इब्रानियो 11:37 - Halbi

³⁷ पकना मारा गेला; आरा ले चीरा गेला; हुनमन चो परीक्षा करा गेली; तलवार ले मारा गेला; हुनमन कंगाली ने, आउर कलेश ने, आउर दुख भोगते-भोगते मेंडामन आउर बकड़ीमन चो खाला ओडून भाती, ऐ बाटे हुन बाटे गलिन-गलिन फिरला;

परमेस्वर को सच्चो वचन ख जाननू

³⁷ कुछ इंसान हुन पत्थर से मारो गयो, अऊर कई ख ते आरा से चिरया अर कई ख तरवार से माऊत को घात उतार दियो। अर कई इंसान सताव अऊर दुख झेलन को लाने भेड़ अऊर बकरी हुन की खाल ओढ़ ख इते उते भटकते फिरते रया।

इब्रानियो 11:37 ပူးပေါင်းရင်းမြစ်များ

मत्ती 21:35

मान्तर किसानमन हुनचो दासमन के धरून भाती, काके तो पेटला, आउर काके तो मारला, आउर काचीई उपरे पकना मारला।

मत्ती 3:4

ऐ यूहन्ना ऊंट चो रूंआ चो बनलो फटीई पिन्दुन रये, आउर आपलो करांड ने चामड़ा चो पट्टा बान्दी होऊ रये, आउर हुनचो खातो तीज थापामन आउर ओंडार तेल रये।

मत्ती 8:20

ईशु हुनचो ले बल्लो, “लोकड़लीमन चो भील आउर बादरी चो चड़ीईमन चो डेरामन होऊ आय; मान्तर माने चो बेटा चो काजे मुण्ड संगातोर बले जगा निआय।”

लूका 13:34

“हे यरूशलेम! हे यरूशलेम! तुय जोन अगम गिआनीमन के मारू आस, आउर जोन तुचो लगे पटाया गेला हुनमन उपरे पकना पकाऊ आस। कितलो हार मय ऐ मन करले कि जसन कुकड़ी आपलो पिलामन के आपलो पाटकी चो खाले रूंड़ा करू आय, असने ची मय बले तुचो पिलामन के रूंड़ा करें दें, मान्तर तुमी ऐ नी मन करलास।

प्रेरितो 14:19

मान्तर कितलो यहूदीमन अन्ताकिया आउर इकुनियुम ले ऐऊन भाती लोगमन के आपलो बाटे करला, आउर पौलुस उपरे पखना मारला, आउर मरलो समजुन भाती हुनके नंगर चो बाहरे ओड़गड़ते निला।

प्रेरितो 7:52

अगम गिआनीमन थानले कोके तुमचो बुआ दादीमन नी कन्दराला? हुनमन हुन धरमी चो आगमन चो पयले जुग ले खबर देतो बितामन के मारून दिला; आउर अदायं तुमी बले हुनचो धरतो बितामन आउर मारून देतो बिता होलास।

2 कुरिन्थियो 12:10

ऐई कारन मय मसीह चो काजे कमजोरीमन ने, आउर निन्दामन ने, आउर दरिदरता ने, आउर उपद्रव ने, आउर संकटमन ने हरिक आंसे; कसनबल्लोने जिदलदाय मय कमजोर होऊँ आंय तेबे बलवन्त होऊ आंय।

इब्रानियो 11:25

ऐईकाजे कि हुनके पाप ने खिन्डिक दिन चो सुक भोगतोर ले माहापुरू चो लोगमन चो संगे दुख भोगतोर आउर बले बड़ीया लागली।

इब्रानियो 13:3

कयदीमन चो असन सुद्धि धरा कि माना हुनमन चो संगे तुमी बले कयदी आस, आउर जोनमन चो संगे खराप बेवहार करा जाऊ आय, हुनमन चो बले ऐ समजुन भाती सुद्धि धरा करा कि आमचो बले देंह आय।

प्रकाशितवाक्य 11:3

मय आपलो दुय गोहईमन के ऐ अधिकार देयेंदे कि टाट ओड़ी होऊन एक हजार दुय सव साठ दिन ले अगम गोठ करोत।