इब्रानियो 12:3 - Halbi

³ ऐईकाजे हुनचो उपरे धिआन करा, जोन आपलो बिरूद ने पापीमन चो ईतलो गोठ-बात सहलो कि तुमी मुरमुरा होऊन भाती साहास नी छांडुन दिआस।

परमेस्वर को सच्चो वचन ख जाननू

³ ऐको लाने उन पर याद करो, जे न अपनी बुराई म पापी हुन ख इतनी बुराई सह लियो कि तुम निरास हो ख साहस नी छोड़ दे।

इब्रानियो 12:3 ပူးပေါင်းရင်းမြစ်များ

मत्ती 11:19

माने चो बेटा खाते पीते ईलो, आउर हुनमन बोल सोत ‘दका, पेटू आउर मतवार माने, कर धरू बितामन आउर पापीमन चो मीत!’ मान्तर गिआन आपलो काममन ले सत ठेबाया गेलीसे।”

मत्ती 12:24

मान्तर फरीसीमन ऐ सुनुन भाती बल्ला, “ऐ तो दुष्टआत्मामन चो सरदार शयतान चो सायता चो बिना दुष्टआत्मामन के नी निकरातो।”

मत्ती 15:2

“तुचो चेलामन सियानमन चो रीति बिदी के केंव टरकाय सोत, कि हाथ नी धोऊन भाती रोटी खाऊ आत?”

मत्ती 21:23

हुन मंदिर ने जाऊ भाती उपदेश करते रलो, तेबे परधान याजकमन आउर लोगमन चो सियानमन हुनचो लगे ऐऊन भाती पचारला, “तुय ऐ काम काचो अधिकार ले कर सीस? आउर तुके ऐ अधिकार कोन दिलो?”

मत्ती 21:46

आउर हुनमन हुनके धरूक चाहला, मान्तर लोगमन ले डरला कसनबल्लोने हुनमन हुनके अगम गिआनी मानते रवत।

मत्ती 22:15

तेबे फरीसीमन जाऊन भाती आपस ने बिचार करला कि हुनके कसन परकार गोठमन ने फसांवा।

लूका 14:1

फेर हुन सब्त चो दिने फरीसीमन चो सरदारमन थानले काचीई घरे रोटी खाऊक गेलो; आउर हुनमन हुनचो घात ने रवत।

लूका 15:2

मान्तर फरीसी आउर शास्तरी गुरमुराऊन भाती बोलुक मुरयाला, “ऐ तो पापीमन ले मीलु आय आउर हुनमन चो संगे खाऊ बले आय।”

लूका 16:14

फरीसी जोन लोभीई रवत, ये सपाय गोठमन सुनुन भाती हुनके मजाकमन ने उड़ाऊक मुरयाला।

लूका 2:34

तेबे शिमोन हुनमन के आशीष देऊन भाती, हुनचो आया मरियम ले बल्लो, “दक, हुन तो इस्राएल ने खुबेमन चो घसरतोर, आउर उठतोर काजे, आउर गोटक असन चिना होतो काजे ठेबाय गेलो से, जेचो बिरूद ने गोठमन कर दे

लूका 5:21

तेबे शास्तरी आउर फरीसी बहस करूक मुरयाला, “ऐ कोन आय जोन माहापुरू चो निन्दा करे से? माहापुरू के छांडुन आउर कोन पापमन के छमा करूक सके?”

यूहन्ना 10:20

हुनमन ले खुबे असन बोलुक मुरयाला, “हुन थाने दुष्टआत्मा आसे, आउर हुन बया आय; हुनचो केंव सुने साहास?”

यूहन्ना 18:22

जिदलदाय हुनमन ले ऐ बल्लो, तेबे जगवारमन ले गोटक जोन लगे उबा रये, ईशु के थापड़ मारून बल्लो, “काय तुय माहायाजक के ऐ परकार जबाप देऊ आस?”

यूहन्ना 5:16

ऐई लागुन यहूदी ईशु के कन्दराऊक मुरयाला, कसनबल्लोने हुन असन काम सब्त चो दिने करते रलो।

यूहन्ना 7:12

आउर लोगमन ने हुनचो बारे ने खुसखुसा खुबे असन गोठमन होली कितलो बोलते रवत, “हुन अच्छा मनुक आय।” आउर कितलो बोलते रवत, “नाई, हुन लोगमन के भरमाऊ आय।”

यूहन्ना 8:13

फरीसीमन हुनचो ले बल्ला, “तुय आपलो गोहई खुद देऊ आस, तुचो गोहई नगत नुआय।”

यूहन्ना 8:52

यहूदीमन हुनचो ले बल्ला, “अदायं आमी जानलु से कि तुचो थाने दुष्टआत्मा आसे। अब्राहाम मरून गेलो, आउर अगम गिआनी बले मरून गेलो से; आउर तुय बोल सीस, ‘अगर कोनी मोचो बचन थाने चले दे तो हुन केबीई मरना चो सुआद नी चाके दे।’

यूहन्ना 8:59

तेबे हुनमन हुनके मारतो काजे पकना उठाला, मान्तर ईशु लुकुन भाती मंदिर ले निकरून गेलो।

यूहन्ना 9:40

जोन फरीसी हुनचो संगे रवत हुनमन ऐ गोठमन सुनुन भाती हुनचो ले बल्ला, “काय आमी बले काना आंव?”

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

2 कुरिन्थियो 4:1

ऐईकाजे जिदलदाय आमचो उपरे असन दया होली कि आमके ऐ सेवा मिरली, तेबे आमी हिम्मत नी छांडु।

2 कुरिन्थियो 4:16

ऐईकाजे आमी हिम्मत नी छांडु; अगर आमचो बाहरी मानेरूप नष्ट होते जाऊ आय तेबले बले आमचो भीतरी मानेरूप दिन-दिन नवा होते जाऊ आय।

गलातियो 6:9

आमी नुकु काम करतो ने साहास नी छांडु, कसनबल्लोने अगर आमी ढीला नी होऊ तेबे ठीक समया थाने कटनी काटवां।

2 थिस्सलुनीकियो 3:13

तुमी, हे भाईमन, भलाई करतो ने हिम्मत नी छांडा।

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 12:5

आउर तुमी हुन उपदेश के, जोन तुमके बेटामन चो असन दिया जाये से, भुलकुन गेलासास “हे मोचो बेटा, परबु चो ताड़ना के उसास गोठ नी जान, आउर जिदलदाय हुन तुके धमकाय दे तेबे साहास नी छांड़।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

1 पतरस 2:23

हुन झगड़ा सुनुन भाती झगड़ा नी करते रये, आउर दुख उठाऊन भाती काकीई बले धमकी नी देते रये, मान्तर आपन खुद के सते नियायी चो हाथ ने सोपते रये।

प्रकाशितवाक्य 2:3

“तुय धीरज धरू आस, आउर मोचो नाव चो काजे दुख उठाते-उठाते थाकलीस नाई।”