा के पाँयमन ले लगड़ लो आउर बायदा चो लऊ के, जेचो दुवारा हुन पवितर ठेबाया जाऊ रये, अपवितर जानला सोत, आउर अनुग्रह चो आत्मा चो बेईजित करला।

इब्रानियो 9:20

आउर बल्लो, “ऐ हुन बायदा चो लऊ आय, जेचो हुकुम माहापुरू तुमचो काजे दिलो से।”

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

1 पतरस 2:25

कसनबल्लोने तुमी पयले भुलकलो बिती मेंडामन चो असन रलास, मान्तर अदायं आपलो परानमन चो राका करू आउर अध्यक्ष चो लगे फिरून ईलासास।

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।