इब्रानियो 11:25 - Halbi

²⁵ ऐईकाजे कि हुनके पाप ने खिन्डिक दिन चो सुक भोगतोर ले माहापुरू चो लोगमन चो संगे दुख भोगतोर आउर बले बड़ीया लागली।

परमेस्वर को सच्चो वचन ख जाननू

²⁵ उन न थोडा दिन पाप म सुख भोगनो से अच्छो, परमेस्वर की प्रजा को संग दुख भोगनु ऐसे उत्तम समझियो।

इब्रानियो 11:25 ပူးပေါင်းရင်းမြစ်များ

मत्ती 13:21

मान्तर आपलो ने चेर नी संगातोर लागुन हुन खिन्डिक ची दिन चो आय, आउर जिदलदाय बचन चो लागुन कलेश नाहले झंझट होऊ आय तेबे तुरते ठोकरना खाऊ आय।

लूका 16:25

मान्तर अब्राहाम बल्लो, ‘हे बेटा, सुरता कर कि तुय आपलो जीवना ने अच्छा तीजमन धरून चुकली सीस, आउर असने ची लाजर खराप तीजमन मान्तर अदायं हुन ऐथा शान्ति पाये से, आउर तुय तड़प सीस।

प्रेरितो 7:34

मय सत-सत आपलो लोगमन चो जोन मिस्र ने आसोत, दूरगति के दकले से; आउर हुनमन चो करलानी आउर हुनमन चो गागतोर सुनले से; ऐईकाजे हुनमन के छंड़ातो काजे उतर ले से। अदायं आव, मय तुके मिस्र ने पठायेंदे।

रोमियो 5:3

मात्र ऐई नाई, मान्तर आमी कलेशमन ने बले घमण्ड करू, ऐ जानुन भाती कि कलेश ले धीरज,

2 कुरिन्थियो 5:17

ऐईकाजे अगर कोनी मसीह ने आसे तो हुन नवा रचना आय: जुना गोठमन बीतुन गेली से; दका, सपाय गोठमन नवा होऊन गेली से।

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

इब्रानियो 10:32

मान्तर हुन पाटे चो दिनमन के सुरता करा, जोन थाने तुमी उजर पाऊन भाती दुकमन चो बड़े भुगतोर ने थीर रलास।

इब्रानियो 11:37

पकना मारा गेला; आरा ले चीरा गेला; हुनमन चो परीक्षा करा गेली; तलवार ले मारा गेला; हुनमन कंगाली ने, आउर कलेश ने, आउर दुख भोगते-भोगते मेंडामन आउर बकड़ीमन चो खाला ओडून भाती, ऐ बाटे हुन बाटे गलिन-गलिन फिरला;

इब्रानियो 4:9

आउर जाना कि माहापुरू चो लोगमन चो काजे सब्त चो विश्राम बाकी आसे;

याकूब 1:20

कसनबल्लोने माने चो रीस माहापुरू चो धरम चो पालन नी करूक सके।

याकूब 5:5

तुमी धरतनी थाने खातो-पिव तो ने लगुन रलास आउर बड़े ची सुक भोगलाश; तुमी ऐ मरना चो दिन चो काजे आपलो मन चो पालन पोषन करून हुनके ठोसर करलास।

1 पतरस 2:10

तुमी पयले तो काई बले नी रलास मान्तर अदायं माहापुरू चो परजा आस; तुमचो उपरे दया नी होऊ रये मान्तर अदायं तुमचो उपरे दया होली से।

प्रकाशितवाक्य 18:7

जितरो हुन आपलो बड़ाई करलो आउर सुक भोगलो हुतलीई हुनके दुका आउर दुक दिआस; कसनबल्लोने हुन आपलो मन ने बोलु आय, ‘मय रानी होऊन बस ले से रान्डी नाई; आउर दुक ने केबीई नी पडे़दें।’