इब्रानियो 13:14 - Halbi

¹⁴ कसनबल्लोने ऐथा आमचो कोनी थीर नंगर निआय, मान्तर आमी गोटक ऐतो बिती नंगर चो खोज ने आंसु।

परमेस्वर को सच्चो वचन ख जाननू

¹⁴ काहे कि याहा हमारो कोई जगह नगर नी, वरन् हम एक आवन वालो नगर की खोज म हैं।

इब्रानियो 13:14 ပူးပေါင်းရင်းမြစ်များ

1 कुरिन्थियो 7:29

हे भाईमन, मय ऐ बलेंसें कि समया कम करा गेलोर आसे, ऐईकाजे जरूरी आय कि जोनमन चो बायले आसोत, हुनमन असन होओत माना हुनमन चो बायले निआत;

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

इफिसीयो 2:19

ऐईकाजे तुमी अदायं परदेशीया आउर मुसाफिर नी रलास, मान्तर पवितर लोगमन चो संगवारी परदेशीया आउर माहापुरू चो घरलोगमन चो होऊन गेला।

फिलिप्पियो 3:20

मान्तर आमचो खुद चो देश सरग उपरे आसे; आउर आमी गोटक मुक्ति करता परबु ईशु मसीह चो हुता ले ऐतोर बाट टाकलु से।

इब्रानियो 10:34

कसनबल्लोने तुमी कयदीमन चो दुक ने बले दुकी होलास आउर आपलो सम्पत्ति बले हरिक ले जटुक दिलास; ऐ जानुन भाती कि तुमचो लगे गोटक आउर बले बड़ीया आउर हरमेशा ठेबतो बिती सम्पत्ति आसे।

इब्रानियो 12:22

मान्तर तुमी सिय्योन चो डोंगरी चो लगे, आउर जीवता माहापुरू चो नंगर, सरग चो यरूशलेम, चो लगे आउर लाखो सरग दूतमन

इब्रानियो 12:27

आउर ऐ पद “गोटक हार फेर” ऐ गोठ के परकट करू आय कि जोन तीजमन हलाया जाऊ आय, हुनमन बनालो बिती तीजमन होतोर लागुन गुचुन जाये दे; बल्ले जोन तीजमन हलाया नी जाये, हुनमन अटल बनुन रओ।

इब्रानियो 2:5

हुन-हुन ऐतो बिती जगत चो जेचो चरचा आमी करूंसे, सरग दूतमन चो अधीन नी करलो।

इब्रानियो 4:9

आउर जाना कि माहापुरू चो लोगमन चो काजे सब्त चो विश्राम बाकी आसे;

इब्रानियो 9:11

मान्तर जिदलदाय मसीह ऐतो बिती अच्छा-अच्छा तीजमन माहायाजक होऊन भाती ईलो, तेबे हुन आउर बले बड़े आउर सिद्ध तम्बू ले होऊन भाती, जोन हाथ चो बनालोर बिती नुआय बल्लोने ऐ ब्रमांड चो नुआय,

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।

प्रकाशितवाक्य 3:12

“जोन जय पावला हुनके मय आपलो माहापुरू चो मंदिर ने गोटक खुटा बनायेंदे, आउर हुन फेर केबीई बाहरे नी निकरेदे; आउर मय आपलो माहापुरू चो नाव आउर आपलो माहापुरू चो नंगर बल्लोने नवा यरूशलेम चो नाव, जोन मोचो माहापुरू चो लगे ले सरग उपर ले उतरतो बिती आय, आउर आपलो नवा नाव हुन थाने लिकेन्दे।”